واخر يوم امتحان لقيته حزين
سألته مالك
قالي خلصت الامتحانات
ومش هشوفك فترة الاجازه
كتير اوي هو ممكن تقبلي اضافة الفيس
رديت اكيد
حسيت بفرحة جواه ودا شئ بسيط
وبدأنا نتكلم يومياً عالفيس
ونرغي طول الليل وعرفت عنه كل حاجه
و قربني منه انه يتيم الام زيي
َمن معملته معايا طلع انسان خلوق جدا
وطلب يتقدملي وانا وفقت
كان سعيد جدا سعيد وجه يقابل بابا
وطبعا بابا زي اي اب مصري اهم حاجه ان العريس جاهز
كريم مرتاح مدياً
ومن حبه فيه كان يتمني يجبلي حته من السما
بابا طلب شبكه ب 15000
سكت كريم وحسيت انه زعل
اضايقت جدا وقولت فبالي ليه كدا يا حج هطير الواد بعد ما قربت منه
لقيت كريم بيقول 15000 دي مش قيمتها
حنان قيمتها اكتر من كدا ب كتييييييييير
بابا رد والله انت حر انت وهي
رد كريم قاله بص يا عمي اي حاجه هتطلبها مجابه ومتشلش هم حاجه
فرح بابا وقرينا الفتحه وبعدها قدملي
خاتم و اسوره في منتهى الروعه
كريم طلب من بابا يخدني انا و هو عشان اشوف هديتي الاكبر
وانا فالطريق عماله افكر ياترى ايه
وهو سايق العربيه وعينه عليا
وفجأه وقف عند مستشفى سرطان الاطفال
انا وبابا بصينا لبعض مستغربين
فسألته جبتنا هنا ليه انت هتزور حد
قالي انزلي بس وانتي هتعرفي كل حاجه
دخلنا المكان وتقريبا الناس كلها عرفاه هناك وطلعنا الدور التاني
لقيت باب اوضه مكتوب عليها صدقه بأسم حنان عبدالله
وفي نص الباب قلب ❤ ومكتوب جواه حب عمري
وانا سرحانه فالموقف دا لقيت الناس هناك بتحتفل بخطوبتنا الاستاذ كان مرتب كل دا
بصراحه بكيت بشده
اد كده بيحبني وبابا كان فرحان وقالوا ربنا يسعدكم يابني
من اللحظه دي قررت ان اكون اد ثقته فيا واد حبه ليا
وقبل الدراسه بيومين كانت خطوبتي واتعزم فيها كل الاهل الاصحاب و طبعا علاء و سلوي والعيله وخطيبة علاء وكنت اول مره اشوفها
ولاول مره اشعر............
و حلقه جديده بعد ساعه من الآن
تحياتي 🌟 نانا محمد
ليست هناك تعليقات:
إرسال تعليق