الحلقه الثانية عشر من قصة ‏🌿🌹حيـاة تـــوتـا ‏🌹🌿

انا كمان محضرلك مفجأه بس هقولك عليها بعد شهر فضلت اتحايل عليه اعرف قالي لا هتعرفي بعد شهر من دلوقتى وفضلنا نتكلم لحد ما نام لكن لأول مرة من يوم مابدأنا نتكلم  مصحهوش لشغل

لأن حصلت حاجه غيرتلى حياتى حاجه مكنتش فحسبانى

امى تعبت جدا الساعه ٦ صباحاً جرينا علي المستشفى الدكتور قال أزمة قلبيه لكن للأسف مقدرناش نلحقها

ماتت امى سر سعادتي ووجودى فالدنيا بعد ربنا كان يوم صعب مكنتش مستوعبه ولأول مره اخرج من البيت بدون نقاب من خضتى عليها

 راحت حبيبتى وسابتنى لوحدى

 راحت حبيبتي اللى كان ربنا مرضينى برضاها

 راحت حبيبتى و لتانى مره احس بكسره بس المره دى احساسي صعب حسه انى بردانه كانى بدون ملابس

ورغم انهيارى لكنى نولت فضل غسلها

لكن أصعب شئ انك تغسل حد عزيز عليك

 وما شاء الله يا أمى عليكى وجهك كالبدر وخصل شعرك كالحرير لا تحتاجى للمسك والعنبر فاح عطرك حينما دخلت لأقوم بغُسلك  لكنى فاح عطرك الذى جائوا به الملائكه 

سلام الله يا أمى وروحى و حبيبتى

 سلام الله عليكى وعلي أبى ومن سبقونا علي موعد للقاء يجمعنا

 أتمت الغُسل وخرجت ندهت محمد اخويا وخالى يسلموا عليها لكن محمد دخل ومعاه سلمى وكانوا منهارين ولما خالتى قالت لعبير ادخلى سلمى علي حماتك قالت لا مش هقدر

 قبلت امى وقلت لها سلا الله عليكى وقفلت الكفن وبسرعه نزلوا بيها المسجد ونزلنا لأداء الصلاه عليها و أتجهوا الى مقابر العائله وبعد الدفن

 جلست أُولقن امى وأدعوا لها إكرام نزولها واتساع مدخلها وجلست ادعى ساعات بجوارها وأقرأ لها القرأن وفي أذان العصر رجعت البيت انا وخالتى ونورا بنت خالتى واخويا وسلمى وعبير

روحت اخدت دش وصليت وانا حسه كأنى فحلم لا دا كابوس نفسى اصحى منه

بعد ما صليت لقيت الفون بيرن  محمد رن اكتر من ٢٠ مرة وبعت مسدجات عالواتس كتير

مسكت الفون رديت ايوه

محمد مالك يا حبيبتى موتنى من القلق عليكى انا لا عارف عنوانك ولا عارف اوصلك ايه اللي حصل

قولتله انى ماتت يا محمد انا حسه ان فحلم

انا بحلم ولا دا حقيقى فثانية راحت

محمد اهدى يا حبيبتى هونى علي نفسك البقاء لله

وكلنا اموات عارف ان الفراق صعب مجرب وحاسس بيكى وعارفه اد ايه انت متعلقه بيها

لو اقدر اجيلك دلوقتى علي الاقل ارد جزء من اللي عملتيه معايا

وأنا مش عارفه ارد عليه صوت بكائى يعلوا

توتا حبيبتي وحدى الله اكيد هى فمكان احسن

قولتله انا مش قدرة اتكلم وفي ناس بدأت تيجى هقفل

قالي ماشي عشان خاطرى تمسكى وهونى علي نفسك انا حاسس باللي حساه عايزك بعد الناس ما تمشي تكلى لان اكيد لا كلتى ولا نمتى 

وهكلمك بكرة انا لازم اشوف حل واجى

 

قولتله حاضر تيجى فين وازى

 

محمد اقفلي دلوقتى ونتكلم بعدين

قفلت وبدأت الناس تيجى تعزى ومنهم اهل طليقى 

الناس كانت فدنيا وانا فدنيا تانية 

تعبت بالليل وحصلى هبوط فالضغط محمد اخويا نزل جاب علاج ومحاليل وعلقهالي وقالي حولى تنامى 

وبكرة هعلقلك التانيه لكن هيجى منين النوم فضلت اتخيل كل اللى حصل و دموعى نهر لا يجف 

والصبح سلمى جبتلى فطار لكن فين النفس اللي تاكل

 

قالتلى علي فكرة ماما جايه تعزيكى زعقتلها

وقولتلها حرام عليكى هى تعبانه خلتيها تيجى ليه

قالتلى هى مبطلتش عياط من امبارح لكن مكنتش لقيه حد يجبها جوز اختى مسافر عارفه مين جيبها وجاى

قولتلها مين

قالت  محمد

قولتلها محمد جاى مفيش فايده

قالتلى فايده فايه قولتلها عرف منى امبارح رجعت لقيته متصل كتير رديت وقولتله اللي حصل عايز يجى

قالتلى اهو جاى اما لقي ماما بتقوله اتصلى بأوبر يجى يودينى الاسماعيليه قلها مسفره لمين قالتله ام فاطمة اللي غسلت امك ماتت حمات بنتى

قالها خلاص انا هوديكي علي الأقل نردلها الجيميل

وهما فالسكه اهو  فوقي بئا كدا

قولتلها اصلا مش هخرج قالتلى قومى بس افطرى وصلى

 لكن لما جيت اقوم اتوضي وقعت من طولى

فوقت لقيت اخويا معلقلى محلول تانى

وبعد شويه لقيت ام سلمى دخله عليا وهى بتبكى وعماله تواسينى

 ومحمد قاعد برا مع اخويا وخلانى و وولاد خلانى وخالاتى

خرجت سلمى حضرت اكل

 وقالتله لازم تتغدى مسك فيه محمد اخويا وقال مش هتمشى دلوقتى انتوا جايين من سفر

وكل دا وانا جوا ومش قدره اقوم ولا اخرج

 سلمى قالتلى سألنى عليكى  قولتله توتا تعبانه ومعلقه محاليل مش قدرة تقف قالتلى دمع يا توتا عشانك

مشي وهو كان عنده امل يطمن عليكى

وعدى اليوم التانى وانا بنفس الحاله لما كلمنى قولتله معلش انا اسفه مش قدره اتكلم

قالى انا هتجنن عشان اطمن عليكي وقلبي واجعنى لما سلمى قالت  انك تعبانه ومش قدرة تقفى  ومعلقه محلول فوقى يا توتا عشان خاطرى انا بموت وانتى كدا 

قولتله معلش هقفل والله مقدرة اتكلم قالى امرك هستنى ترنى عليا تصحينى انا حياتى ملغبطه قولتله حاضر

وعدى طول الليل وانا دموعى لا تجف

والفجر وصل اسلام وهو منهار وفضل يبكى وقال كنت قايلها هاجى اقضى العيد معاكى

ومر يومين لكن لقيت الناس اتغيرت وبدأت الوشوش تتبدل  ملمح اتغيرت وكأنى معرفهمش  سمعت كلام و شوفت تصرفات خلتنى واقفه مش عارفه ارد مش مصدقه

وبكرة حلقه جديده نعرف ايه حصل لتوتا

تحياتي 🌺 نانا محمد

كام ليله

كام ليله بستناك

واستنى كلامى معاك

كام ليله افضل أبكى

و أبات وحيدة فدربى

ويوم ما بس تندهنى

انسا عذابى فهواك

وما افتكر غير انى عشقاك

و قولك ياللى وحشنى

هان عليك بعدى

ومن غير عتاب القينى بدوب

فـ كلمه وهمسه عنهم ما اتوب

وبين كفوفك أقول قلبى مش مسمحك

تلمحنى عيونك وتقولى ويهون عليكى خصامى

انا روحك وقلبك ياللى عيونك غرامى

يملكنى بضمته ليا 

ويأسرنى بنظراته لـ عنيا

وانسى اوام ألاسيا

ويخطفنى بغرامه

و أغرق فى حبه وشرب

و لا بشبع  من حنانه

#نانا محمد

الحلقه الأخيرة من قصة ‏🌿🌹حيـاة تـــوتـا ‏🌹🌿

وصل حبيبى وخالى كان وكيلى وبدون اى مظاهر لفرح الا ان الفرحة اللى فقلبي ملهاش حددو

