فرجينا كمان يا دنيا

فرجينا كمان يا دنيا فرجينا
واكشفي قناعك  ياله لينا

فرجينا قسوتك
وقوللنا ايه حكمتك

زودي الجراح فينا
ومعاها تزيد دموع عنينا

هاتي همومك كمان  و كمان
وأسرقي منا الامان
ودور بينا يا زمان
عمرنا ما هنحس فيك بالحنان 

قوليلي فاضل ايه تاني
غير القسوه والغلب اللي فيها بنعاني

اخرتها ايه معاكي يا دنيا
اوعي تكوني مخبيلنا هموم تانيا

اه يا دنيا مغلبانا
تايهين فيكي ومعشمانا

بيوم حلو نستنا فيه
ونفضل العمر كله ومن لقيه
حد فيكوا عدي عليه
قولولي فين بس اراضيه

فضفضة همومي* نانا محمد

ناس جبارة

دنيا ظالمه وناس جبارة
تقولش قلبهم دا من حجارة
يجرحوا و يدبحوا  كدا في العباد تقولش شغلين  فالجزاره

وخداهم عجرفت الدنيا
وهي للكل  والله فانيا
مهما تعمل يا ابن ادم فالتراب اخر الدنيا

ولا مال ولاجاه  يحميك
ونار الفتنه هتشويك
ولسانك اللي اغتبت بيه هيقول اللعنه عليك

اوعي تنسي يا ابن ادم كله مكتوب فالكتاب
وكل كلمة وحرف قولته هتتحاسب عليه يوم الحساب
وافتكر يوم القيامه انك اغتبت ودا العقاب

كل لحظه قسيت فيها
وكل كدبه انت غويها
وكل شر سهرت عليه لجل مدمر البيوت بيها

مهما كبرت يا ابن ادم ولا قويت كدا بالفلوس

اخرك متر فأرض جافه والقبر ضلمه هيكون عليك
نواره بقلوب الناس والسيرة الحلوة فيك
اوعي يكون اخرة مشورك نار وضلمه من حواليك

يارب انت اعلم باللي فيا
وعارف مين اللي جه عليا
حسبك ربي وليك فوضت امري انت عالم اللي بيا.

بقلمي * نانا محمد

كلام تاني

كلام تاني

كلام تاني عن الأيام عن الأحلام عن الأماني
كلام تاني عن الحب عن الغيرة عن عشق الليالي

كلام تاني

كلام تاني عن اللي كان
كلام تاني  عن أيام زمان
وكلام يدوبنا وننسي كل الأحزان

كلام تاني

كلام تاني عن زكريات حياتنا وصوت همس الأغاني
ونظرة زمان فالسلام اللي فيها كل المعاني
ونرجع نفتكر الكلام من تاني

كلام  تاني

كلام تاني عن الفرحه عن البسمه
وكلام عن العشق لكن تغلبهم القسمه

و أيام و كلام راحوا ومبقاش منهم غيرصورة و ريحة النسمه

كلام تاني

كلماتي * نانا محمد

كفايا هري مسلسلات

اوقات كتير بقول كفايا تفكير و كلام عن اللي فات

ما هو لو باقي عالحكايه ماكنش اعتبرني زكريات

أفضل أخبي في دموعي ورسم بسمه مالأهات

يجرح ويغيب و وقت الفراغ يقول حبيب وانا عارفه ان الحب فقلبه مات

اسمحلي اقولك كفايا هري مسلسلات

شبعت غدر وحكايات

ابعد وسيب عيوني تحبس دموعها من سكات

وان كان علي قلبي فهيفضل فاكر حب عمره بكل الأزمات

سيبك من ساعه انت فاضيها تدور فيها فالزكريات

وعيش حياتك ان كنت نسيها و بطل هري مسلسلات

بقلم * نانا محمد

اي دين انت عليه

اي دين انت عليه
قولي دين ابوك اسمه ايه
لما تسيل دم البرئ
جاسي بنت لسه نونو عالطريق
مخ ينفصل ونزيف يملئ كفوف ابوها وكأنه فالبحر غريق

