الحلقة الحادية عشر من مسلسل (قلب رجل محطم)

حمادة  :أفهم من كدا أنك وافقتي
أية : هقول رأي بعد ما اقعد مع نسرين

بسرعه حمادة كلم نسرين وقال لها ان أية عايزة تقعد معاكي رحبت نسرين و وفقت

حمادة  :خد نسرين و راح ل أية فالبيت
أية : اهلا بيكي يا نسرين نورتي البيت
نسرين : منور بيكي ربنا يخليكي
حمادة : طيب هستأذن انا ولما تخلصوا كلام اتصلي عليا يا نسرين وانا اجاي اخدك

أية : اتفضل انت واحنا هنتعامل
ضحك حمادة 😂  يعني اخرج انا منها
نسرين : ضحكت وقالتلة اكيد  طبعا منستغناش عنك

مشى حمادة
وبدأت أية ونسرين يتكلموا

أية : ممكن أعرف أيه سبب موفقتك
نسرين : أقولك الصراحه انا يتيمة زيك ولمسني وحدتك و انا وحيدة مليش اخوات ولا أصحاب من ايام الدراسه إلا حمادة
حتي قاريبي تقريبا ما حد يعرف عني شئ
حسيت ب طيبتك و حنيتك من كلام حمادة عنك و كلام ولدته فالوصيه
وقولت اكيد هنبقى اخوات و أصحاب

اية : طيب ليه بتبكي
نسرين : لاني محتاجه الأحساس دا
انا أمي ماتت وانا خمس سنين عمر ما حد طبطب عليا ولا اخت خدتني في حضنها حسيت ان ربنا بيعوضني بيكي عشان كدا وافقت

اية : خدتها في حضنها وقالتلها خلتيني أبكي ومبقاش في كلام يتقال بعد كلامك

بس تعالي نتفق اتفاق ان مفيش حاجة تفرق بنا ولا خلاف ينغص حياتنا

لو اتجوزنا حمادة ميبقاش سبب خلاف بينا لأن الزوج يتعوض لكن الاخ ما يتعوض اتفقنا

نسرين : اتفقنا و وعد عمر قلبي ما يشيل منك ولو حصل شئ زعلني فوقتها هاجي اقولك وخلافنها سر بنا
وولادك ولاد اختي

أية خلاص اتصلي بئا ب باباكي و قوليلة انك هتقعدي معايا كام يوم عشان نعرف طبع بعض

نسرين ياريت اتصلت ب باباها و وافق
وكانت نسرين سعيدة جدا وقالت لأية طب كنت روحت جبت هدوم

أية : الهدوم كتير هنا واحنا تقريبا نفس المقاس
نسرين : صحيح احنا نفس الجسم تقريبا

حمادة اتصل أيه يا نسرين أتأخرتوا ليه
لقى أية بترد
انا اية علي فكرة نسرين هتقعد معايا هنا كام يوم
حماده بجد دا
ردت نسرين انا اية علي فكرة نسرين هتقعد معايا هنا كام يوم
حماده بجد دا
ردت نسرين أيوه بجد بصراحة حبتها اكتر بعد ما قابلتها
حمادة : قال ماشي والله دي حاجة كويسة طيب اديني أية
نسرين ضحكت
حمادة : بتضحكي ليه
أية : اصل السبيكر مفتوح اصلا
حمادة : اممممم  انتو هتتفقوا عليا
طيب يا أية اعرف ردك أدام نسرين بئا
نسرين : ردت موافقة طبعا حمادة مش انتي يا بنتي انا عارف ردك
نسرين :انا بقولك رد أية
حمادة : اممممم  مش بقولك هتتفقوا عليا طيب اسيبكم بئا تكملوا كلام لكن اعملوا حسابكم هنروح بكرة مشوار سوا
نسرين واية في صوت واحد مشوار ايه
حمادة : بكرة هتعرفوا 

تحياتي نانا محمد

الحلقة العاشرة من مسلسل (قلب رجل محطم)

نسرين بصراخ وألم ودا كان ردها

أنا موافقة انا يتيمة الأم زي مانت عارف وبرغم أني ما شوفت ولدتك إلا إن كلمها لمسني
وأية يتيمة زي لكن الفرق إن أبويا ما تزوج و أبو أية تزوج

فهمت من وصية ولدتك إن أية ما كان ليها حد يحن عليها غيرها وإنها خايفة عليها لأنها بتعتبرها بنتها