و دخل حبيبى اوضتى و مسك ايدى وقالى انا سندك وظهرك فالدنيا وطول مانا عايش متشليش هم اى حاجه ليكى عندى طلبات مجابة و الفرحه فى بيتنا هتكون عاده وسعادتك كل همى مفهوم يا عمرى

وكأن أول مره ايده تحضن ايدى ايه الإحساس دا احساس ما يتوصفش

واحنا فالطريق للبيت لقيت حبيبى بيغنى فرحان

 ولقتنى بقوله ممكن اقولك حاجه

قالوا عالحب لوعه و أنا لوعتى فى هواك

و إن السعادة فالحب روعة و أنا سعادتى فى رضاك

و إن العشق بيزيد التمنى و أنا كلى بيتمناك

قالوا عــ الحب آنانية

 و أنا حبي ليك حرية

 

 قالوا عــ الغيرة نار و مرار

 و أنا غيرتي عليك حب أختيار

 

 قالوا عـ العشق روعتة لوعه

 وعشقي لقلبك لوعته روعة

 

 قالوا الحب بعد العشره بيقل حبه حبه

 و أنا أحلف بعشرت الأيام بتزيد المحبه

 

 غريبه هي الناس

 لو يعرفوا يحبوا بــ أحساس

 

 ما كانوا حسوا بالوجع يوم

 ولا قلبهم عــ الحب يلوم

 

 يباركلي فيك ربنا  و يخليك ليا

 يا أجمل هدية من ربي يا زوجى وحبيبي و نور عنيا 

 فرمل العربيه وقالى مهوا مينفعش انزل احضنك فالطريق كدا هنتحبس حضن كفي وقال انا حاسس انى بحلم حلم حلمته و اتمنيته انا مش مراهق انتى رجعتيلى الحياه والإحساس وخليتينى أسعد إنسان بقربك 

بعد ما كنت مدمر نفسياً وجسمانياً

وفضل يدعى بصوت عالي وهو سايق ويقول ديمها عليا نعمه يارب

الفون بتاعى بيرن دا محمد اخويا ايوه يا حمو احنا وراكم بالعربيه لقيته بيقولى اسلام عمل حادثة وتنقل المستشفى انا هروح علي اخوكى روحوا انتوا قولتله لا هنجيلك علي هناك يا توتا اسمعى الكلام لا هاجى قفلت

وقولت لجوزى إسلام عمل حادثه

قالى اهدي بس خير ان شاء الله هنرحله اهدى يا حبيبتى

روحنا وشوفت اخويا وهو داخل العمليات انهرت من منظرة قالى سامحينى يا توتا حقك عليا

قولتله اسمحك علي إيه انت اخويا انا مليش غيركم

ان شاء الله تقوم بالسلامة عشان تيجى تتغدى معايا واعملك الباستا اللى بتحبها قالى حقك هيرجعلك ولو جرالى حاجه محمد مسؤول هيديكى حقك

قولتله حق ايه انت عندى أغلى من كنوز الدنيا والفلوس دى هديه منى لنونو اللى  جاى شد حيلك كدا عشان تعمله سبوع ونتلم كلنا ان شاء الله هتبئا زى الفل

ودخل العمليات وانا فضلت أبكى وعدى ٣ ساعات وانا دعائى له لم يتوقف والحمد لله قام بالسلام

وفضلت جمبه لحد ما فاق من البنج وقالى روحى يا حبيبتي مع جوزك انا كويس وصمم انى اروح 

وروحت بيتى وكانت اول ليله ليا فالبيت ومع اللى بحبه ولكن

رجعنا الصبح و مانمتش ومجهده وزعلى علي اخويا واجع قلبي قعدت على الانتريه أبكى لقيته قعد جمبى 

وقالى انا فخور بيكى وبقلبك اللى أغلى من الماس

عمرى ما قابلت حد زيك ولا بتفكيرك ولا بسماحة قلبك دا ربنا راضي عنى عشان كدا رزقنى بيكى وربنا يقدرني واعوضك عن كل حاجه

قولتله انت حلم عمرى اللى شفته واتمنيته قبل ما اشوفك و كنت دعائى ورجائى وربنا استجاب لى

 واكيد رضا ربنا عليا ربنا يباركلى فيك ويديم وجودك فحياتي ودنيتى يا كل دنيتى

ويديمك عليا نعمه يا اجمل هديه

عارف انك مجهده وتعبانه ادخلى نامى عشان عاملك فجأه هقولك عليها الصبح

ودخلت نمت من تعبى ورجلى كانت تعبانى جدا

صحيت لقيت قاعد جمبى وحاطت ايده على شعري

بيقولى انتى جميله وانتى نايمه ملاك نايم فهدوء وشعرك خيوط حرير دهبي انتى يا بنتى كنتى بتكلى ايه عسل وقشطه خدودك وشفيفك ورد طبيعى لقتنى من الخجل وشى احمر قالى حتى فخجلك بتزيدى جمال 

قولتله انت بتعاكس ولا ايه

قال انا بعاكس اه وبغزلك اه حبيبتى بئا وبقيتى بين ايديا حلالى بلالى

ايوه يعنى عايز ايه

 لا ولا حاجه انا بس هقولك علي كلمه سر

وكانت أجمل كلمه

وبعد الظهر نزلنا غشان نروح لإسلام لكنه وقف فالسكه ونزل جاب كرسى بعجل لإسلام هديه لأن يا قلبى هيقعد كتير مش يتحرك

قالى دى هدية إسلام اما العلبه دى ليكى انتى

 بفتح العلبه لقيت اسوره

قولتله حرام عليك المصاريف دى الأسوره دى هنرجعها

زعل وقال دى شبكتك

 قولتله وانا معايا دهب قالى بس مش انا اللى جيبهولك ايه مش عيزه تلبسى حاجه جيبهالك

 لا يا حبيبي ربنا يخليك ليا وتعيش وتجبلى وايه رأيك مش هلبس غيرها

وصلنا لإسلام وكان سعيد اننا فكرنا فيه وجبناله الكرسى

 قال رغم كل اللى عملته فيكى لكن قلبك مبيعرفش يأسى 

قولتله انت اخويا ومليش غيرك انت ومحمد وجوزى تفتكر عمرى فيه اد ايه عشان اخسر حد فيكم

واخسرك ليه عشان الفلوس انا عشت ظروف وأيام عرفتنى ان الفلوس لا شئ مجرد وسيله من ضمن الوسائل وعمرها ما اشترت لا راحه ولا سعاده ولا عمر

وفضلنا معاه شويه وروحنا

كان لازم اعرف حبيبي ان ست بيت شطره عملت اكل واتغدينا

وفضلنا نتكلم كتير عن مشروعه اللى خسره ولأن اى مشروع ناجح مينفعش ننقص من رأس ماله لازم يزيد مش يقل

لكن فهمت منه أن متطلبات بيته الزياده كانت سبب فخسارته

وقتها قولتله طب ايه رايك نعمل المشروع تانى قالى المبلغ اللى أملكه مينفعش حتى لو بعت العربيه قولتله انت معاك كام قال ١٠٠ الف بعد اللى عملته فالشقه و عشان مفضلش اصرف منه حطيته وديعه مقفوله لمدة ٣ سنين

قولتله وانا كمان قفله وديعه ب ٣ سنين بس انا معايا ٤٠٠ ضحك وقالى ٤٠٠ جنيه

 قولتله لا ٤٠٠ الف

قالى إزاى مش انتى اتنازلتى عن حقك

قولتله اه بس مجاش فرصه اقولك انى معايا فلوس قالى لا أنا عارف انك حطه فلوس المأخر وفلوس عفشك فالبنك بس مكنتش متخيل المبلغ دا

قولت كبيرهم ٥٠ الف 

قولتله لا ماما وبابا كانو فتحينلى حساب من وانا صغيره ولما بابا طلع معاش ساعد محمد فى جوازة وحط لأسلام نصيبه فالبنك وحطلى انا كمان زيهم

ويوم جوازى مكنتش محتاجه اسحب منهم لان ماما كانت مجهزانى و فاضل الاجهزه يومها باعت دهب من اللى فأيدها وجبته ولما أطلقت الفلوس اتحطت علي الفلوس ولأن عملت ورق معاش فـ ما  صرفتش منه اما الدهب ف كان بابا وماما الله يرحمهم اى مناسبه كانت تجبلى دهب ولما كبرت بدلت الحاجات الصغيره وجبت غيرها