اي دين انت عليه
قولي دين ابوك اسمه ايه
بتكفر وتقتل فينا
وفاكر انك هتقدر تقتل الفرح فعنينا
لا وحياتك مهما تعمل انت حشره وفالاخر مصر لينا
اسمحلي اقولك طظ فيك و طظ فكل مؤيدينك

اي دين انت عليه
موحد بالله
طب بتقف ازاى قدامه فالصلاه
عيونك بتعرف تنام
ولا الدم دا عادي عايشين عليه ايام

قولي دين ابوك اسمه ايه
قرأت كتاب الله
حفظت حروفه و أياته
فهمت تفسيره و محرماته
لا يمكن تكون انسان
ولا ليك قلب يحس
انت بالكتير حيوان
رغم إن الحيوان له شعور وحس

وفالاخر مش هقول غير لكل ظالم له ساعه
يترد فيها المظالم

ربي ارحم الشهيد
و جعل جهنم مثوى لكل قلب جاحيد

بقلمي *نانا محمد

حيرة أيامي

تعبت من اللي جوايا
والحيرة خنقتلي ٱيامي

و وخداني الحياه معاها
لسكه ما كانت ف حسباني

يا حزن يا عايش و يايا
و حاسس كل ٱحوالي

وحياتك بقول كدا كفايا
بكفايا طعن لمشاعري

يا غنوه ساكنه جوايا
وحروفك نبض وجداني

نفسي ٱقول دي النهايه
و أكتب لشوقي من تاني

من كتر هموم قلبي معايا
نسيت حبي وكلامي

و دموع عيوني في هوايا
طفولي شمع احلامي

اشتقت لسهر قلمي معايا
وسطور حروفي وحكاياتي

يا دنيا بقول كدا كفايا
ورجعيني لحضن ٱيامي.

كلماتي* نانا محمد

كل عام وانتى فى رحمة الله و جنته

اصرخ كى لا اسمع عاصفة آشتياقى

و اضع يدى على أوذنى كى لا اسمع ضجيج آشواقى

و اغمض عيناى كى لا تنهار منها دموعى

و أكتم أهاتى فى وسادتى كى لا تمذق آرجاء روحى

                              قدر قاسى و إناس آقسى 

                               وحنينى لحضنك يا امى 

رغبة تملكنى يوماً كي اضع همومى على صدرك فيرتاح قلبى ويصفى

                         سنوات مضتت و يسكن الحزن بين الضلوع

                           و مواقف تمر واشعر بقلبى موجوع

                      وبسمات تداعبنى ولكن تسبقها دائماً الدموع

وصرخات بداخلى تعلوا و لكن لم يكن صوتها لأحد مسموع

                           كل عام وانتى فى رحمة الله و جنته

وأدعوا لكى يا امى ان ينعم الله عليكى بعفوه و رحمتة

                        أسألكم الدعاء لموتنا و موتى المسلمين

و قراءة الفاتحه على روحهم أجمعيــن

بقلمى * نانا محمد

يـــــارب

تضيق بنا الدنيا أو لا تضيق

و نخطئ أحياناً فى أختيار الصديق

و نمضى فى حياتنا بمفردنا بلا رفيق

و تمر بنا أصعب لحظات الحزن العميق

و نشعر بأننا و الأحزان و الهموم فريق

فريق أصبح مملوء بالألم العريق

ولكن .......

سوف تقول يوماً للحياه وداعاً فقد أنتهى الطريق

                        فــ يارب هون علينا سكرات الموت

                 و أسترنا فوق الأرض و تحت الأرض و يوم العرض عليك

                   و أحسن خاتمتنا و أهدنا إلى الصراط المستقيم

يارب العالمين

بقلمى * نانا محمد

كسر الدهر ظهري

ظنوا بأني إذا ما ابتسمتُ

غنى بي الحالْ ...

