بستنـــــاك

بكل الحب بنادى عليك

و بكل أمل قلبى مستنيك

و بكل ما فيا بناجيك

فاكرنى حبيبى ولا البعد ملك لياليك

قولى حبيبى

طيفى بيجى على بالك

بتحس إنى محتجالك

ولا أنت مش على بالك

حبيبى 

داب قلبى من الغربة

و روحى من جسدى مفارقه

و فى بحر الهموم أنا غارقه

بسألك يا حبيبى 

راجعلى تانى ؟

ولا نسيت الأمانى ؟

راجعلى تانى ؟

ولا روحك مش مستنيانى ؟

راجعلى تانى ؟

ولا قلبك أسى و هيسبنى أعانى ؟

قول يا حبيبى قولى بحبك بكل المعانى 

حبيبى 

يا سارق معاك فرحتى

يا قلبى و روحى و مهجتى

بوجودك تعودلى بسمتى

و فى بعدك تقتلنى وحدتى

قولى أمتى راح ترجع و تمسح بأيدك دمعتى

بستناك يا حبيبى بستناك يا كل دنيتى

بقلمــــ نانا محمد ــــــى

راجـع حبيبى

راجع حبيبى راجع تانى 

راجع يغمرنى بالأمانى

و بـ حبه ليا تحلى الأغانى

 و فـ همسوا أجمل معانى

راجع حبيبى راجع تانى

♥

راجع حبيبى بعد الغياب

راجع و خلاص مفيش عتاب

 راجع حبيبى دا قلبى داب

راجع و خلاص هنسى العذاب

راجع حبيبى بعد الغياب

♥

راجع حبيبى راجع ليا

راجع ينور لياليا

راجع حبيبى ضى عنيا

راجع يملك كل ما فيا

راجع حبيبى راجع ليا

♥

يا قلبى أنسى الوحدة دا حبيبى خلاص راجع

و ياروحى هيداوى جرحك من كل المواجع

راجع حبيبى راجع تانى

♥

يا شمسى أضوى بنورك و أملى الدنيا

و يا طيور السما غنى لـ ضى عنيا

و يا وردتى فتَحى لأغلى ماليا

راجع حبيبى راجع ليا

♥

بقلــــــ ♥ Nana Mohamed ♥ ــــم

تحيـــــــاتى

تحياتى تحياتى

يا وطنى و روحى و فؤادى

تحياتى تحياتى

لأمى و جنتى بلادى

تحياتى تحياتى

يا زهرة ربيعى فالوادى

تحياتى تحياتى

تحياتى يا شمس النور

يا أمل و خير يعدى بحور

تحياتى يا قلب صبور

يا ملكة بولادك فى يوم العبور

تحياتى  يا قمر بنور

دا أمل شبابك عدى السور

تحياتى تحياتى

تحياتى يا ست الكل

يا شمس و نور و ورد و فل 

تحياتى لأم الأبطال

دا حماس ولادك يهد جبال

تحياتى تحياتى

تحيه تفوق كل الحدود

لزينة رجال خيرة الجنود

تحياتى لكل شهيد

و لكل طفل أتولد جديد

و لكل متغرب عن بلاده بعيد

تحياتى تحياتى

تحياتى يا أم الدنيا

لحضارة لقب ام غاليا

و لكل أم شهيد راسها فوق عليا

تحياتى تحياتى 

يا وطنى و روحى و فؤادى 

بقلم  . مصــ نانا محمد ـــــــرية

اه يا أمى وحشنى حضنك

اه يا أمى وحشنى حضنك 

اه يا أمى محتجالك

اه يا أمى بيهنونى و يظلمونى و يجرحونى عشان يتيمه

اه يا أمى بيعيرونى بوحدتى أكمنك عنى بعيده

اه يا أمى جوايا بركان و الله دا يهد جبال

نفسى أصرخ بأعلى صوت بس محال

اه يا أمى جوايا دموع و قلب موجوع

و بحكيلك و صوتى مش مسموع

اه يا أمى بعدك بعانى

و عينى شافت حزن بكل المعانى

و جرحتنى الدنيا و سرقت منى أغلى الأمانى

اه يا أمى وحشنى حضنك 

أه يا أمى محتجالك

بعدك يا أمى خلص الخير من دنيتى

ولا باقى حاجه فــ حياتى غير وحدتى

ولا فرحه ولا بسمه ولا أيد تمسح دمعتى

ولا حد حاسس بيا و بقيت غريبه فى دنيتى

اااااه يا أمى و ااااااه يا غربة وحدتى

بقلــــــــ Nana Mohamed  ــــــم

بحبك

صحيح أنى مخصماك 

لكن جوا قلبى شيلاك

صحيح تاعب قلبى معاك

لكن بتمنى دايماً رضاك

يمكن ساكنه قلبك

لكن غصب عنك بحبك

أوقات تبعد عنى أغضب و أزعل لكن قلبى هيموت عليك

و لو تيجى تشاكسنى أعمل مخصماك 

و أنا دايبه فى كل حاجه فيك

تقولى خلاص سماح دانا بردو حبيبك

أقول مخصماك ولا هسأل فيك

و بينى و بين نفسى هتجنن مأنا أصل وحشانى عينيك

بكلمه منك أنسى غيابك

و أنسى الدنيا فحضنك

مأنا أصلى مليش غيرك

و مقدرش يوم أخصمك

و مهما تعمل فيا بسمحك

و عمر قلبى ما غضب عليك

حبيبى يا ضيا عيونى

يا روحى و قلبى اللى فاتونى

فى بعدك تسهر جفونى

بحبك مهما يلمونى

لو فى يوم خيرونى

بين الدنيا أقول دى فانيه و كفايا فقلبك يسجنونى

بحبك يا فرحى و حزنى و جنونى

بقلمـــــ نانا محمد ــــى

وحدة دنيتى

تعب قلبى من الجراح

تعب و نفسه يوم يرتاح

تعب و تعبت معاه الروح

تعب من شدة الجروح

حذرته كتير من قربهم

و قولتله كتير حزنهم أكتر من فرحهم

هيجرحوك ولا تفرق عندهم

أصل اللى مفارق مهما قال بنحبهم

من جواه يقول أمتى هيخلص حبهم

أمتى نمشى و ننسى كل حاجه عنهم

ها يا قلبى حلوا الجرح منهم

اللى مكنتش تقدر تبعد عنهم

قولى يا قلبى لسا باقى على حبهم

ولا أتعلمت وهتنسى كل حاجه حتى أسمهم

أوعى تزعل يا قلبى أنهم خذلوك

أحسن من أنك تكون معاهم و يخنوك

على أد ما حبتهم يا قلبى أفرح إنهم فارقوك

خلاص يا قلبى راجع تانى لوحدتك

و دا أحسن كتير من ناس عمرها ما حبتك

راجع من تانى يا قلبى لوحدة دنيتك

 ♥ بقلــــــــــــ نانا محمد ــــــــــــــم ♥