حمادة : بكي من كتر دهشته برد نسرين

وقال أنا سعيد جداً  أنك لمستي كلام أمي
وسعيد أكتر أنك مش هتبعدي عني
فاضل رأي أية وطبعاً  مش هقدر أتكلم فالموضوع دا دلوقتي أنتي عارفة الظروف

نسرين : طبعاً مقدره وعارفة ولكن الموضوع بالنسبة لأية مش سهل

ومرت الآيام و حمادة و والدة فتحوا الجد فالموضوع و وافق جداً
والجد كلم والد أية و وقتها عمه شكره علي أنه طلبها وقال بس الحمل ♈ هيكون تقيل عليك
حمادة : لا أبدا المهم اني بستأذنك أخد رأي أية ممكن حضرتك تتصل بيها

العم طبعا أتصل بيها ألو أية عاملة أيه يا بنتي حمادة كان عايز يكلمك

حمادة : الو ازيك يا أية واخبار الولاد وحمادة الصغير
أية : الحمد لله نحمد ربنا علي كل حال
حمادة : كنت بكلمك عشان أخد رأيك في موضوع أنا طلبت أيدك من عمي ويهمني أعرف رأيك
أية : انا مش موافقة انا هعيش لولادي وكمان ذنبك أية تتحمل عاتق أولادي
حمادة : لا بلاش تردي دلوقتي بابا هيجيلك الصبح هيديلك ورقة 📄 الورقة دي وصية أمي أقري اللي فيها وبعدين نتكلم

أية : حاضر

وتاني يوم ذهب الوالد واعطاها الورقة وطلب منها أنه ياخد حمادة الصغير معاه
علشان هيروح المقابر ل تيتة ليلي
وفقت أية و لبست حمادة ونزل مع جده 👴 
كان حمادة الكبير طاير بيه ونزل فسحه و أشتري هدوم له
وفات يوم و أتنين وأية لم ترد

أتصل بيها
حمادة : الو أية عاملة أيه
أية : الحمد لله
حمادة : ليه مش رديتي عليا
أية : انا مش موافقه لأن كدا هظلمك معايا و هاخد حق مش حقي أتجوز البنت اللي حبيتها
وبلاش تظلمها ولا تظلم نفسك بهم أولادي
وبعدين اكيد البنت دي مش هتوافق عالوضع دا

حمادة : علي فكرة نسرين موافقة و هي مستنية رأيك أنتي
أية : وافقت أزاي يعني
وافقت ان وحده تانيه تاخد حبيبها منها

حمادة : ومين قال ان وحده فيكم هتخدني من التانية

أية : يعني ايه مش فهمه
حمادة : لما توفقي عالمبدأ هقولك اللي هيحصل
أية : سكتت
حمادة : الو أية
أية : نعم
حمادة : سكتي لية
أية : اقول أيه
حمادة :قولي رأيك
أية :ممكن أسألك سؤال
حمادة : اتفضلي
أية :انت عايز تتجوزني عشان تنفيذ الوصية
حمادة  : يبئا نسيتي أية عندي أية
أية : مانت حبيت وكل واحد فينا عاش حياة
حمادة : عمر أول الحب ما يخرج من القلب ودا حب بنت عمي مش اي حب يعني حب السنين
وكمان بحب نسرين اللي اتعلقت بيها فغربتي واللي قدرت وصية أمي و حبتك من قبل ما تعرفك

اية :حبتني انا
حمادة : نسرين يتيمة الام زيك ولمسها كلام أمي و خوفها عليكي

أية : طيب ممكن أقبلها عايزة أتكلم معاها

حمادة : افهم من كدا أنك وافقتي
أية : هقول رأي بعد ما أقعد مع نسرين

وغداً حلقة جديدة

نانا محمد

الحلقة التاسعة من مسلسل (قلب رجل محطم)