طب ايه رايك نعمل المشروع واقنعته لان شغله مكنش هيغطى مصاريف بيتين

يومها قالى مش بقولك أوقات بيكون الرزق انسان ربنا بيرزقك بيه

وانتى الرزق والفرحة والراحه اللى ربنا عوضنى بيهم انتى فضل ربنا عليا ورضا امى

دلوقتى عرفت معنى دعوتك ليا

لانى حاسسها 

ربنا يديم وجودك فى دنيتى يا كل دنيتى

ويديمك عليا نعمه ويباركلى فيك 

وكانت نهاية القصه بأن  عمر ما كان فرق السن مانع للحب بالعكس الحب ملهوش سن وأن الفلوس مش بتشترى  السعاده

تمسك الإنسان بالحب والرضا بحكمة ربنا اهم من المال

والى إلقاء في قصه جديده

تحياتي نانا محمد

الحلقة الخامسة عشر من قصة ‏🌿🌹حيـاة تـــوتـا ‏🌹🌿

وكانت ليله سودا مش عشان رجلى اتكسرت لا

عشان اللى حصل وكل دا ومحمد عالفون

لما وقعت والرخامه وقعت عليا دخلت نورا تجرى

لكن مختش بالى ان خالد اخوها وراها

وفجأه لقيت نفسي مش عارفه إدارى جسمى ولا شعرى ولا وشى ومش كفايه انه دخل لا وعايز يشيلنى

 لقيت نفسي اتعصبت

 وقولتله اخرج برا و اوعا ايدك دى متلمسنيش اخرج برا

 ودا واقف متنح ويقولى يابنتى هقومك

 قولتله شكرا انتى بتتفرج يا نورا هاتى. الاسدال اللى وراكى برا لو سمحت

نسيت ان محمد سامع كل دا لبست الاسدال والبيشه قولت لنورا هاتى الفون بتاعى لقيت محمد لسه عالخط لسه بقوله هقفل لقيته بيزعق في ايه ومين اللى دخل عليكى دا

 انا مش فاهم

 قولته معلش يا سلمى اقفلى و هقولك بعدين

قفلت واتصلت بخالي يجى يودينى اكشف علي رجلى

لقيت الحيوان دخل مع خالى لما جه خالى كان بيقومنى ودا بيمسكنى بطريقه مستفزه خلانى ثورت وقولتله ابعد عنى  والحمد لله اتعمل جبيره في شرخ فرجلى

ولما رجعت البيت لقيت محمد متصل كتير اتصلت

وهو اول ما سمع صوتى

 قالى بصي انا كلمت اخوكى واتفقت معاه اننا نقعد سوا بكره مهو انا مش هتحمل اللى بيحصل دا  قعدتك لوحدك و دا يدخل عليكى ودا يشوف شعرك 

وبعدين انا عايز اعرف ايه اللى حصل وانتى كنتى بتصرخى ليه وكنتى بتزعقلي لمين وتقولي اخرج برا هو مين دا ودخل عليكى ليه و وبتقوليله متلمسنيش و إسدال ايه اللى تجبهولك نورا هو انتى كنتى عريانه

حكيتله اللى حصل وأنى اتكعبلت والطقطوقه وقعت علي رجلى بالرخامه مكنتش قدره اقوم و فجأه لقيت نورا وخالد اخوها دخلوا وهو مصمم يشيلنى و بيمسكنى فزعقتله

قالى  وانتى كنتى لبسه ايه حضرتك

قولتله كنت بغير

 ايوه يعنى متنيله لبسه ولا ايه

لا كنت بهدوم داخليه

 نعم داخليه

فضل يشتم عليه ويقول كلام اول مره اسمعه منه

 وقالى انتى  مبتقفليش عليكى ليه و قولتلك ميدخلش عندك 

وفضل يزعق بجنان وكان اول مره يزعقلي ويقفل السكه فوشى

فضلت اتصل عليه طول الليل مش بيرد

ابعتله مسدج عالواتس يفتحها وميردش

وفضلنا كدا يومين

عرفت من سلمى انه قابل محمد اخويا واتكلم معاه

واخويا طبعا قاله ان خالى مصمم انها تعيش عنده ماهو مش هيقوله سبب انى قعده فالاسماعيليه ايع

لكن سلمى قالتلى ان اخويا معارض لأن سنه كبير عنى واسلام كان كل تفكيره انه هياخد فلوسى

سلمى قالتلى انا وماما تقريبا اقنعنا اخوكى و هو عارفه انه راجل محترم ومتدين

بس المهم اخوكي اسلام رافض وبيقول انه عارف ان امك لسه ميته عموما يا توتا احنا هنيجى عشان نطمن عليكى ومحمد هيقولك وهياخد رأيك

فضلت اتصل علي حبيبى مفيش فايده بردو مش بيرد

وابعت عالواتس مش بيرد

مبقتش فهمه هو زعلان منى ولا زعلان من كلام اخواتى

وتانى يوم جم اخواتى وسلمى كنت فكره ان اسلام جاى يطمن عليا اتارى جاي يتخانق معايا ويقولى انتى مشيه مع واحد اد ابوكي

 وجاب خالى وفضل يشتمنى ادامه ويقوله عرفت بئا سبب انى مش هديها حاجه الهانم واحد ضاحك عليها واحد اد ابوها

لقتنى بقول ل سلمى ممكن تحبيلى ورقه

 انا هكتبلك تنازل عن كل حاجه حتى عن دهب ماما والشقه دى وهسبلك كل حاجه

 وعلي فكرة دا راجل محترم ومهوش عيل هيضحك عليا ولا انا صغيره انا عندى ٣٠ سنه يعنى اقدر اتجوز منغير محد فيكم يكون معايا

بص يا محمد انا موافقه عليه وان كان علي الميراث مش عيزاه بس سبونى اعيش حياتى زى مانا عايزه

لو انت  موافق عليه خلاص يكفينى وجودك

إسلام مسك فكلامى وقال اه اتنزلى مش بدل مالغريب يخدهم

لكن خالى رفض وقاله انا هخليها ترفع عليك قضيه وتاخد حقها بالمحكمه مدام انت مش مالى عينك اللى خدته

ويا توتا كلمى الراجل دا وخليه يجى هنا يقابلنى ويقعد معايا انا ولى امرك و هو لو راجل كويس انا هوافق عليه

وبالفعل محمد اخويا اتصل عليه وقاله ان خالى مستنيه يقعد معاه حبيبى قاله بكره هكون عندك

وفعلا جه وقعد مع خالى ووافق عليه لقاه راجل جد و محترم وهيحافظ عليا

خالى قاله بعد الأربعين نكتب الكتاب

 لكن حبيبي قال بعد اذنك يا حج انا خلصت الشقه والعفش هيكون فالبيت فخلال ٤ ايام تكون اتفرشت بعد اذنك انا هكتب الكتاب اخر الاسبوع

وجود فاطمه فبيتها افضل من وجودها وهي لوحدها انا عارف كل حاجه ولولا انها مش عايزانى ادخل بينها وبين اخوتها انا كنت فتحت الكلام دلوقتى لكن هى حره فة مالها

لأنه مايلزمنيش

 لكن الغريب ان محمد لسه مخاصمنى ومش بيرد عليا

طب وبعدين

 طلبت من محمد اخويا وسلمى ينقل هدومى و الأجهزه و اوضتى والانتريه شقتى

 وسلمى حبيبتى اختى اللى مش من دمى نزلت اشترلتى حاجات المطبخ وهدوم جديده ليا

وفخلال اسبوع الشقه اتفرشت

وجه يوم كتب الكتاب المهم بئا فاليوم دا ان رجلى مربوطه

وانا هروح بجبسي دا لا هفكها

 لقيت حبيبي بيتصل وقالى

 قولى لتوتا حبيبتي انى هخطفها النهاردا

 بقوله وحشتنى علي فكرة قالى

 وانا هموتك علي فكره حسبنا لما يتقفل علينا باب

قولتله ايه دا يعنى اليوم اللي بستناه هتنكد فيه لا خلينى هنا بئا

قالى دانتى هتضربى لأنى مش بنام من قلقي عليكى

 ام الإنسان الزباله دا لو شوفته همسك فيه

انتى يا بت قومى بئا كدا اجهزى وعايز توتا اللى شفتها اول مره منغير اى حاجه فوشها انتى اصلا قمر منغير مكياج متحطيش حاجه لحسن لو حطيتى حاجه انتى حره

