ان الأوان

ان الأوان 

ان الأوان ترجع لنا أرجع تعالى عندنا

تلمس من تانى فرحنا و تعيش معانا بحبنا

ان الأوان 

ان الأوان تمحى الجروح و أقتل جواك أحساس الخوف

فضفض و بوح خليك صبوح و أسكن من تانى قلبنا

ان الأوان 

ان الأوان نرجع نعيش و نقول للحزن لا مفيش دمعه هتجرح خدنا 

ان الأوان

ان الأوان أصرخ و أقول بأعلى صوت بحبك موت  و من النهردا مفيش سكوت

و لو اخر عمرى لحظه فى حضنك أدعى من ربى إنى أموت 

ان الأوان 

 ♥ بقلـــــــــــــ نانا محمد ـــــم ♥

أتركينـــــــى يـا حيـاه

أمسكت بقلمى كى أعبر عن أهاتى

تركنى القلم و لم يطيع أشاراتى

فأخذت أبكى من كثرت ضيقى و عمق أهاتى

و أخذ قلبى يصرخ

يالها من دنيا لم أرى فيها بسمة سكاتى

فكفاكى طعن فى جسدى

و كفاكى لوعه بشتياقى

فتركينى يا حياه و أجعلى الموت حياتى

و أتركى حبى معى كى يسكن عمق ترابى

بقلــ نانا محمد ــــم

اه يـا بـــــلادى

اه يا بلادى

اه يا بلادى يا بلادى 
يا زهره فى حضن وادى
اه يا بلادى يا بلادى 
حماكى ربى و قال دى هدية لعبادى
اه يا بلادى يا بلادى
سمعاكى بتصرخى و تقولى يا ولادى

اه يا بلادى

اه يا بلادى كانوا سرقينك
خرجوا ولادك قالوا عايزينك
و وقف معانا خير جنودك
فتحوا السجون للحراميه و خرجوا علينا البلطجيه
لكن وقف الكل حماكى 

اه يا بلادى

اه يا بلادى من سجن و قميص أزرق 
لقصر و بدله و حرس و خدم و عربيات و بودى جاردات 
كله بمالنا ياللى بتقول تضحيات

خرجوا علينا بالشرعيه و صكوك قالوا أسلاميه 
طلعوا شوية بلطجيه 
حزب خاين حزب عميل واقف يخطب فالخاينين 
و يسب و يلعن فالمحترمين

بيقولوا أحنا جماعه ربانية
تعرف ربك يا جبان 
أزاى بتصلى و تسجد و تكبر بسم الله فكل أذان
قول لربك كام واحد أتقتل و أتعذب و أنت تخطب و تقول كمان
بالله عليك بتعرف تنام 
طيب تعرف كام واحد بسببك بات جعان
حاسس بمعنى الأمان 
تعرف يعنى ايه حرقة قلب أب غلبان
لما أديت أمر يقتلوا أبنه
مش الأبن بس اللى أتقتل دى عيله بحالها قلبها أتفطر
على ابن كان من الشجعان
و ياريت بعد أستشهاده تكرموا و تقولوا كان من الأبطال 
لا تسبوا و تلعنوا و تقولوا كان عميل كان جبان 
و يخرج تقرير يقول حادث و محدش قرب من الجدعان

طب بالله عليك جيكا بلطجى اللى يوم ما بقيت رئيس 
خرج يهتف بأسمك و كان فرحان
طب و كريستى ولا أبو ضيف طب و الجندى 
يا أخى بقى عيب عليك زمان قولت ثورجى 
دلوقتى بقى اى واحد فيهم بلطجى

كتر كتر فالحراميه و أخون أخون فالدخليه 
كله كويس كله جميل طول مالكل هيبقى عميل

بيقولوا الإتحاديه راحت سكنت فى المقطم عند المرشد و الحراميه
ياله نروح يا ثوراجيه تيجى نرسم عالطريق 
يمكن الرسم يحدد ملامح المستقبل و نوجد له طريق
لكن فجأه الكل بيجرى 
ضرب و سب من الكلاب اللى بيتاجر بأسم الدين
دينك قال تسب الجدعان
دينك قال تضرب ستات 
لا طبعا بس هى دى أخلاق شباب الأخوان