فتحت الظرف و قرأت الوصيه دهشني طلبها
الأم :أبني حبيبي يا قطعة من قلبي وروحي الظرف فية مفتاحين 🔑  لصندوقين دهب في درج الدلاب
وصيتي ليك أنك تتجوز البنت اللي حبتها وكنت نازل من سفرك عشان نخطبهالك
كنت أتمني انك لسه قلبك ماحبش غير أية لكن انت وعدت ولازم توفي بالوعد
وهي علي كلامك بتحبك ملهاش ذنب انك تغدر بيها لكن في شرط وهذا الشرط نص الوصية وهي انها توافق علي انك تتجوز أية بنت عمك
أولاً عشان تستر عرضك وتعف بنت عمك يعني لحمك وكمان هتكفل يتيم ويا بختك بيه فالجنه
والله لو البنت دي وفقت يبئا هتقدملها شبكتها صندوق الدهب الصغير اللي فيه هديتي ليها
ويوم ما تكتب علي أية فهديتي ليك وليها الصندوق الكبير  والدهب اللي فالصندوق الصغير دهب سعودي وقيمة عالية جداً
اما الصندوق الكبير فية نفس وزن الدهب اللي فالصندوق الصغير وسعودي بردو لكن يختلف فالشكل وفية عقد ملكية ل أرض مساحتها 10 فدادين و فيلا في البلد اللي ورثتها عن أبويا و أمي أما حمادة وصيتي ليك الشقة دي أبوك كتبها بأسمك بعد عمر طويل لأبوك تكتبها بأسم حمادة الصغير لأني بعتبرة حفيدي اللي كان نفسي أشوفة وأعتبر الشقة اللي هتكتبهالة صدقة علي روحي أنا و أبوك
حمادة : اندهش من الكلام المكتوب و ندا علي أبوه و أداله الظرف والورقة وقرأ الوالد الكلام قال له
كانت قيلالي وانا وفقتها و قولتلها انتي حرة في مالك
حمادة يعني انت موافق 👍
الأب : ايوة انا وأمك عيشنا عمرنا عشانك وكنا نتمني نشوف ولادك
وحمادة ابن أية أمك كانت بتقول انها شايفه حفيدها فيه ودا ابن اليتيمة
وصيتة امك تتنفذ وانا موافق علي كل اللي فيها

وبعد يومين كلم نسرين وقالها علي اللي حصل وانه ما راح يخطبها بسبب الظروف اللي حصلت بكت نسرين علي بكائه
وقال لها لازم أشوفك ضروري
نسرين حاضر
وتفق حمادة معاها علي ميعاد و اتقابلوا
حمادة كان حزين وكان خاسس ودأنه طويله

اول ما شاف نسرين سلم عليها وأتأسفلها علي تأخيرة عليها
نسرين لا ما تتأسف المفروض كنت تكلمني عشان اكون معاك فالظروف دي

حمادة الله يكرمك عموما انا مش هقدر أقعد معاكي كتير
هسبلك وصية أمي هي تخصك
نسرين تخصني انا دي وصيتك انت
حمادة اسمعيني للأخر
أقري اللي فيها و أي كان رأيك هفضل أحبك وما هنسى انك كنتي سبب سعادتي في يوم

نسرين بتفتح الظرف
حمادة لا مش هنا لما تروحي أقرأي و فكري وصلي أستخارة وبعدين قرري
نسرين حاضر بس انت كدا قلقتني

حمادة معلش لازم نقوم لاني مرهق وتعبان
نسرين وهي لمسه إيده حاضر بس عشان خاطري تماسك شوية حالك كدا واجع قلبي وحياتي عندك
حمادة و هو باصص لها حاضر وأنا منتظر ردك

وصلت نسرين بيتها وجريت علي غرفتها والفضول قالقها
قرأت الوصية بأندهاش و حزن ودموعها سالت علي خدها
انهارت أكتر وكتمت الصراخ في قلبها و بدون تفكير وفي عز  بكاها اتصلت بحمادة فوقتها
اول كلمه حمادة قالها وهو سامع بكاها وصراخ قلبها اهدي عشان خاطري وبحلفلك اني ما كنت أعرف إلا يوم موت أمي

نسرين بصراخ وألم ودا كان ردها

وغدا حلقة جديدة

تحياتي. نانا محمد

الحلقة الثامنة من مسلسل (قلب رجل محطم)

سمعت صوت الباب وصوت حد داخل أية بتصرخ جوزي مات جوزي مات
ودخلت تجري علي أمي وهي بتصرخ وامي وخدتها فحضنها وأمي انهارت فالبكاء
نزلنا كلنا علي المستشفي عشان جوز أية وتمت الاجرأت ودخلنا المدافن وصراخ أية واجع قلبي ولقتني ساندها واهديها