لا مش هحط حاجه مانا هروح اضرب بئا ملوش لازمه

 قالى كدا طب وحياة توتا عندى لهتشوفي اقفلى جتك القرف  وانتى زي العسل

ماشى سلام

قالى اشوفك كمان كام ساعه

وجت اللحظه اللى أتمنتها ودعيتها فكل ركعه

وبكره حلقه جديده

تحياتى 🌺 نانا محمد

الحلقة الرابعة عشر من قصة ‏🌿🌹 ‎حيـاة تـــوتـا ‏🌹🌿

لقيت إسلام اتبدل وكان رد فعله الضرب ضربنى وبهدلنى وزرقلى جسمى  خالى مكنش قادر يحوشه

ولما محمد شده وزعقله خالى ضربه بالالم أدام مراته وقاله ربنا مش هيسمحك ونزل خالى

كنت فكرة إسلام هيسمع كلام خالى لكن كان رده بعد ما خالى مشى

أنه زعق هو ومحمد وقاله أختك طول عمرها وخده حقها وزياده ومعاها فالبنك مبلغ مش مع حد فينا أنت ناسي ان ابوك كان بيحطلها فلوس من صغرها ويقول دى بنت والفلوس دى بتاعت جهزها

 ومن نحية تانية امك كانت بتجبلها حاجات وتقول دى رفايع وفالاخر علي ماجت تجوز كان فاضل لها الأجهزه بس و يومها امك باعت غويشتين وجبتهم وطول عمرها لبسه دهب وامك كانت تقول دى بنت لازم تلبس دهب

ولما اتجوزت وأطلقت خدت دهبها اختك فايدها اكتر من ١٠ غوايش غير اللي مش بتلبسه

بص يا محمد  الشقه وفلوس البنك بينى وبينك

 و نسبلها الشقه دى كدا كدا مش هنعرف لانعيش فيها ولا نبيعها و الدهب اهى خدته

وكدا خلاص انا عليا باقي فلوس شقتى متغرب عشان اسدها ولما طلبت من امك فلوس قولتلها اخدهم من توتا  قالت لا دا حقها وانا لو مت مش هترجعلها حاجه

محمد رد قالوا امك كانت عارفه اننا هنعمل فاختنا كدا عشان كدا كانت بتأمنها بص يا اسلام انا دكتور طوارئ وانت شايف حال البلد يعنى ممكن اخد الفيرس واموت وعيالى تبئا بطولها فالدنيا انا مش هاخد غير حقي الشرعي وانت زى وتوتا تاخد حقها

إسلام قاله انت حر بس توتا كفايا اللي خدته ولسه هتخده اختك هتاخد معاش ابوك كامل وشوف بئا هيزيد كل سنه

رد محمد قاله يابنى انت حافظ مش فاهم اختك مسيرها تتجوز وبعدين محدش ضامن يعيش لبكره

لكن اسلام صمم عالموقفه

بليل محمد كلمنى عشان يشوفنى عملت ايه قولتله اللي حصل اضايق وقال هو عشان انتى لوحدك يكلوكي 

بقولك ايه ارفعي قضيه وخدى حقك بالمحكمه

قولتله ويوم ما اقابل امى و ابويا اقولهم ايه لا طبعا ميهنش. عليا اعمل فيهم كدا

قال هما عملوا فيكي اكتر من كدا

 قولتله اخواتى ومليش غيرهم وبعدين اخسرهم عشان ايه فلوس تغور الفلوس مانا معايا فلوس ولبسه دهب لكن لوحدى فالدنيا زعل وقالى لوحدك هو انا هوا مش موجود

قولتله انت كل حياتى واملى ومطلبي اللي بتمناه

رد قالي خلاص انتى حره دا حقك وانتى تسبيه تصرفيه ترميه انتى حره اللي يهمنى حبيبتى وان شاء الله بعد الأربعين هكلم اخوكى محمد واجى ومش هستنى اكتر من كدا بس انتى إزاى هتقعدى عندك لوحدك لحد ما نتجوز بقولك ايه يا بت انتى تقفلي علي نفسك مفيش حد يدخل عندك غير خالك و الحريم بس اى حيوان تانى هقتلك وقتله انتى فهمه اما اشوف اخرتها ايه

ضحكت وهو بيتكلم قالى انتى بتغظينى المهم دلوقتى انا هبعتلك الوان و دهانات تختاري منها عشان دى مملكتك وبعد ما اخلص نشوف موضوع العفش

قولتله حاضر بس العفش انا بقترح حاجه ماما كانت لسه جايبه انترية جديد من شهرين و كمان انا ليا اجهزه كهربائيه فالشقه هناك وكمان اوضتى عايزاها يعنى ممكن نخليها أوضة أطفال هما هيبيعوا العفش انا هقول لمحمد اخويا واشتريه

قال اللى انتى عيزاه بس هنا بردو في حاجات كنت هخليها لأنها سليمه قولتله كلم اختك وسألها لو عايزة اى حاجه من البيت تخدها و قول لاخوك كمان قال امرك يا حبيبتي

 ايه الصوت دا شكلهم هينشوا  محمد بيقول عنده شغل واسلام مش عايز يقعد تانى عشان خالى ميفتحش كلام معاه

يعنى انتى هتفضل لوحدك هتوجعى قلبي ليه 

سلامة قلبك يا حبيبي

 

سلمى دخلت ثوانى

 خلاص هتمشي 

معلش يا توتا هكلمك كل شويه لازم ننزل اخوكى عنده شغل بتكلمى محمد  اه سلميلى عليه وقوليه أنجز عشان انتى عايشه لوحدك

لسه هقوله قالى قوللها بيقولك سامع

وقريب اوى هكلم جوزك

طب أقفل عشان اخرج اسلم عليهم

كمان بعد اللى عملوه فيكى

 معلش مليش غيرهم

امرك

خرجت وسلمت عليهم ورغم انى خرجه اقولهم انى مش زعلانه إلا ان اسلام ومراته بيسلموا عليا بقرف وكأن انا اللى وكله حقهم

لكن محمد خدنى فحضنه وقالى حقك عليا يا ست البنات بكيت اكتر دى كلمة بابا

 قالى عارف وعارف انك كنتى روحه وهو كان كل حياتك حقك عليا

قولتله ممكن اطلب منك طلب بلاش تبيع عفش ماما انا هشتره و هجيبه هنا فشقة جدى ولو ليا نصيب اتجوز هخدو بيتى

قالى خلاص شوفي هتيجى امتى وانا هروحلك البيت عشان اسلام ميحتكش بيكى وخدى اللى انتى عيزاه

ربنا يخليك ليا يا احن اخ فالدنيا

خلى بالك من نفسك ولو عوزتى حاجه كلمينى وانا هكلمك كل يوم اه انا قولت لخالتك تنزل تقعد معاكى هي و نورا

 اهُم عايشين لوحدهم هما كمان

حاضر مع السلامة

 مشيوا وفضلت لوحدى 

محمد بيرن عليا بيسألنى مشيوا

اه بس  قالى ان خالتو ونورا هينزلوا يقعدوا معايا

قالى احسن عشان انا كنت قلقان من قعدتك لوحدك

وخالتك جوزها فين

قولتله مات من كام سنه و ولادها الاتنين اتجوزوا ونورا مخطوبه واحد من ولادها متجوز بنت خالى وساكن فنفس الشارع

قولتلى  طيب لو جه البيت متقعديش معاه لو سمحتى

حاضر 

توتا

نعم

بحبك

 وانا بموت فيك

 بقالك كتير ما قولتليش دعوتى ربنا يديم وجودك فحياتي

حقك عليا انت كنت شايف الدوامه اللى انا فيها وربنا يديم

وجودك فحياتي يا حبيبي

ويديمك عليا نعمه يا حبيبتى

هتصحينى 

اه انت مش هتتسحر نصوم الأيام القمريه

 هتسحر طبعا عارف  يا عمرى ان في صيام

 بس اوعى تنسي السحور ايه

  عارف الجدول يا توتا تفاحه و علبة زبادى

شاطر ممنوع اكل بالليل عشان معدتك

حاضر يا ماما

طب هو ممكن طلب بعد السحور وصلاة الفجر

طلب ايه

 اتصل بيكى

ليه انت مش هتنام

لا هنام بس وانا سامع صوت نَفسك واسمع هدوء صوتك

ودا ايه الدلع دا

اه ادلع لو مش هدلع عليكى هدلع علي مين

طيب اقفل وقوم اتسحر

 لا مش هقفل هتسحر وانتى معايا

وانتى كمان قومى اتسحرى حاضر

 وفضل معايا عالفون وشويه خالتو نزلت هي ابنها و نورا و بنت خالى سمع صوته وسألنى صوت مين دا