سجل سجل يا تاريخ
ثوره تانى من جديد
و هنجيب حق الشهيد
أيدى فأيد مينا و ملاك 
نحمى بلادى من الهلاك 

اه يا بلادى اه يا بلادى
هتفضلى زهره فى حضن الوادى

♥ بـقـلـــ نانا محمد ــم ♥

خليــك عاشـــقـوا يــا قلبــى

شاهد يا بيتنا على جرحهم
شاهد على قسوة قلبهم
خلاص زهقوا مننا و باعوا و نسيوا حلمنا
فارقونا خلاص و بقيت أنا و أنت هنا

فاكر يا بيتنا حبنا
فاكر كل فرحة أتولدت و عاشت هنا
هنا كبر حبنا و هنا أتولد فرحنا
و هنا كنا نزعل و نشتكى ولا يوم نبات بهمنا
كان كل ركن فيك يحضن فرحنا
و يمحى أى جرح يدخل قلبنا

هـــنــــا

هنا كان حلم السنين
و هنا دبت فى أجمل حنين
هنا كبر حبنا و فقلبى هيفضل لو ميت سنه

فاكر يا قلبى أجمل كلام
فاكر كل تنهيدة غرام
أوعى تنسى يا قلبى حتى لو مشي من غير ما يقول سلام
أوعى يا قلبى تأسى و تقول هو اللى باع
ولا تقفل فى وشه بابك لما يجى و يقول سماح
أوعى يا قلبى تغضب عليه
مهما يحصل والله ميهون عليك

هيهون عليك تنساه
و لا تنسى ليالى هواه
لا يا قلبى متكرهوش دا هو روحى حتى لو مبتشفوش
لا يا قلبى أوعى تجرحوا دا ياما حبك فرحوا
خليك شيله يقلبى يمكن الأيام ترجعوا
ولا يجى صدفه و عينك تلمحوا
حتى لو نسمه خطفته و تقول هروحوا
كفايا أنه عدى وعيونى لمحتوا

خليك عاشقوا يا قلبى
دا ياما حبك فرحوا

~َْ بقلمــى ♥ نــانــا محمــد ~َْ

مــاذا تريد منــى أيها الإنســان

يا من أقتحمت عالمى دون إستأذان
وسيطرت على تفكيرى حتى فالأحلام
ماذا تريد منى أيها الانسان
فأنا لا أريد ان أشرب مرهٍ أخرى من كأس الأحزان
و لا أريد أن أغرق فى بحر الألم

فأن كنت تحبنى فهل تستطيع أن تخطو بى من فوق جسر مدينة الأحزان ؟
إلى مدينة الحب والحنان.
أم ستلقى بى فى بئر العنان.
فيا من امتلكت قلبى وعقلى وروحى حتى نسيم هواى
لا تترك قلبى وحيداً بعد أن عيشته فى عالم مملؤ بالأمان
فانا لا أريد منك سوى أن تحتوينى بكل ما بك من كيان

أريدك لى ابآ حنونآ
أريدك لى اخآ عطوفآ
أريدك لى عاشقآ ملهوفآ

جـــرحتـنـى نـــعم جــرحــتـنـى

جرحتنى نعم جرحتنى
و تفننت فى دمعه تصاحبنى ليله و أخيرا بخطئ أحملتنى

من أجلك أترك العالم و الكون
و أبقى معك حتى تنعس و يأخذك السكون
و لكن فى لحظه أخبرتنى أنى فى قلبك شئ لا يكون
فأقنعت نفسى أنى لا ادرك معنى الفراق و أينما يكون
لأنى لا أريد أن أعرف له طريق حتى لا يأخذنى منك أيها الملعون

