الحلقة السابعة من مسلسل حياة بنت مصرية

وبعد ما دخلت امل شقتها اتوضت و صلت و هي بتبكي علي حالها
نامت امل و دموعها علي خدها و في الصبح رن هاتف المنزل
امل : سلام عليكم
شخص يرد وعليكم السلام ورحمة الله و بركاته ممكن اكلم محمد
امل : مفيش حد بالاسم دا النمره غلط
هو : انا اسف
امل قفلت و دخلت اتوضت و صلت و كعادتها دخلت عند سناء و يفطروا سوا و بعد مرور اليوم بسلام دخلت امل الي شقتها لتنام رن الهاتف ردت امل سلام عليكم ولكن لا يرد احد
قفلت امل و نامت و في الصباح رن الهاتف امل سلام عليكم
شخص وعليكم السلام ورحمة الله و بركاته انا اللي اتصلت امبارح اسأل  علي محمد
امل : والله مفيش حد هنا بالاسم دا
هو : عارف بس والله انا من ساعة ما سمعت صوتك وانا معرفش ايه بيحصلي
امل : لا حول ولا قوة الا بالله وقفلت و دخلت اتوضت وصلت و جت سناء تفطر معاها
فضل الشخص يتصل بأمل طول اليوم و امل لم ترد
سناء: مش بتردي ليه
امل : حد بيعاكس سيبك ومر يوم و اتنين و الهاتف يرن صبح وليل  وهي لا ترد
الي ان في اليوم التالت رن الهاتف
فردت امل بكل عصبيه الو
فرد تلك الشخص الو انا
امل : انت عايز ايه و كل شويه تتصل
هو : انا اسف وانا والله انسان محترم و متدين بس مش عارف ايه الدافع اللي بيخليني اتصل
امل : وبعدين لو اتصلت تاني هسمعك كلام مش كويس و قفلت
و مر يوم ولم يرن الهاتف و في اليوم التالي  رن الهاتف
امل؛ سلام عليكم
تلك الشخص وعليكم السلام و رحمة الله و بركاته
امل : انت تاني
هو : والله اسف انا انسان محترم و مسير الايام تثبتلك
امل : و اخرتها
هو : انا مش بعاكس ولا هقولك انتي مين بس كل رجائي اني اتصل و اسمع صوتك فقط
وانا لا هتكلم ولا هزعجك كل ما ارجوه هو سماع صوتك و كلمة السلام عليكم
سكتت امل و قفلت
واعتاد كل يوم يتصل تلك الشخص ولا يتحدث و امل ترد السلام عليكم و لا احد يرد تفهم امل انه هو فتقفل

وغدا في حلقة جديده في حياة امل وما تفعله لما تحكي ل سناء انتظروني

تحياتي. نانا محمد

الحلقة السادسة من مسلسل حياة بنت مصرية

في الاسبوع التاني من رمضان مامت امل تعبت جدا و دخلت المستشفي في حاله خطيره
والد امل اتصل بيها و قال لها امل ماما تعبانه اوي واحنا فالمستشفي جريت امل وهي بتبكي و مخضوضه علي ولدتها وفضلت امل اسبوع  فالمستشفي مع امها

وبعد ما حالتها  اتحسنت رجعت البيت وطبعا امل هتقعد معاها  وفضلت امل عند باباها شهر و سناء كانت بتروح كل يومين تطمن عليها وخفت مامت امل واستردت صحتها
ولكن مرضت امل مرض شديد و سببه الارهاق و عدم النوم والراحه ولكن لاحظ الاب ان زوجها خلال الفتره الطويلة دي ماسألش عنها ولا بعتلها فلوس

فسأل مامت امل هو هاني كلمها
الام : لا
الاب : ولا راحت تجيب حواله من البنك
الام : لالا مخرجتش من يوم ما جيت من المستشفي

الاب : هو ايه الانسان دا دا حتي امه جت سألت عليها مره وحده و مفكرتش تيجي تاني دا الباب فالباب واكيد هاني عرف من امه ان امل تعبانه مفكرش يتصل بيها ولا حتي يبعتلها فلوس
عيني عليكي يا بنتي
الام : يعني هي هتصرف ايه يا حج دي حتي مبقيتش تاكل زي الاول وعدمت
الاب : يا حاجه يعني هقصر في بنتي ولا هحسب عليها الاكل
بس انا بتكلم فالأصول