و تساقط من نجوى حروفي

كل ما يُنالْ ...

ما علموا بأني و أني

أداري الحزن وحدي عما يقالْ ...

و أشدُ عزماً و لا أبكي

فكم من دمعٍ أخفاهُ المحالْ ...

علي وزري و أغفو بهمي

ما لي على الاحلام سؤالْ ...

لقد كسر الدهر ظهري

و ما أبقى من الصمتِ احتمالْ

نانا محمد

دمعة ذكريات

نظره لــ صورة ذكرياتنا 

مرت قدامى أيام حياتنا

و آفتكرت كل اللى كان

حنيت فيها لـضحكنا و عشقنا 

و مشاغبة حكاياتنا

ملكت آنفاسى تنهيييييده و لقتنى بقول وحشتنى أيام زمان

حسيت بهمسك حواليا

و لمسة أيدك لــ أيديا

وملك قلبي الحنان

فجأه لقيت الدموع

وسمعت بكى قلبى الموجوع

بصرخة موت بيقول راح من حياتى الأمان

مسحت بأيدى دمعتى

و طويت بــ أيدي صفحتى

و خلصت خلاص قصتى

و يكفينى أنه لسه حاسس بمحبتى

كلماتى *نانا محمد

يارب عيين

فــ حضنه بركان

جواه من زمان

و عايش بهمومه و حسرته

يبكى فـ فرح

وحزنه آنشرح

يكفيه فــ وحده دمعته

فــ كلامه شجن

و فــ قلبه آتسجن

و روحه تايها فـ دنيته

مفيش آمل

فـ يأسه خجل

و فصدره الآه جرحته

بين الضلوع

ضلمه و شموع

و ماتت جواه بسمته

فين الأمان

و حبه زمان

مش دا اللى كان من قسمته

يارب عيين

حزن السنين

و أرزقه بــ فرحه ما تشتته

كلماتى * نانا محمد

حب التسامح

كلمة ونظرة وتنهيده

يملكوا قلب اي وحده حتي لو كانت عنيده

دا الحب هو الحياه

بنسرح ونطير معاه

وتملكنا همسات هواه

حلوه هي الدنيا واحلي ما فيها حب يسكن قلبك

حتي لو حبيبك جرحك تبتسم لما تشوف عنيه وتقوله قلبي مسامحك

غنوه  وذكرة لقاء

تترسم البسمه علي شفايفك وتنسي كل العناء

متيجوا ننسى الهموم

ونعيش بفرحة كل يوم

داللي من نصيبك هيصيبك

مدام كتبهولك الله حبيبك

يبئا تقول الحمد لله

و استغفر  وسبها على الله

سامح وغفر وصل رحمك

دا الدنيا متستاهل إلا رب يسمحك

كلماتي ٠ نانا محمد

بعشقها

بعشقها وبعشق حضنها ولا عمري احسه بعدها

بعشقها و بعشق طيبتها ولا حد فالكون بحنيتها

لكن مالاخر انا ناكر خير  الاصيل

وعمري ما أصون الجيميل

اجرح وأقتل في قلبها ولا يوجعني يوم حزنها

لكن وجعي أنا هو كل همها

بحلم تشوفه في منمها تشيل همي

و دايما بنسى أنها عايشه فدمي

كتير بقولها ابعدي عايز أعيش حياتي