و فى يوم أخر تجاهلت وجودى و عندما نبهتك أنى هنا
و سألتك مع من تكون ثورت
و كأنى حشره تريد أن تضعها تحت قدميك حتى تتأكد ان ليس لها وجود
فتركتك و تركت الكون و توجهت الى الله الذى هو أحسن ما يكون
و دعوت ربى أن يخمد نار قلبى التى أشعر بشتعالها
و أخذت تنهمر دموعى فأخبأها بجوف وسادتى كى لا يعلم أحد علتى

و عندما تركتك بضع ساعات قولت ها هى أبتعدت و نست انى هنا

فها أنا أكتب لك الأن لأقول لك
لا أستطيع نسيانك لو ثوانى
و الشوق بداخلى هز كيانى
و يقتلنى أشتياقى لسماع صوتك و لكن أنت من جعلتنى أصمت
و أترك لك كل مكان كى تسعد مع غيرى يا صاحب المعالى

و لكن يا حبيبى لم أستطيع نسيانك
و أن شعرت بنسيانى فأعلم ان الموت قد جانى

فتحياتى لك يا من جعلتنى من مجنى عليه إلى جانى


بقلــ نانا محمد ـــــم

أحـــبــك أيــنــمـا تــكـون

أينما تكون يا حبيبى

ينمو الحب و يكون

و تتلون حياتى بأحلى لون

أعشقك كما تعشق الموجه مياه البحر

أعشق أحتضانك لى كما تحتضن الأرض قطرات المطر

أشتهى رؤياك كما يشتهى العصفور نور الصباح

أشتهى لمسة يديك كما تشتهى الفراشه رحيق الزهور

أنتظر نسيم أنفاسك كى يلمس خدى

و يمرء بين شفتى

و تحلو بك حياتى

فأصبح أميره بحبى لك

و تصبح أنت تاج على راسى

لو أستطيع يا حبيبى

لغزلت من نسيم عطرك ثياب أرتديه

و أشغل من رزاز أنفاسك عقد أتزين بيه

فها هى أنفاسك محمله 

بعناقيدالشوق المعطر بالنرجس

فأريد أن أزرع على شفتيك حدائق شغف

كى أقطفها قبلات تمنحنى الحياه

فها هو حبك حبيبى ينمو أينما تكون 

بقـلـــــ نانا محمد ــــم

أنـتـــحــــر صــمــتـى

أنتحر صمتى حينما كتبت عن الحب

أنتحر صمتى عندما تعلم قلبى كيف يدق

أنتحر صمتى عندما شاهدة عيناك تأسرنى بكل حب

أنتحر صمتى و قتل الخوف فأصبح قلبى بك شغوف

أنتحر صمتى فهمست لك و فمتلكت قلبى بين يديك

أنتحر صمتى و هز الكون و أصبح قلبى بك مجنون

أنتحر صمت و غفت عيناى فوجدتك فارسى بالاحلام

و أصبحت أميره فى بستان مولى


أيا صاحب السمو ماذا فعلت بى ؟
كنت من قبل أميرة الصمت 
و لا يستطيع أحد أن يجذبنى له و لو بطرف عيناى 
فأنت الوحيد الذى جذبتنى لك 
و جعلت قلبى يهتف بك و يدون أجمل معانى الحب
فيا حبيب القلب بوجودك أنتحر صمتى
و تعلم قلبى كيف يدق
 فوجدته يشرح للناس كيف يكون العشق

بقلـــــــــــ نانا محمد ـــــــــــم

أهــــــــــداء خـــــاص لأمـــــــــــى

أهداء خاص لأمى و أغلى من روحى ♥♥♥
أتمنى من الجميع يدعوا لها بالرحمه
اللهم أسكنها فسيح جناتك و أجعل قبرها روضه من رياض الجنه
اللهم أرحم أمى و أرحم موتنا و موتا المسلمين أجمعين


عيدك يا أمى بيجى و يروح و أنا بعدك عيشه بقلب مجروح
و سنين تعدى و أنا شيله همى بيدى
و أيام بتفوت و أنا عيشه بمرار و سكوت
فينك يا أمى دانا من بعدك بموت

