من أروع ما خطط يدى
اه منـك يا دنيــا
~~~~~~~~
اه منك يا دنيا كل الأحباب مفارقا
اه على ظلمك ليا و جرحك و تعذيبك فيا
قول يا زمانى و أحكى جرحى و حرمانى
دا ياما غدرت بيا و وجعت و جرحت فيا
أحكى يا زمانى من أول البدايه
كانت الدنيا حلوه كانت حياتى غنوه
كنت طفله بريئه فرحانه كل دقيقه
كانت أمى معايا كانت فرحى و دنيايا
خدتها الدنيا منى و حرمتنى من حضن أمى
كانت أول أسايا أفتكرتها النهايه
عشت بعدك يا أمى بهمى و بذلى
كنت بتمنى أشوفك و أبوس يا أمى كفوفك و أحكيلك أسايا
دالكل جه عليا و شوفت أيام قاسيه
كنت أهرب مالدنيا و أجرى أكتب بكايا
و لما كبرت شويه كانوا بيقولوا صبيه تمشى تقول أتهدى يا أرض ما عليها أدى و أنا والله غلبانه كانوا كتير يتمنوا رضايا
بس قلة بختى أتعلق قلبى و عقلى بزميلى كان ويايا
كانت أيامى حلوه و قلت الدنيا ضحكتلى و أتصلحت معايا
فجأه لقيت حبيبى سابنى و قال كفايا أنتى مش نصيبى
و نصيبى خلاص معايا
و رجعت تانى لهمى و أقول فينك يا أمى
محتاجه أيد تطبطب و تضم و تسمى
اه منك يا دنيا
خلاص مش هحب تانى و تعلمت كفايا من جرحى و أسايا
و خدت نصيبى هو أبو ولادى هما بنت و ولد حكايه
هما فرحى و هنايا
و تعذبت فحياتى و قلت خلصت حياتى
من دنيا أنا عشت فيها قسوه و جرح ياما و معاها ذاد بكايا
رجعت من تانى الدنيا تضحك و خدتنى فثانيه
بقلب يخاف عليا و ميحبش الأسيه
قالى أنتى حياتى أنتى روحى وذاتى
لقيت نفسى فقلبه و كمان دايبه فحبه
محى أحزانى منى و داوى جرحى و همى
و قال طول مانا معاكى متبكيش يا حياتى
كان ليله و نهاره فى شغله و داره
يتكلم معايا و يتمنى رضايا
كان يغمض عيونه على همسى و شجونى
و يفتح عيونه على رقم تليفونى و يسمعنى صوته
و تضحكلنا الدنيا و معايا فى كل ثانيه
لكن تانى زمانى بيرجع أحزانى
و حبيبى بيبعد عنى خدته الأيام منى
دايماً صوته حزين مش عارفه أيه بيه
يا دنيا مالك و مالنا مكفايا اللى جرلنا
كفايه جرح فينا و سبينا نعيش سبينا
أنا و حبيبى لو ثانيه
اااااااااااااه منـــــك يـــــــــا دنـيـــــــا
بـقـلـ نانا محمد ــــمــــــــى
ليست هناك تعليقات:
إرسال تعليق