قولتله دا خالد ابن خالتى

 قال متخرجيش

 قولت حاضر

دخلت نورا و سألتنى انتى هتنام قولتلها اه انا اتسحرت

 هغير  هدومى واستنى اصلي الفجر وانام

 قالتلى طب تعالي اقعدى معانا

 قولتلها لا مش عايزة اقعد مع حد

 خرجت وانا قومت عشان اغير ودا كله محمد عالفون مقفلش

لكن لسوء حظى وانا بتحرك  اتكعبلت فالسجاده ووقعت عليا طقطوقه بالرخامه علي رجلى صرخت جامد

وكانت ليله سودا مش عشان رجلى اتكسرت لا

عشان اللى حصل وكل دا ومحمد عالفون

بكره نكمل الحلقه

تحياتي 🌺 نانا محمد

الحلقه الثالثة عشر من قصة ‏🌿🌹حيـاة تـــوتـا ‏🌹🌿

ومر يومين لكن لقيت الناس اتغيرة وبدأت الوشوش تظهر عالحقيقه ملمح اتغيرت وكأنى معرفهمش  سمعت كلام و شوفت تصرفات خلتنى وقفه مش عارفه ارد مش مصدقه

لقيت اسلام بيسألنى عن دهب امى قولتله فالدلاب جوا

قالي قومى هاتيه دخلت جبته قسم الدهب وادانى غويشه وحلق بكيت

 بيقولى بتعيطى ليه قولتله افتكرت ماما  بستحلفك بالله خلوه ذكرى منها مردش عليا

وقالي بصي انا اتفقت مع محمد يتقعدى عنده يا عندى

قولت له عندك فين انت بتسافر

قالى متقعدى ما مراتى

 بقوله والشقه بتاعتنا قالي هنبيعها ونبيع العفش

زاد بكايا قولت  لا طب انا هعيش فيها انتوا ليه بتمحوا ذكرى بابا وماما مالدنيا

إسلام فضل يزعق ويقول تعيشى لوحدك ليه شيفانه بقرون وتعيشى علي رحتك قولتله الله يسمحك

اما الشقه دى هنخليها عشان مش ينفع نبيع خلانك مش هيرضوا اه انتى عارفه فين ورق امك والفيزا بتاعة البنك وبصي بئا عشان مش عايزين ندخل حق بينا

الدهب انتى خدتى حقك فيه  اما فلوس البنك والشقه هتتقسم بينى وبين محمد وانتى كفايا المعاش دلوقتى هتخدى معاش بابا كامل ودا كفايه عليكى ٥٠٠٠ جنية يعنى فخلال كام سنه هتكونى خدتى اكتر من نصيبنا

معرفتش ارد عليهم مش مصدقه اللي بيتقال انتوا اخواتى وسندى سبتهم ودخلت

سمعت سلمى ردت علي اسلام قالتله بس انتوا كدا بتكلوا حقها ودا ميرضيش ربنا قالها ملكيش تدخلى

قالتله دا حق وليه وانا مش موافقه علي اللي بيحصل وبعدين انتوا عنيكوا فالمعاش مهى ممكن متعملش الورق وشيل همها بئا مهى مسؤوله منكم وبعدين هى مش هتعيش عمرها بدون جواز بكرة تتجوز وساعتها مش هتاخد معاش ولا زفت

 زعق اسلام وقالها لتانى مره بقولك مش تدخلى احنا اخوات فبعض

 بصت لمحمد و قالتله اعمل حسابك لو كلت حق اختك هيكون اخر يوم بينا لأنى مش هأمن على نفسي انت كلت لحمك هتحافظ عليا إزاى

دخلت سلمى قعدت معايا وفضلت تبكى جمبى قلبي معاكى عارفه انك مصدومه وانا اكتر منك بس انا مش هسكت

شويه محمد رن عليا لقانى ببكى كنت محتاجه اكلمه مخنوقه عرفنى من صوتى وسألنى مالك

قولتله اللى حصل

اتجنن وقالى

بصى يا حبيبتى انا كنت بظبط فشقة امى و كنت هاجى اتقدملك بعد شهر هى دى المفجأه اللى كنت قولت عليها لكن بعد اللى حصل طبعا هأجل شويه وانا ربنا يقدرني ومخلكيش محتاجة حاجه

بس دا حق ربنا بلاش تكونى ضعيفه وتسبيهم يخدو حقك والمفروض الدهب دا حقك انتى زى ما عملنا مع اختى انتى أحق وحده بيه اما فلوس الشقه ليكى فيها

قولتله انت بتتكلم من منطلق ان حقي مبلغ عادى انت مش عارف حاجه

 قالى مش عايز اعرف ولا يهمنى اعرف ميراثك اد ايه ميلزمنيش بس دا حقك لو كنتى مراتى ولا خطبتى كنت وقفتلهم بصي بلاش تكونى ضعيفه هقفل دلوقتى بس شوفى مين من عيلتك له كلمه وخليه يحكم بينكم

قفلت وبعد شويه لقيت خالى جه البيت سلمى راحت ندهتله و قالتله اللى حصل

خالى اول حاجه عملها قاله اولا الدهب دا توتا أحق وحده بيه محدش يلبسه غير بنتها

رد اسلام قال وهى نقصه دهب دى لبسه ولا نص كيلو دي لبسه دهب محدش من حارمنا لبسه

خالي قاله ملكش فيه مكنتش جبتهولها وبعدين هتاخد الدهب هتبيعه وهى عيزاه لان من ريحة امها وبعدين نصيبك فيه هيكون كام ١٥ الف هدهوملك

سكت اسلام وخالى حكم عليه انه يدينى الدهب

اما موضوع انها تقعد عند حد فيكم وتخدو حقها دا مش مبرر هتقعد مع مراتك اللى مبطقهاش وكل شويه تعايرها انها مطلقه

قاله خلاص تقعد مع محمد اهى سلمى حبيبتها

قاله سلمى علي دماغي بس هى مش هتعيش بقيت عمرها بدون جواز انا معاك ان مينفعش تعيش لوحدها بس هى صعبان عليها البيت اللى اتربت وكبرت فيه ذكرى ابوها وامها خلو البيت تجمعوا فيه او محمد ياخد مراته ويعيشوا معاها

 اسلام اعترض وصار وقال انا عايز حقى فضل يزعق هو ومحمد

 يومها حسيت ان اسلام اتبدل مش اخويا

 وصمم علي رائيه و قال لخالي خلاص خليها عايشه هنا واهى هتكون معاكم والشقه دى

خالى قاله بقولك ايه يا اسلام الشقه دى فبيت عيله وبيت البنات يوم ما ابونا مات ادينا للبنات البيت الصغير واحنا خدنا البيت الاوسع مقولناش زيك لا هنبيع

إسلام رد يعنى ايه قاله يعنى دى شقة العيله مش هتتباع

 وقتها رديت وقولتله انا هشتري منكم شقة القاهرة بس ما تبعوش حاجه وانا هعيش هنا ووقت متحبوا تيجوا فأى وقت تعالوا

لقيت اسلام اتبدل وكان رد فعله الضرب ضربنى وبهدلنى وزرقلى جسمى  خالى مكنش قادر يحوشه

ولما محمد شده وزعقله خالى ضربه بالألم أدام مراته وقاله ربنا مش هيسمحك ونزل خالى

كنت فكرة اسلام هيسمع كلام خالى لكن كان رده بعد ما خالى مشى

وبكرة حلقه جديده

تحياتي 🌺 نانا محمد

الحلقة الحادى عشر من قصة ‏🌿🌹حيـاة تـــوتـا ‏🌹🌿

وعرفت يومها ليه اسلام كان علي خلاف مع ماما قبل ميسافر

اسلام كان عليه باقى تمن الشقه بتاعته وطلب من ماما قبل ما يسافر انه ياخد من فلوسي اللي فالبنك وماما رفضت و قالتله دى فلوسها وحقها وبعدين نفرض جلها عريس أجهزها منين فلوس البنك دي فلوس المؤخر و النفقه وفلوس عفشى  اللي اتباع بعد اربع شهور من جوازى

زعل اسلام يومها وسافر وهو زعلان من ماما انا فهمت دلوقتي ليه عبير بتعاملني وحش

رجعت فتحت الهاتف اشوف محمد مفتحش  ولسه بكتب وقوله متزعلش منى لقيته فتح وبيقول 

توتا زعلانه منى حقك عليا انا بغير عليكى وبخاف حد يضايقك وبصراحه تعبان نفسيا من الظروف اللي بمر بيها وتعبان اكتر انى مش قادر اجى اتقدملك الا وانا ظروفي مستقره 