فى طفولتى ممحيه و فى شبابى منسيه
و تمر الأيام و أدام الكل أعمل عفيه
لكن بينى و بين نفسى بتألم
و بكتبلك يا أمى و قلمى معايا بيتألم
أبكى فى كل حرف و بين سطورى دموعى تتكلم

فينك يا أمى دا الكل من بعدك هنى
أعز ما ليا و ماليكى خنى
جرحونى و بمرارى صبرت و مارديت أتكلم
يعرفونى وقت ما يحتجونى
و ينسونى وقت ما يبعونى
فينك يا أمى دا كلهم خانونى و فقلبى جرحونى

كتير أحن ليكى و توحشنى عنيكى
و كتير بتمنى أشوفك و أبوس يا أمى كفوفك و أقولك وحشتينى
أنا هنا فى خدمتك و تحت رجليكى
و دايما فى طوعك و برضاكى عليا أكمل

لكن أفوق ألقى نفسى لوحدى يا أمى
لوحدى بكمل حياتى و أنا عيشه بهمى وسكاتى
دا من بعدك يا أمى بتمنى أودع حياتى

بقلمــــ نانا محمد ــــى

عــدونـــــا هـــــو الــجـبــــان

                             عدونا هو الجبان 
                              ~~~~~~~~~
عدونا مش ضابط دخليه ولا مجند ولا فرد أمن شقيان 
واقف يحرس بنك ولا سفاره ولا منشأه فى عز البرد 
عدونا مش ضابط سهران يحرسك و يحمى بيتك وانت فالدفى نايم
و هو فى عز البرد شغال متحرم عليه الراحه عشان انت تكون فأمان

الضابط دا واحد مننا مش عدونا ولا هو حزب سرق حلمنا
ممكن يكون اخوك او اخويا او جار او صاحب عمرك اللى كان معاك فالمدرسه زمان 
عدونا هو الجبان اللى وقت الضرب أستخبى 
و يوم جمعة الغضب خاف يبان 
عدونا هو اللى نزل فالميدان لما اطمن ان ممكن يكون فى امل فالعيال 
عدونا هو اللى قال انا واحد منكم و ادعى انه كان معانا من اول يوم
فالميدان
عدونا هو الجبان اللى حاول يوقع بنا و بين الجيش عشان يهدم العمدان 
عمدان القوه و الجبروت خاف ليوم يقول انقلاب عسكرى و يمحيه من المكان
عدونا هو الكداب اللى وعد و خلف الوعد ولا قال اسباب 
عدونا هو اللى خان اللى اول يوم قال انا منكم 
و هحكم بما يرضى الله لكن كان حكمه بما لا يرضى الله
عدونا مش فرد ولا انسان عدونا جماعه يحكمها خاين و كداب و جبان
عدونا هو اللى سحل مواطن غلبان ولابسها لشرطه
و هو كان صاحب الامر و القرار
عدونا هو اللى ساب الاخوات يموتوا بعض و وقف يتفرج و يقول كمان
عدونا هو اللى ملك القط مفتاح القرار لما جاب جماعته تمسك كل الوزارة و جاب رئيس حكومه بدل ما يخرج بحل لكل الازمات و يوقف الحرب اللى فكل المحافظات 
خرج يدينا دروس فى كيف تطعم الام رضيعها و كيف تقوم بنظافة ثديها 
والله كويس ان لقى موضوع يخرج بيه للناس دا دليل على ان الحكومه ملهاش غير فالرضاعه و تربية العيال
عدونا هو المنافق اللى يقعد معاك ويقولك انت حبيبى و من وراك يقول يا شيخ دا انسان كافر و لدينه خان
عدونا هو اللى خرب البلد و أخون كل شبر فى الحكومه ومخلاش وزارة تقول انا هنا و هساعد الشعب 
دلوقتى اى وزير يخرج يدافع عن الاخوان 
عدونا مش ضابط دخليه لو بتفهم يا شعب و تشوف اضراب الشرطه تعرف ان الدوله بقت أخوان