وانا لو بعدت يوم عنها ارجع ادور عليها

اول ما اقول لها اسف وحشتيني الدموع تملى عنيها

بطيبة قلبها تنسي وتسامح

ولا قلبها يفتكر اني اللي جارح

ما هي حبيبتي وصحبتي و اختي

وهي امي اللي بدعوتها ليا تمحي كل مشاكلي

حبها فدمي 

روحي و قلبي

بطمن لما احكيلها همومي 

وبرتاح لما تطمني وتديني دفعة لقوتي و ثمودي

نفسي بس أوصلها اني والله بحبها

ولأخر يوم في عمري مش هلقي زيها

يارب تقرا كلامي وطمني عنها

كلماتي . نانا محمد

جوايا سكوت

جوايا سكوت مليان كلام

بينتهى بـ كلمة تمام

خنقه قرف ملل ملام

بداريهم بقولة سلام

مرت أيام فاتت سنين

بيفوتوا و آنا قلبى حزين

يشفونى أضحك يقولوا دى عايشة فـ حنين

يا دنيا لو كتبالى  فرح قوليلى آنا اروحله منين

و لو نويالى أفضل فى جرح سبينى أكمل  دمعتين

طريق آلم عتمه و ملل

آمتى يطيب آلم السنين و تطيب معاه كل العلل

و لسه السكوت قاتلنا موت

و آهى ناس و عايشة فالبيوت

أيام و سنين عليها تفوت 

و الكل بيدعى فى سكوت

أفرجها يا خالق الملكوت

كلماتى * نانا محمد

أجمل هدية

قالوا عــ الحب آنانية

و أنا حبي ليك حرية

                     

قالوا عــ الغيرة نار و مرار 

                                                   

و أنا غيرتي عليك حب أختيار

     

قالوا عـ العشق روعتة لوعه

وعشقي لقلبك لوعته روعة

قالوا الحب بعد العشرت بيقل حبه حبه

و أنا أحلف بعشرت السنين بتزيد المحبه

غريبه هي الناس

لو يعرفوا يحبوا بــ أحساس

ما كانوا حسوا بالوجع يوم

ولا قلبهم عــ الحب يلوم

يباركلي فيك ربي يا حبيبي و يخليك ليا

يا أجمل هدية من ربي يا أبو حبايبى و نور عنيا

كلماتى * نانا محمد

أنشودة حبى

آنشودتى انت يا حبيبى فى الحياة
 ام انت حلم واقعى لم يشائه لى الأله

فقد أقتحم حبك حياتى
و آحتل كل وجدانى 
اسكنتك فى قلبى
فـ أدمنت همسات الليالى 
تقتلنى فكره فى خيالى
أيقظتها غيرة أيامى
عيناك يا حبيبى سر سعادتى
و قلبك بيتى و عنوانى
تكفينى منك كلمة أشتقت لكى
و يعطر أيامى لمسة الأيادى

كلمات بسيطة تعنى لى كل الحياة
و تغفو عينى كل ليله و آنا أدعوا الأله

يباركلى فيك ربى و يبعد عن حبى غيرة الأعداء

كلماتى* نانا محمد

أمــــــــــي

أهــداء لأمــى الغاليــه ...