رديت قولتله انا عمرى معرف ازعل منك عارف ليه عشان حسه بكمية الضغوط اللي انت فيها ف مش هبقا انا والدنيا عليك انا بحبك زى مانت بحبك بكل حالاتك ولغبطك 

ا

نا وصل حبي وقربي منك أن حسيت بيك امبارح بعد ما نمت بساعه قومت مفظوعه من كابوس مزعج وكنت هكلمك لأن حسيت ان فيك حاجه لكن ماهنش عليا اصحيك وفضلت صحية لحد ما رنيت عليك وكان احساسي صح

محمد قال دا نفس الوقت اللي تعبت فيه وفضلت تعبان ومش قادر اخد حتى علاج ولا أشرب ميه

بجد كل يوم بيزيد حبى وقربي ليكى ولهفتى لليوم اللي يجمعنا فيه ربنا وهسعى بكل جهدى ان ارتب اموري وهاجى اخطفك

رديت وانا بحبك و مفيش حد يملى عينى غيرك وهفضل ادعي ربنا يجمعنا عن قريب وادعى انه يديم وجودك في حياتي ويباركلى فيك

محمد حتى دعوتك ليا مختلفه جديده عليا

ربنا يخليكى ليا يا توتا يا روح قلبي معنديش مانع من موضوع السفر وان شاء الله اخر مرة تروحى هناك لوحدك لأن المرة الجاية هكون معاكى بس عارفه لو مسمعتيش الكلام هتزعلي منى بجد

رديت متحرمش منك يا قلبي ويخليك ليا يارب

المهم كلامى يتسمع ممنوع قعاد مع رجاله ولا ابن خال ولا ابن خاله لا تقولي بنقاب ولا غير نقاب مفيش حوار أساساً مفهوم وعارفه يا بت لو مسمعتيش الكلام هموتك

مبترديش ليه يا بت

قولتله بت وكمان هتموتنى واهون عليك

محمد اه تهوني عشان هموتك فحبي

ضحكت وقولته يا زيدى  عالحب متقلقش انا بموت من دلوقتى 

محمد قال خلاص سافرى و بردو هنفضل نتكلم كل يوم وهتصحينى لشغل بس شهر كتير يا ام قلب أسي شهر مشوفكيش حرام عليكى

رديت مانا هكلمك كل يوم سماح بئا

محمد ماشي بس عارفه لو مسمعتيش الكلام يا بت

هسمع الكلام يا واد

محمد يا بت

انا يا واد

الله دا انتى بتلعبيني بئا بس عاجبنى بصراحه

حبيبتى خلى بالك من نفسك وتطمنى عليكى هتسفرو إزاى

وامتى

قولتله محمد اخويا  هيجى معانا هو ومراته و هيقعد معانا يومين و يروح ويسيب مراته ويجى بعد اسبوع يخدهم

قال مترجعى معاه بعد اسبوع وبطلي رخامه

خلاص بئا ماحنا اتفقنا يا قلبي ربنا يخليك يارب

وبالفعل سافرنا بالليل واول ما ماوصلنا نضفنا البيت وفضلت اكلمه واتس لحد ما الفون وقع منه وانا بكلمه نام وصحيته الصبح لمعاد الشغل ارن عليه عشان يصحى يرد واسمع صوته ويقولي صباح الفل يا قلبي 

وفات اسبوع وهو يا قلبي بيعد الايام

وفي يوم قولتله عندى ليك مفاجأه هقولك عليها لما ترجع البيت

 قال

قولي دلوقتى مش هستنى

قولتله اسلام  كلم ماما وقال احتمال ينزل عشان يقضي العيد هنا وماما قالت لو نازل بجد  هسيب فلوس الاضحيه لخالك ونرجع

طار حبيبي من الفرحه وفضل يدعى انه ينزل

 وقالي انا كمان محضرلك مفجأه بس هقولك عليها بعد شهر

فضلت اتحايل عليه اعرف قالي لا هتعرفي بعد شهر من دلوقتى

وفضلنا نتكلم لحد ما نام لكن لأول مرة من يوم مابدأنا نتكلم  مصحهوش لشغل

لأن حصلت حاجه غيرتلى حياتى حاجه مكنتش فحسبانى

وبكرة حلقه جديده

تحياتي 🌺 نانا محمد

الحلقة العاشرة من قصة ‏🌿🌹 ‎حيـاة تـــوتـا ‏🌹🌿

ورنيت عليه وهو متعود يصحى ويفتح عليا يقولي صباح الخير يا قلبي

لكن الهاتف بيرن ومش بيرد ياترى في ايه

فضلت ارن كتير وبعد نص ساعه رد عليا كانت اعصابى باظت

لكن لقيت صوته تعبان جدا محمد مالك يا حبيبي

رد بطنى تعبانى جدا مغص جامد ومش قادر ولما جيت اخد علاج  مقدرتش لقيت نفسي برجع اللي اخدته

مبقتش عارفه اعمل ايه لا أنا قدره اروحله ولا قدرة اسمعه كدا ومعملش حاجه

قولتله متروحش الشغل انت بقالك فترة كل ما تاكل حاجه تتعب حتى لو ميه وانت بتشرب قهوه وشاى كتير

بدون اكل

بص هحجزلك عند دكتور ولما انزل اروح المسجد هقبلك فالعياده عشان نطمن في ايه

وبالفعل اتقابلنا عند الدكتور وكان تعبان جدا وخاسس لكن الدكتور قال حاله نفسيه وطبعا القهوه والشاي بدون اكل غلط

 نزلنا من عند الدكتور وقعدنا فالعربيه

 قولتله هنعدى نجيب العلاج وهتاكل كويس وتهتم شويه بصحتك عشان خاطرى لكن كان رده انه

مسك ايدى وباسها وقال ربنا يباركلي فيكى انا هاكل واخد العلاج بس بشرط هتكلي معايا انا مبعرفش اكل لوحدى

 قولتله مش قدر اتاخرت وبعدين مش هينفع ادخل اى مكان معاك حد يشوفنى

قالي لا هنجيب اكل وناكل فالعربيه وبعدين انزل اجيب العلاج واخده واوصلك لقرب مكان عشان خاطرى يا توتا خليكي معايا شويه

وافقت ونزل بالفعل جاب اكل كان فاكر هرفع النقاب لكن لقانى باكل من تحت النقاب

 فضل يضحك وقالي انتى بتسرقي الاكل ارفعي النقاب عشان تعرفي تكلى

قولتله  باكل علي فكرة ومش هقلع نقاب وتشوف وشى الا ماكون مراتك

 قالي مانا شوفتك مرة عادى يعنى وبعدين بصراحه نفسي اشوفك وانتى جمبى

 المره اللي شوفتك فيها كان أقل من دقيقه ملحقتش اتحقق منك وجمالك خطفنى جالي زهول وكان الأصول اوطى فالارض وحياة محمد عندك

قولتله بطل إلحاح عشان مش هشيل النقاب

 قال كدا خلاص مش هاكل ومش هاخد علاج

قولت خلاص هرفعه دقيقه وحده وبعدها هتاكل ونعدى نجيب العلاج و تخده  واروح

قالي موافق دقيقه دقيقه انا راضي باقل حاجه

رفعت النقاب لقيته تنح وقال الله اكبر

 والله انا مستهلش الجمال والأخلاق دى انتى كتير عليا

ابتسمت

لقيته بيقول  ياولد هتجنن القمر دا هيعيش معايا والله يا أمى كنتى دعيالي وكان عندك حق

نزلت النقاب وقولتله كل بئا لقيته بيقول هو ينفع اخطفك ونروح نتجوز دلوقتي

قولتله انت مجنون والله ربنا يجمعنا عن قريب 

اه علي فكرة انا هسافر اسماعيلية لمدة شهر

لقيته بيقول ليه بقوله متعودين نسافر فالصيف لنا شقه ف بيت جدى بنقعد فيها وكمان العيد قرب وماما بتشترك مع خالي في الاضحية

لقيته بيقول مش طليقك هناك هتروحي تقعدى هناك ليه

وانا معرفش مين هناك ومين عينه منك مكان معرفهوش ولا اعرف حد فيهم وانتى بتقولي بيت عيله وولاد خالك وولاد خالتك

زعل وكان اول مرة احس بغضبه وغيرته عليا

ولقيته اتنرفز بيقول مفيش سفر

وكأن اول مره يقفش معايا ويزعل

 عدينا جبنا العلاج وخده و وصلنى لمكان بعيد عن المنطقه بقوله لسه زعلان قال مفيش سفر يا توتا اتفضلي ولما توصلي البيت ابعتيلي