سمعت امل وحست انها تقيله قررت تروح بيتها وكانت لم تسترد صحتها

دخلت لسناء و حكت لها اللي حصل
امل : انا تعبت و كفاية كدا عدم تقدير دا مش طبيعي كل همه جمع الفلوس والتوفير ورميني هنا وكأني كرسي ولا كنبه لما يرجع يلقيها زي ما هي
سناء اهدي بس و وحدي الله ادخلي غيري هدومك و اتوضي وصلي ركعتين و وتعالي نسهر سوا و ان شاء الله ربنا كريم وهيحلها من عنده

وإلي اللقاء في حلقة جديدة

ولكم مني كل التحية لمتابعتكم

نانا محمد

الحلقة الخامسة من مسلسل (حياة بنت مصرية)

بكرة اول رمضان و امل هتفطر عند باباها و فكرة الحاجه وقالت يا حج ايه رأيك نعزم ام هاني تفطر معانا بدل ما تفطر اول يوم لوحدها
الاب : وماله يا حاجه اللي انتي شيفاه صح اعمليه اتصلت الام بأم هاني
الام : كل سنه وانتي طيبه يا حاجه و يعود عليكي بخير يارب
ام هاني : علينا و علي امة محمد
الام : ان شاء الله الفطار بكرة عندنا
ام هاني :لالا لالا ربنا يخليكي انا مابحبش افطر بره بيتي ومحبش اتعزم ولا اعزم تكليف عالفاضي هو الواحد بياكل ايه فالصيام
اندهشت والدة امل من الرد و سكتت
تاني يوم علي الفطار حكت ام امل اللي حصل

ضحكت امل وقالت متحطيش في بالك دا عادي
امل روحت بيتها تالت يوم رمضان و فطرت هي و سناء سوا
و فكرت سناء بأنها توجد حل لامل و هو النت وسيلة التواصل السهله و مش مكلفه زي المكالمة الهاتفية شرحت سناء لامل الفكرة و اقطنعت امل و اول اتصال لهاني قالتله
هاني : الو امل عامله ايه و كل سنه وانتي طيبه انتي كويسه
امل الحمد لله وانت طيب بس انت وحشتني او مش هتنزل فالعيد
هاني لالا انزل ايه انا بنزل شهر كل سنه
امل كنت عايزه اقولك حاجه
هاني بعدين بعدين انا كدا داخل في الدقيقه التانيه
امل لا لازم تسمعني
هاني خير انا عايزه اشتري تليفون حديث و اشترك فالنت وانتكلم عالنت اوفر من التليفون
هاني ايه تليفون حديث دا يعدي ال 1000 جنيه انتي اتجننتي يعني عشان نوفر فلوس مكالمه اغرم 2000 ولا 3000 دا غير النت لالا
ولا اقولك مش كان ابوكي عندو نت روحي هناك و انا هكلمك من الشركه
امل بابا شال النت بعد جوازي
هاني خساره كفايا بئا كدا الدقيقه الخامسه انا مش هكلمك الا بعد شهر ياله هبعتلك الحواله اخر الشهر سلام عليكم
عادت امل لشقة سناء و قالت لها مفيش فايده دا انسان بخيل ومش هيتغير انتي عارفه الحواله اللي بيبعتهالي كام 400 والبنك بيخصم منه حق الحواله 20 جنيه انا اتخنقت و هطلب الطلق انا بحاول اقرب منه و هو خايف يغرم فلوس ربنا يرحمني كنت قاعده معززه مكرمه في بيت ابويا و كل اللي بطلبه بيجيلي اتبطرت علي عشتي   