طب متيجى ناخد قرار ايدى فايد اخويا مش مهم ضابط ولا مجند ولا فرد كلهم اخوتنا
المهم اننا ناخد عهد اننا نمحى الاخوان و حاكمنا يكون مننا ولا اخوانى ولا سلفى ولا واحد من جبهة خراب
لو سكتنا هنشوف ام الدنيا وهى بتتسرق مننا و مش من ورانا لا هتتسرق عالملأ 
يا ولاد بلدى عدونا مش ضباط دخليه 
عدونا اخوانى جبان

بلقمــ و أفتخر نانا محمد ــــــــــى

أنــا و الأيـــام و خـواطـرى

فى ليله من ليالى وحدتى و أنا أجلس بغرفتى 
أمسكت بأجندتى التى أدون بها خواطرى و أخذت أقرأ و أقرأ و أقرأ
و أتذكر كل قصه دفعتنى أكتب خاطره 
و كل خاطره لها حكاية و واقع عشته
و إن لم أكن عشته فهو حلم تمنيت أن أعيشه
فكم أعشق خاطرة أعشقك بجنون فها أنا كتبتها لحبيبى
وكم أعشق خاطرة حتى أخر العمر كتبتها حينما  سافر و تركنى حبيبى ساعات قليله
و كم أعشق خاطرة مشتاقه ليك فهى خاطرة 
كنت أناجى بها حبيبى و هو  بعيد

و كثير و كثير من خواطرى و كلماتى أعشقها 
نعم إنى عاشقه لقلمى الذى يدون حكاياتى و أحلامى
أيا أجندتى كلما أقرأ سطر منكى أستعيد أجمل لحظات عشتها
و أتذكر لحظات قاسيه و حزن جرح قلبى 
أتذكر حبى و لهفتى لحبيبى فيلمس قلبى العشق 
و يغرقنى فى شوق و حنين و رمنسيه لم أراها من قبل

اه ثم اه ثم اه 
اه من حزن عشت فيه 
و اه من جرح سكن قلبى و تعذبت بيه
و اه من هموم جعلتنى أبكى ليالى و تنهمر دموعى 
و كأنها دموع سنين

اه ثم اه ثم اه 
اه من عشق لمس قلبى و جعلنى اسيرةِ له 
و اه من همسه جعلتنى طفله أول  مرة تشعر بالحنين
و اه من لهفه تدفئنى من برد شتاء لعين

اه يا قلبى و اه يا عمرى و اه يا من دون فرحى و جرحى

فلسانى هو قلمى الذى يتكلم و يبكى
 و يجعل غيرى يبكى فى وقت الضيق
و هو لسانى الذى يعشق و يحب و يكتب كل معانى الحب 
يكتبها لروحى و قلبى و قرت عينى 