قولتله بهدوء كدا مش هقدر اقول لماما لا وبعدين انا بقعد قدامهم بعبايه وطرحه وبعد ما لبست النقاب هقعد بالنقاب لقيته زعق وقال وتقعدى معاهم ليه اصلا

انزلى يا توتا متعصبنيش ومفيش سفر

نزلت وانا محتاره اعمل ايه هسافر ولا مش هسافر وهقول لماما ايه لازم نسافر مش هترضى تسبنى هنا وتسافر هى وعبير

هعمل ايه اول ما وصلت بعتله عالواتس انى وصلت فتح الرساله ومردش

طب متزعلش انا اصلا مش عارفه اعمل ايه بردو مردش

وفضلت فـ حيرة لحد الساعه ٢ الفجر لكن وانا قاعده مستنيه يكلمنى زى كل يوم 

 سمعت صوت وشوشه

اتارى عبير بتكلم اسلام وبتوصل كل اللي بيحصل

وعرفت يومها ليه اسلام كان علي خلاف مع ماما قبل ميسافر

وبكرة حلقه جديده 

تحياتي 🌺 نانا محمد

الحلقة التاسعة من قصه ‏🌿🌹حيـاة تـــوتـا ‏🌹🌿

مش ملاحظة ان في حاجات كتير متشبه بنا فقولتله اه حتى مواليد نفس اليوم والشهر

رد وكمان نفس لون العين ونفس الطباع تقريبا 

حتى الاكل حتى الكلام

 أوقات بتقولى اللى علي لسانى واوقات اقول اللي علي لسانك

 علمتينى حتى اصوم معاكى النوافل  قربتيني من ربنا 

حاسستينى بطعم حاجات كتير كنت نستها وحاجات مكنتش عايشها

أدتيني امل فالحياة

قولتله كنت بتقول انك كبير عليا بعد ما عرفنا بعض لسه حاسس الإحساس دا

قالي بصراحه لا محستش بفرق سن

 انتى هادية عقله فكلامك فلبسك فكل حاجه

 انتى شوفتى الدنيا من خلال ابوكى و امك

 مخرجتيش لدنيا لوحدك مشوفتيش الناس بتتعامل إزاى من الاخر انتى لسه بخيرك

واليوم دا و احنا بنتكلم نام لقيته بيقولي توتا ممكن طلب

قولتله تحت امرك

قالي ممكن اسمع صوتك قبل مأنام قولتله صعب امى نايمة جمبي ومش هقدر اتكلم

قالي اسمع بس صوت نفسك اتصل ولقيته بيقولى ممكن اقولك حاجه فرصه وانتى مش عارفه تردى

انتى غيرتي حياتى ونستينى همومى 

بقيت ادخل ادور عليكى لو اتاخرتى عليا

 نورتيلي حياتى وسط الضلمة

أوقات بيكون الرزق انسان ربنا بعته ليكى

 انتى الرزق دا 

بحبك أتمنى تكونى جمبى دلوقتي مراتي

حاسس انك بتردى عليا فكل كلمه بتنهيداتك

وفاهم كل تنهيده بتقول ايه

احنا قربنا جدا لدرجة انك بتفهميني بدون متكلم وانا بفهمك بدون متتكلمى

تفتكرى ايه حكمة ربنا فأننا نتقابل فالوقت دا

يمكن عشان كاتب لنا نعيش سوا وكل واحد فينا ينسي التانى همه

وكل دا وانا بسمع ومش عارفه ارد بس كل كلمه رديت عليها بقلبي وهو عارف وحاسس

لقيته بيقول توتا هقفل  وهستنى تصحينى فمعاد الشغل

وأول حاجه تشوفها عنيا  قصيده مكتوبه ليا تردى بيها علي الكلام اللي قولته

تصبحي على خير يا أطيب قلب فالدنيا

بعد ما قفل 

مش عارفه اوصف احساسي وانا بسمعه طيره ولا فحلم

لقتنى مسكت الهاتف بعتله عالواتس

ربنا يديم وجودك فحياتي ويديمك عليا نعمه

و لقيت نفسي دون شعور أكتب له من فيض أنغام كلامه

حبيبي ❤️

همسات الحب تهفهف على وجدانى

فـ نثرتها بـ حروف عشقى على أوراق أنغامى

و أخذت أعزف ألحانها على أوتارى

فـــ سمعت  العصافير ألحانى

و صارت تغنيها على بابك كى ترانى

يا غفلة حبى و آشتياقى

يا من قتلت فى دنيتى شقائى

هل تسمح لى أن أعبر لك عن أشواقى

رأيتك تمر من أمامى فنجذبت عيناى نحوك فــ بدأت أتكلم كى ترانى

و حينما نظرت لى أصابنى سهم الحب فــ أخذت أدون أشعارى

و فى سلامك أرتجفت يداى و سال منها نهر الأمانى

و فى كلامك أندفعت زفرات أنفاسك نحوى و ملئ صدرى عطرها فـ أغمانى

فــ هل يكفيك حبى

آم ســ تقتلها أقدارى

وفي آخر كلام ربنا يديم وجودك فحياتي

نمت لكنى صحيت بعد ساعه علي كابوس ربنا يستر

ياترى في ايه وايه اللي حصل ولا هيحصل

 طب اتصل بيه طب ابعت رساله وبعد ما مسكت الهاتف ماهنش عليا اقلقه لسه بدرى علي معاده هستني وامرى لله

يارب ابعد عنه أي شر ولا توجع قلبي عليه

وفضلت مستنيه لحد معاد شغله ورنيت عليه وهو متعود يصحى ويفتح عليا يقولي صباح الخير يا قلبي

لكن الهاتف بيرن ومش بيرد ياترى في ايه

وبكرة حلقه جديده

تحياتي 🌺  نانا محمد

الحلقة الثامنة من قصة ‏🌿🌹حيـاة تـــوتـا ‏🌹🌿

فتحت الباب لقيت كارثه مكنتش عامله حسابها

عبير مرات اخويا جيبالي عريس ابن عمها راجل بكرش ومراته متوفيه وعنده اربع أولاد

الموضوع اصلا مستفز هو انا لدرجة دى ضعت

طب ليه يا عبير مخديش رائي قبل ما يجى

و المفروض انك شايفه انه مايناسبنيش

لكن الغريب بئا ان اسلام كان عارف وهو اللي رتب معاها وقالها متجبليش سيرة واضح انهم عايزين يمشونى من البيت وخلاص

رفضت طبعا وزعلت جدا منها لما قالتلي انتى مطلقه ولا انتي فكرة هيجيلك واحد انتى اول بخته

وجعتنى بكلمها

 اتصلت بسلمى وفضلت أشكيلها

واقولها علي اللي عبير بتعمله معايا

لكن كان رد سلمى قوليلي يا توتا صحيح

لما كنتي هنا اول امبارح وشوفتى محمد وكنت بقوله مينفعش توتا تروح معاك عشان محدش قول عليها حاجه بصلك وضحك وقال لتانى مرة هو ايه دا اللي لتاني مرة

حكيتلها اليوم اللي شاب عكسنى فيه وشد النقاب وعن موقف محمد معايا

 ولما عرف انى جارته سألنى اسمك ايه قولتله انا اخت الدكتور محمد ومعرفش أسمى

لحدما قابلناه واحنا رجعين من الماركت يومها انتى قولتيله فاطمة اخت جوزى  بصلي وابتسم وتانى مرة انتى غلطى وقولتلي توتا بصلي وضحك وقال تانى مره

عشان عرف أسمى والدلع من غير ما اقول كان صدفه

سألتنى سلمى عن رائي في محمد وقولتلها من نحية ايه قالتلي بصراحه اتمنهولك لأنه ا نسان كويس وطيب وانتى طيبه

قولتلها دا راجل متجوز قالتلي وهو علي خلاف معاها

فات كام اسبوع وانا لا بشوفه ولا اعرف عنه حاجه كنت قلقانه ومشتاقه آلمحه حتى لو من بعيد

تانى يوم جه اخويا وسلمى البيت وعرفت منها انه عايش فشقة ولدته وانه فحاله سيئة جدا

بكيت و دموعى خانتنى

لقيت سلمى بتقولي انتى بتحبيه علي فكرة

ولقتنى بحكلها اللي جوايا

 قالتلي بصراحة هو تعبان ونفسيته سيئه وخس

بكيت اكتر لما عرفت انه تعبان

 قالتلي انا هديلك رقم فونه

بس بلاش تقولى انك توتا عشان ميخدش فكرة وحشه عنك قولي اى اسم وألفي اي حوار المهم تعرافيه اكتر وتفهمى ظروفه وهل هيكمل مع مراته ولا لاء

