اقفلي علينا بابك

جوانا حاجات كتير مكتومه
ولا قدرين ننساها

يمكن احزان او اوجاع مكبوته
ولا عارفين نحكيها

واحاسيس واشعار جوانا مكتوبه
لكن دايما نخبيها

وجروح واهات مكنتش محسوبه
فحياتنا ما قدرين نمحيها

يادنيا مالك بس بينا
جيتي علينا كتير وصبرنا
وخدتي مننا الغالي متكلمنا
وقبلنا فيكي الخسيس وستحملنا
وقليل الاصل وناكر الجميل وحسبنا

كفايا كدا يا دنيا

اقفلي علينا بابك ودعلنا
يخرجنا منها علي خير وحقنا عند اللي خلقنا

بقلم 🌟 نانا محمد

هستناك

عشقتك سنين وكواني الحنين
وباتت عيني تحلم بالشوق لك سنين

صبرت عالليالي
وطال انشغالي
علي احب الغاليين

ولما قبلتوا من شوقي حضنتوا
ظلمني وباعني ولحبي اتهمني
وكان كل ذنبي اني عشت احبوا

واجعني بفراقه وجرحه بيا
وانا كان كل همي احقق احلامه بس فيا
  وجيت علي نفسي عشانك يا كل اللي ليا

مابتشتاق لحضني
ولا ضمتك ليا ولا لمسك حنيني يا اجمل ما فيا

هستنك بشوقي
وهترجع تلاقي قلبي لسه شيلك  وانت طبيب لجروحي
مهما غبت عني او يوم جيت عليا ما بقدر انساك يا روحي

يا عشق السنين شيلالك حنين
ما في قلب حبك ادي لو طال السنين

عارفه انك شايفني وسامع كلامي
لكن  مش هتسمع ملامي
نفسي بس تسمع قلبي
ودمع اشتياقي

بقلمي 🌟 نانا محمد

أمي

اهداء إلي أمي

اسألكم الفاتحة لأمي وأمهات المسلمين

بيفتكروني بتألم بس لما اكتب عنك
ميعرفوش ان فكل ثانيه قلبي بيتألم 

بيلموني الناس عن طيبة قلبي
ويجرحوا ويدوسو بالقوي
ميعرفوش ان دا طبعك وانك علمتينا نتعامل بصدق وحب ومانخونش حد

فاكرين الناس اني مابحتاجلك غير لما الحياة توجعني ميعرفوش اني بشتاقلك كل لحظه في يومي
وبحكيلك قسوتهم كل يوم قبل نومي

وحشتيني ياست الكل
يا اجمل واحن ام
سنين تيجي وتعدي وتفضل سيرتك بين الناس مسك وفل

لسه فاكره لما كنت اتحاما فيكي
و اتقوى بيكي

لسه فاكره كل كلمه قولتهالنا وكل لحظه عشتهالنا
كانت ضحكتك كل امالنا

شوفتي اصغرنا
وشوفتي ولادها
شوفتي جمالهم وجمال عيالنا

ادعلنا يا امي ما يتوجع قلبنا علي حد فينا

وهديتنا ليكي دايما الدعاء

اللهم اجعل الفردوس دارك
وسيدنا محمد  جارك
والصراط المستقيم مشوارك

ويجمعنا عن قريب

كل عام وانتي في رحمة ربي وجنته

رحمك الله يا امي
يا اشتياقي وكل همي

هديتي لأمي. نانا محمد