الحلقة السادسة بعد ربع ساعة انتظروني
تحياتي للجميع نانا محمد

الحلقة الرابعة من مسلسل حياة بنت مصرية

الحلقة الرابعة من مسلسل حياة بنت مصرية

بعد ما امل صلت دخلت نامت وفي الليل تعبت امل تعب شديد ولم تستطيع ان تقوم او تتحدث فصارت تبكي بشده من كثرت التعب سمعت جارتها سناء التي تسكن بجوارها  وهي تعلم ان العروسه زوجها سافر وانها بمفردها اخذت تطرق الباب حتي فتحت لها امل
سناء : مالك انا جارتك سمعت صوتك وانتي بتبكي
امل : انا تعبانه جدا
سناء : ياااااه انتي سخنه جدا طيب قومي لسريرك وانا هاجبلك علاج من عندي واجي
دخلت سناء  شقتها واحضرت علاج لها
رجعت سناء الي شقة امل و اعطت لها العلاج و احضرت لها كوب من الينسون وقالت ل امل ان شاء الله هتبقي كويسة نامي بس و استغطي كويس و انتي هتقومي زي الفل
امل كتر خيرك والله جميلك علي راسي
سناء جميل ايه عيب الكلام دا احنا جيران و انا زي اختك
بكت امل بشده
سناء : اهدي بس و ارتاحي و لو احتاجتي حاجه نادي عليا
تصبحي علي خير
امل : وانت من اهل الخير
لما النهار طلع سناء رنت جرس الباب
فتحت امل : صباح الخير
سناء : صباح النور يا حبيبتي عامله ايه دلوقتي
امل : الحمد لله انتي انقظتيني كنت تعبانه جدا
سناء : الحمد لله تعالي بئا افطري معانا و تتعرفي علي ملك بنتي
امل : لا شكر ربنا يخليكي
سناء: متخفيش انا عايشه لوحدى انا و بنتي بعد وفات جوزي
امل : البقيه في حياتك وربنا يباركلك في بنتك
سناء : طيب ياله تعالي نفطر عشان يبقي عيش و ملح
دخلت امل عند سناء و تناولوا الفطار وحضرو غدا و اتغدو سوا
من وقتها امل و سناء بقوا  اصحاب و اخوات و ملك بقت تسليتهم هما الاتنين
وعتادت امل و سناء يكلوا كل يوم سوا و ينزلوا يشترو طلبات للبيت سوا
وفي يوم اتصل هاني و سناء كانت قعده معاها
هاني : امل ايه اخبارك كويسه
امل : الحمد لله بس كنت تعبانه من كام يوم
هاني : لا سلمتك طيب عايزه حاجه انتي عارفه المكالمه غاليه سلام عليكم
وقفل هاني وامل مبتسمه ابتسامة سخريه
سألتها سناء : بتضحكي ليه ومين دا
ضحكت امل وردت : دا قدري

و غدا في حلقة جديدة و موقف لا يتحمله بشر      انتظروني

الحلقة التالتة من مسلسل (حياة بنت مصرية)

مر كام يوم وعرفت امل شخصية هاني كويس جدا
و شهدت امل بأن هاني انسان محترم و خلوق و لكن مش منتظم فالصلاه وانه حريص علي القرش بزياده
وبعد مرور 10 ايام

هاني : انا هسافر بعد بكرة
امل : طيب مش كنت خلصت الورق بتاعي و جيت معاك
هاني : لا لا تيجي فين العيشه هناك غاليه كفايه المصاريف اللي اتصرفت الايام اللي فاتت انا هبعتلك مصروف كل شهر
 
امل : وهي تبكي طيب هروح اقعد مع مامتك او هي تيجي تقعد معايا بدل ما اقعد لوحدي

هاني : لا لا امي مبتحبش حد يقعد معاها روحي انتي اقعدي عند باباكي اهو نوفر

امل : بكل غضب لا انا هقعد هنا لوحدي لو انت خايف عليا ابعتلي وانا اجيلك لكن مش هروح عند بابا انا لسه خارجه من اسبوعين  هرجع اعيش هناك وكأني لسه بنت

وسافر هاني وامل رفضت انها تروح عند باباها
اعترض الاب علي ان امل تقعد لوحدها 

اتصل بامل وقال الاب
مينفعش لازم تيجي تقعدي هنا

امل : لا انا هقعد فبيتي لو حضرتك تيجي تقعد معايا انت و ماما يكون افضل

الاب : لا يا بنتي انا مبرتحش الا في بيتي
امل : وانا كمان مش برتاح الا في بيتي

الكل اقتنع برآى امل

ولكن محدش عرف السبب الحقيقي و هو ان هاني كل همه ان امل تعيش مع باباها و بكده مش هيبعت هاني مصاريف الا كل كام شهر 

امل قررت انها متكونش تقيله علي حد
وبعد يومين اتصل هانى : امل عاملة ايه بقولك مش هقدر اكلمك كتير عشان دولي انا بس بطمن  هكلمك بعدين  وقفل هاني و امل حزينه جدا
امل : انا اتسرعت وكان كل همي اتجوز واخرج من بيت ابويا وابقي زي كل بنت في سني

امل : دخلت تصلي وهي تبكي ودعت ربنا ان يكتبلها الخير و يصبرها علي نصيبها

و غدا في حلقة جديده من حياة امل

مع تحياتي. نانا محمد

الحلقة التانية من مسلسل حياة بنت مصرية

وبعد رجوع الحاج ها يا حاجه كلمتيها
الام : لا بس انا مهدتلها 😁
امل : مهدتلي علي ايه ينهار مدوحس لكون همسح بعد المواعين هي الناس دي ايه