بصراحه كنت ملهوفه اسمع صوته

ومن اليوم دا بدأت الحكاية

كلمته وقولتله اسم وهمى و لما سأل جبت رقمه منين

قولتله من ناس كانوا معاك فالشغل

وفضلنا نتكلم فالفون ساعه وفصل واتصلت تانى لما قالي هو رصيدك خلص قولتله لا تقريبا فات ساعه مبقاش مصدق بيقولي لا دا أقل من نص ساعه

قولتله لما اقفل شوف مدة المكالمه قالي بصراحه محستش بالوقت

 رغم ان في غموض مش فهمه حاسس ان اللي بيحصل دا حوار وانتى حد اعرفه فقولتله تعرفنى طيب انا مين

قالي اقولك انتى مين انتى توتا حسيت بنفس الإحساس اللي بحسه لما بشوفك وصوتك طبعا مش غريب عليا لأنى سمعته كذا مرة

بصراحه انتى كتير عليا

 سألنى عندك كام سنة قولتله ٣٠ سنه قالي مش بقولك انتى كتير عليا انا اكبر منك ب ٢٠ سنه انا عندى ٥٠ سنه

 لقتنى بقوله اللي فقلبي ليه واني كنت بشوفه من ورا الشيش وكنت أتمنى انى اكلمك كنت كل ركعه ادعى ربنا يقربنى ليك

واهو ربنا حقق منايا

 ياااه دا كله وانا ولا هنا بس ايه اللي شدك ليا قولتله هقولك بس ما تضحكش عليا قال لا مش هضحك

قولتله اول يوم كنت راجعه من المسجد عديت من جمبك ولفت نظرى ريحة البيرفيم اللي حطه كان جميل شدنى وخلانى ابصلك وكأنك خطفتنى وفي حاجه راحت منى قلبي ولا روحى معرفش بس في حاجه خرجت منى وراحتك

 لقيته بيقول يا ولد دا كله عشان البيرفيم

قولتله وبعد كام يوم حصل الموقف اللي كلمتنى فيه

لقيته بيقولى لما الواد شد النقاب بصراحه اتخطفت اصلك ماشاء الله أمورة جدا وعنيكى جميله

قولتله اه نفس لون عنيك تقريبا عسلي 

وبدأت الحكاية عرفت عنه كل حاجه وعرف عنى كل حاجة لكن اتفقنا يجى يتقدم رسمى لما الظروف تتحسن لأنه بيسعى يعمل مشروع عشان البيت التانى مسؤول منه ومصاريف أولاده 

بس كأن كل خوفه ان اهلي يرفضوه قولتله لا متخفش سلمى هتقنع محمد ومحمد هيقنع ماما واسلام لو لقي الاتنين موفقين هيوافق

وف الفترة دى قربت منه وكنا نتكلم طول الليل عالواتس لحد ما ينام وهو بيكلمنى كان بيشجعني علي انى اكمل حفظ وقالي هتعلميني التجويد عشان احفظ معاكى

وكتير كان كلمنا عن الفقه والسنه والحلال والحرام  كان بيقولي كانت امنيتى  انى اتجوز بوحده ملتزمه حفظه كتاب الله ومحتشمه

بس مش ملاحظه حاجه

قولتله ايه هى ...

وبكرة حلقه جديده

تحياتي 🌹 نانا محمد

الحلقة السابعة من قصة ‏🌿🌹حيـاة تـــوتـا ‏🌹🌿

 صحيت الصبح علي خبر موجع

سلمى كان المفروض هتيجى تتغدا معانا وتاخد الأولاد

لكن اتصلت بدرى عشان تقولي انها مش هتيجى

عشان جارتهم ماتت بقولها جارتكم مين قالتلي اللي كنتي قاعده معاها امبارح ام محمد

اتصدمت ومكنتش مصدقة إزاى الست كانت كويسه لا إله إلا الله أن لله وان اليه راجعون

قفلت سلمى وانا بكيت وقولت ياريتني ما قابلتها وعرفتها وجعتلي قلبي

 وبدأ تفكيرى في محمد ياترى حالته ايه

لان من كلمها وكلام سلمى انه متعلق بيها جدا

قومت صليت ولقتنى بدعيله ربنا يصبره علي فراقها لان جربت أحساس الفراق ومدى الحزن اللي بيجتاح حياتنا بعد اليوم دا

وبعد ما خلصت صلاة فضلت ادعي لأم محمد وقرألها قرأن 

وقولت لو عليا كنت روحت اعزية لكن ماما هتقول لا

 ولسه ماخلصت الكلمة لقيت سلمى بتكلمني تانى بس المرة دى عايزة ماما

أديت ماما الهاتف وفضلت وقفه عشان افهم في ايه لقيت ماما بتقولها وماله دا ثواب حاضر هبعتهالك

ماما قفلت و لقتها بتقولي البسي و روحى لمرات اخوكي

جارتهم متوفيه والمغسله اللي يعرفوها مسافره عمرة

روحى انتى وأكسبي ثواب غسلها كويس انك اتعلمتيه مع حفظ القرأن عشان متكشفش علي حد غريب لما اموت

وطيت بوست ايدها وقولتلها بعد الشر عليكي يا حبيبتي 

حاضر هروح وبالفعل روحت و أول ما نزلت من العربيه لقيت محمد واقف مع ناس كتير  ومنهار حسيت ان قلبي وجعنى علي وجعه بس معرفتش اعزية

دخلت البيت وربنا كرمنى بثواب غسلها كان واقف معايا سلمى و اخت محمد وبعد الغسل ولباس الكفن وقبل ما نقفل قولتلهم لو حد من أولادها او اخوتها عايز يسلم عليها قبل ما نقفل لبست النقاب وسلمى ندهت لمحمد و اخوه و خالتهم عشان يودعوها

واول ما دخلوا الاوضه قولتلهم بكى ممنوع حرم وهي لسه علي طاولة الغسل بهدوء سلموا عليها وهي ماشاء الله تبارك الله شايفه منزلتها ولما  هتشفوها هتلقوها بتضحك

محمد بصلي وكأنه بيوصفلي وجعه بنظرته  بصتله وقولتله بلاش تبكى عشان متوجعهاش انت  هتقول الله اكبر ماشاء الله مامتك جميله ومنورة وبتضحك ربنا رزقها حسن الخاتمه

دخلوا يودعوها وكانوا مبتسمين علي ضحكتها

قولتلهم خلاص بعد أذنكم عشان نقفل وهما خرجين محمد بيشكرنى انى جيت قولتله بتشكرنى انا اللي اشكرك وربنا يرحمها ويغفر لها ويرزقنى زيها حسن الخاتمة

خرجوا وقفلت الكفن و نزلنا للمسجد قولت لكل الستات اللي موجودين  اللي متوضيه تدخل تصلي أكثروا من صفوف المصلين

وروحت معاهم المقابر وبعد دفنها  وخروج الرجاله قولت لبنتها واختها وسلمى  تعالوا ندخل نقعد جمبها نلقنها

فهي سنه عن النبي

محمد شافنا دخلين سأل اخته هنمشي قولتله هنقعد شويه جمبها وبعدين نمشى الناس مشيت وفضل محمد

جه وقف جمبنا

قعدت جمبها ألقنها وزيد من الدعاء حتى مر نصف ساعه

كان محمد بيبصلي بنظره غريبه مش فهمها مستغرب ولا ايه مش عارفه

بعد النص الساعه مشينا وطلبت منهم انزل فالطريق عشان هروح لقيته بيقولي تعبناكى معانا وكتر خيرك

انا هوصلك لحد البيت كفايا تعبك 

قولتله تعب ايه انا المفروض اشكركم علي الثواب اللي كنتم سبب فيه ربنا يرحمها ويغفر لها وشد حيلك عارفه انك متعلق بيها بس هى فمكان احسن

 

نزلت من العربيه وهو نزل وكان اول مرة يسلم عليا بالايد ودموعه بتنزل من حزنه عليها

خلانى بكيت و دموعى نزلت ادامه

دخلت البيت وانا حزنى علي وجعه وفقدانه لأمه واجع

قلبي

لكن لما فتحت الباب لقيت كارثه مكنتش عامله حسابها

وغدا حلقه جديده

تحياتي 🌹 نانا محمد