فها هى خواطرى تعبر عنى
فهل وجدت ما يعبر عنك هنا 
فى نــبــع خــواطــرى ؟

 بقلمـــــ نانا محمد ــــــــــى

عــزف قــلــبـى

نعم أكتب أحساسى و أنثر عزف قلبى لكل ناسى
و بقلمى أذكر كل عاشق ناسى عشقه
أوقات كثيره أكتب ما يعبر عنى 
و أوقات أخر أكتب شعور غيرى 
فأنا أشعر بمن يجلس بجانبى و يحاورنى أدرك بما تخبأه نبرات صوته
و أشعر بأهات قلبه الذى يحاول ان يسجنها بين الضلوع
فأجد نفسى دون شعور أكتب أحساسه
ياله من شعور جميل حينما تكتب ما يشعر عن الأخرين
أنى عاشقه لقملى نعم أعشقه و أعشق خطوط حبره 
أوقات كثيره أضعه بين أصابعى و أنا لا يوجد بذهنى شئ أدونه
و دون شعور أجد قلمى يكتب و يكتب و ينثر للكون عزفى
فأصبح أميره بهذه المعانى .
نعم أعشق قلمى حينما يعبر عنى فى فرحى و حزنى
و أغار منه حينما يرسم أسم حبيبى دون أن أوجه
فتركته من يدى و سألته هل أنت له عاشق أجدك دوما تنثر حروف أسمه ولا تطيع أشاراتى ما بك ؟ و ما لك ؟ ها هو حبيبى 
فأنحنى قلمى و قال أنى أنثر أحساسك و حبك له فأنى أحببته من كثرت عشقك له فلا تغارى منى فأنى فقط أساعدك كى تكتبى له
يا لك من صديق وافى أيها القلم .
دائماً تشعر بى و تشاركنى أحساسى حتى فى حزنى لا تتركنى
و تتألم معى و أجدك تبكى من كثرت ضيقى 
و تنثر حبرك فوق ورقى و تفيض حروفك لتعبر عنى و عن أهاتى
فقد كتبت من قبل جمله لن تغيب عن ذهنى 
أمسكت قلمى كى أكتب همومى فبكى قلمى قبل أن تبكى عيونى
فها أنا معك من البدايه منذ تعلمت أن أكتب أحساسى 
و ها انت معى حتى الأن فأنا أشكرك أيها القلم 
فأنت نعم الصديق و ينطبق عليك الوفاء بكل المعانى
فأنحنى قلمى للمره الثانية و قال
شكراً لكى أيتها الأميرة يا صاحبة أجمل معانى
فأخذته و وضعته بين أصابعى كى أكتب كلمة شكر له و هى
شكراً لك يا صاحب المعالى فلولاك ما كنت أستطيع التعبير عن ما بداخلى و لولاك ما كانت الناس رأت كلامى
فشكراً لك يا مدون أفكارى

~ًَُْ  بـقــلـ نانا محمد ــــــــم ~ًَُْ

عـانـقتـى عـشــقـكــ

عانقنى عشقك يا حبيبى دون شعور •

و أصبح صوتك أدمانى على مدى أيام و شهور •

هل حبك لى أمل ؟ ام حلم مسحور ؟ 

ياله من عشق سكن قلبى و أتمنى أن يبقى عصور •

و يالها من همسات تسحرنى حتى أجد نفسى فى جنات و قصور •

أحبك يا حبيبى كحب الطير لرحيق الزهور •

و مهما فرقتنا الدنيا سيبقى حبك فى قلبى كما لا تخلى الماء من البحور •

و مهما عذبتنى الليالى و أخذتك منى يا غالى سيبقى قلبى صبور •

و سأبقى طوال ليلى أسجد و أدعى ربى ان يجمعنا فى سلام عابر

و أقبل يدى و أرفعها للسماء كى أشكر ربى العزيز الغفور •


بقلـ ♥ نانا محمد ♥ ــــــم

صــمـت الحــب

ما معنى صمت الحب ؟

صمت الحب
لما تخاصمنى و قلبك يجى يكلمنى

صمت الحب 
و أنت فى غربه و روحى معاك دايماً مش مفارقه

صمت الحب
لما أيدى تحضن أيديك أحس بفرحتى و قلبى يرفرف حواليك

صمت الحب
ياروح قلبى فهواك مقدرش أخبى و لو خبيت عيونى تفضحنى

صمت الحب
لو ذكر حد أسمك بفضل أحكى و أقول و أعيد و حبك فقلبى يزيد

ما معنى صمت الحب ؟

صمت حبك
يا حبيبى لما تقولى بحبك كل كلام الحب يبقى وليدى

صمت حبك
يا حبيبى لما تبقى بسمتى فى عز اللأم

صمت حبك
يا حبيبى لما قلبى يبكى من الخصام

صمت حبك
يا حبيبى لما تصالحنى و روحى تدوب و أنسى أوام كل الخصام

صمت حبك
إن أحبك و تحبينى و فبعدك قلبك يجى يضمنى

صمت حبك
لما عينى تلمح عنيك ينسوا الدنيا و يعشقوا بدون كلام
دا كلام العيون عمر الدنيا ما تفرقوا لو مر عليه الزمان

هو دا معنى صمت حبى ليك

♥ بقلـ نانا محمد ـــــم ♥