الاب : يا اموله تعالي يا حبيبت بابا
امل : في سرها ايون شكله هيحبس بشاى حاضر يا بابا امتي الواحد يتجوز ويسيب البيت دا
الاب : ايه رأيك في هاني جارنا
امل : هاني مين انا اعرف مامته لان من يوم ما وعيت عالدنيا و هو مسافر بره
الاب : ايوه مسافر يكون نفسه
امل : ايوه ماله هاني يعني
الاب : اصله متقدملك
امل : ايه متقدملي انا انا ازاي يعني 😱
الاب و الام شكلها هترفض 
وسكتت امل وتعبيرات وشها في غضب وفجأه ردت
امل : طيب وهيكتب الكتاب امتي 😍😀
فرح الاب و الام و تاني يوم ردت ولدت امل و قالت لأم هاني
الام : الحاج وافق و لما هاني يرجع يجي يتقدم رسمي
ام هاني : لولولولوى 😜 ربنا يتمم بخير والله انا ابني غلبان و ربنا كرمه
مر شهر ونزل هاني و اتقم رسمي
و قرأو الفتحه و تاني يوم الشبكه و كمان اسبوعين الفرح لان هانى هيسافر تاني
ونزلت امل مع والدتها و ولدت هاني يشترو مستلزمات البيت و الفرش  و اتعمل الفرح و بعد ما روحوا البيت
هاني : انا مش مصدق
امل : بقولك ايه اوعى يغرك جسمك 😓😒

غدا مفجأه صادمه تمر بها امل،

منتظره رأيكم وغدا نلتقي في حلقة جديدة

تحياتي.  نانا محمد

الحلقة الأولى من مسلسل حياة بنت مصرية

الحلقة الاولي من مسلسل حياة  بنت مصرية سيناريو و حوار #نانا  محمد ( om youssef)

امل بنت بسيطة وحيدة امها و ابوها وبعد ما خلصت تعليم رفض والدها انها تنزل الشغل خوفا عليها

الام : صباح الخير يا حاج
الاب : صباح الخير يا حاجه
الام : ام هاني كلمتني امبارح في موضوع
الاب : خير
الام : كانت عايزة تخطب امل ل هاني ابنها
الاب : والله الناس كويسين وجيران و عمرنا ما سمعنا شئ عنهم
الام : يعني انت موافق
الاب : مش انا اللي اوافق امل صاحبة القرار
الام : انا هقولها لما تصحي
الاب : طيب الحق شغلي بقي سلام عليكم

امل : صباح الخير يا ماما
الام : صباح الفل يا حبيبتي
امل : حبيبتي!  خير يا ماما عايزه تطلبي ايه؟ 
الام : هعوز منك ايه يعني غير تنشري الغسيل قبل ما يكمكم
امل : لو علي الغسيل سهله
الام : ولما تخلصي قوري البتنجان
امل : بتنجان  ايدي هتسود 😭 حاضر يا ماما
الام : وانا هدخل اسبك عشان احشي قبل ما ابوكي يجي
امل : وماله الله يقويكي
الام : لما اخلص ان شاء الله تيجي تغسلي المواعين
امل : ايه اليوم دا داوفري و ايدي تسود في يوم واحد عليه العوض 😭
الام : ابقي تفي علي وشي لو فلاحتي يا خايبه
😵
وبعد رجوع الحاج ها يا حاجه كلمتيها

الام : لا بس انا مهدتلها 😁
امل : مهدتلي علي ايه ينهار مدوحس لكون همسح بعد المواعين هي الناس دي ايه 😕😵

منتظره رأيكم وغدا نلتقي في حلقة جديدة

تحياتي. نانا محمد

دعوه وسجدتين

مش دايما السكوت بيكون علامة الرضا
ولا دايما السرحان بيكون طاير فالفضا

اوقات بيكون السكوت صراخ داخل الضلوع
وكتير بنسرح في الهموم ونبكي بصوت مش مسموع

صح الكلام ولا كلامي عباره عن نقش وحروف

شوفت قولت ايه في بالك صح كلامك دا عبر عن القلب الموجوع

اقول علي حل بسيط
عن تجربه ومش محتاج وسيط

اتوضى وصلي ركعتين
وسجد وادعي وفضفض الكلامتين
مفيش اجمل من دعوتك وسجدتين
صلي ف خشوع وابكي وانت ادام ربنا و بين ملاكين

#نانا محمد