فى عيدك يا ست الحبايب

بتعدى السنين و حضنك عنى غايب

الكل بيجيب الهداية و أنا هديتى ليكى أعظم و أقيم

فى ليلة عيدك يا أمى راح أوهبلك بصوتى أيات الله

ومن قلبى أدعيلك و أنا جوايا ألف ااااااااااااااه

يغفرلك ربى و يرحمك و يهديكي بـ الجنة

يا وجعه قلبى بـ فراقك من يومها والله متهنا

بحتاج لـ حنانك كتير و مـا أحس غير أسى الدنيا عليا

و تخنقنى هموم الحياة مـلقى اللى يسأل فيا

كان نفسى تكونى معايا فى فرحى و حزنى يا أغلى ماليا

فين أيدك يا أمي تطبطب

و حنانك على قلبى يرطب

و كلامك يهون عليا 

و وجودك يملى الدنيا 

وحشنى أشوف عيونك فى أبتسامتك

و روحك و جمالها فى طيبتك

حسانى يامـــــــــه فى غبتك

سمعانى و أنا بحكى فى سيرتك

بحكى دايماً لـ ولادى عنك

و علمتهم يعشقوا زيارتك

و بأديهم يزينوا بالورد قبرك

و من قلبهم يدعولك

يغفرلك ربى و يرحمك و يهديكى بـ الجنه

يا وخده حته من قلبى والله بستنى

يجمعنى بيكى عن قريب ودا كل مـ بتمنى

:'(  :'( كلماتى :'(  نانا محمد :'(  :'( 

حـياتى و أمانيها

'‎قالوا عالحب لوعه و أنا لوعتى فى هواك

و إن السعادة فالحب روعة و أنا سعادتى فى رضاك

و إن العشق بيزيد التمنى و أنا كلى بيتمناك

ليه بس قلبك مخاصمنى دانا قلبى بيترجاك

و حياتى عندك تسامحنى

دا غيابك عنى بيجرحنى

فات ساعة و قلبك ما سمحلى

و حياتى عندك تسامحنى

و بلاش غيره يا حبيبى

أنا يادوب قولت كان هيبقى نصيبى

أنت اللى طلبت إنى أحكيلك

عند حد كان فــ حياتى غيرك

و فــ حياتى ما دخل قلبى

غير حبك يا روحى و عقلى

أنا عارفة إن قلبك بيندهلى

و عيونك هتموت و تلمحنى

أيه رأيك ننسى اللى جرحنا

و ما نفتكر إلا اللى يفرحنا

أنا شايفه إبتسامتك مخبيها

و روحك بتقول أنا مالى الدنيا عليها

 و حاسس بـ حروفى و معانيها

و قلبك بشويش بيغنيها

لو تسمح بصوتك تعليها 

و فــ أخرها زيد بس عليها

 إنى بحبك يا حياتى و أمانيها

كلماتى ♥ نانا محمد ♥‎'

همسات حبى

همسات الحب تهفهف على وجدانى

فـ نثرتها بـ حروف عشقى على أوراق أنغامى

و أخذت أعزف ألحانها على أوتارى

فـــ سامعت  العصافير ألحانى

و صارت تغنيها على بابك كى ترانى

يا غفلة حبى و آشتياقى

يا من قتلت فى دنيتى شقائى

هل تسمح لى أن أعبر لك عن أشواقى

رأيتك تمر من أمامى فنجذبت عيناى نحوك فــ بدأت أتكلم كى ترانى

و حينما نظرت لى أصابنى سهم الحب فــ أخذت أدون أشعارى

و فى سلامك أرتجفت يداى و سال منها نهر الأمانى

و فى كلامك أندفعت زفرات أنفاسك نحوى و ملئ صدرى عطرها فـ أغمانى

فــ هل يكفيك حبى

آم ســ تقتلها أقدارى

كلماتى * نانا محمد

ماتش كورة

اه يا بلد مش شايفه فيكى إلا لون الدم

اللى يقول سيساوى واللى يقول أخوانى مهو كلهم ولاد عم

ودلوقتى دا آلترس ودا وايت حتى فـــ الكورة عدوان

عمر ما كان الأنقسام بينا يوصل لإزهاق روح إنسان

فين الطيبه والتسامح

ليه بننسى اللى اندبح ونتهم بعضنا ونقول دا اللى دابح

قولولى ليه و احنا بقينا فين

                                     ومين المسؤول على كل نزفة دم حتى فأيد اللى جارح

فين العقاب دا فكل جريمه سراب

                         بتوووووه الحقيقة اذا كانت من مجرم او من ظابط احنا بقينا فى مصيبه

                                                 نفسى أفتح عينى ومسمعش نعى لـــــــــ شهيد

أو أشوف تك شو ومفضلش اعد فى جثث  كل يوم جديد

                                                             حد يقولى هى بلدى راحت فين

فين الأمان و فين جمال المكان

                                                         فاض صبرى و قررت أسيب البلدى 

و أمحى من بطاقتى العنوان

كلمـــ نانا محمد ـــاتى