وطبعا بسبب حالة الوفاه مارحتش مع امي للطبيب وطول اليوم من المدافن للعزاء واليوم كان صعب
روحنا البيت عند أية وجدي كان مصمم يخدها معاه رفضت تسيب بيتها
وقالت مش هخرج من بيتي الا بعد 4 شهور و عشر أيام بعد شهور العدة وكمان مقدرش أسيب بيتي لأن الميت بيتونس بأهله أربعين يوم

بصراحه أيدت كلمها لكن اللي كان قاهرني و واجع قلبي بجد حمادة الطفل اللي لسه 7 سنين دموعه ما نشفت ولا نطق بشئ
الكل اتلاها في أية وماخد باله من الطفل اخدته معايا البيت خوفت ل يتعب اكتر
روحت البيت وأتأسفت لأمي لأني تركتها طول اليوم شافت حمادة خدته في حضنها قالتلي حمادة دا حفيدي

هوصيك وصيه ما تتهاون فيها
عايز تبرني ولما اموت تكون صدقه جارية لروحي حمادة يكون أبنك أندهشت
أمي لو قولتلك إن معزته من معزتك بالله عليك ما تخالف وصيتي وفي ظرف في دلابي مقفول ما تفتحه إلا بعد موتي اللي فيه يتنفذ بدون تفكير 💭
الغريب ان حمادة لسه ساكت وماتكلم
أتحايلت عليه ياكل ما راضي وبعد ما أمي فضلت تتحايل عليه اخد منها سندوتش واحد وما قدر يخلصه

ولما جيت اقول لحمادة تعالي نام معايا
أمي قالت هينام فحضي صح يا حبيب تيته حمادة وهو ساكت هز راسة
دخلت نمت و أول ماطلع النهار أخدت أمي و روحنا لأحسن مستشفي لكن للأسف الحالة أتأخرت
وأمي أتحجزت فالمستشفى وهتبدأ في تلقي الكيماوي

فضلت أبكي لقيت حمادة الصغير مسك أيدي و لقيت دموعه علي خده نزلت علي ركبي و حضنته وفضلت ابكي أنا و هو وقالي نا شفت بابا وانا نايم بابا قالي تيته ليلى هتروح معاه
وكان أول مرة يتكلم بعد وفاة أبوه

بكيت أكتر
و أمي من حزنها علي نفسها أشتد المرض عليها

وفضلت مع أمي رفضت أمشي وكنت لها مرافق

لكن للأسف ما قدرت أمي تتحمل جلسة الكيماوي
ولقيت الدكتور خارج يبلغنا وفاة أمي

ساعتها حسيت ان نور الدنيا انطفى في عيوني

والعيلة كلها أتجمعت فالمستشفى
ومنها إلي المدافن وانا اللي نزلت أمي
وكشفت عن وجهاها بدر 🌕 ونور من جبينها
في جنة الفردوس يا أمي
وأية لم تصمت عن الصراخ وتقول أمى أمى
ما عاد لي حد جريت علشان اسكتها وما تصرخ
لقتني بحضنها وبنبكي 😢😢😢😑
يا واجعه قلبي بفراقك يا أمي

ومن المدافن للعزاء ودخلت البيت لقيت أية حضرت عشا هي وجدتي رفضت أكل ودخلت حجرة أمي

اصعب لحظه ...لحظه سماع خبر رحيلك يا أمي ... كأن روحي انقبضت وليست روحك
ااااه من لحظه بتمنى روحي تروح معاكي ...
بتمنى جسدي  ينزل قبل جسدك ...
ااااه كم صعب الفراق وكم قاسيه هي الحياة بدون عيونك يااغلى من الروح ...
فعذرااا ياحبي فان امي هي الحب الحقيقي..

قعدت مكانها و فضلت ماسك شالها شامم ريحتها وحاسس نفسها أاااااااااااه يا همي ماتت أمي
وحطيت راسي علي وسادتها وانا في عز بكائي أفتكرت وصيتها فتحت 🔓  الدلاب ولقيت الظرف
فتحة وبدأت أقرأ لكن دهشني طلبها !

وانتظرو الحلقة التاسعة بعد الساعة العاشرة

تحياتي. نانا محمد

الحلقة السابعة من مسلسل (قلب رجل محطم)

حمادة : اتكلمي يا امي بوضوح
أمي : جوز أية تعبان جداً  وهي طالع عنيها معاه
عشان كدا استغربت انك حاسس بيها
حمادة : لا حو ولا قوة إلا بالله ربنا يشفيه ويخليه لأولادة
شعرت بالحزن الشديد رغم اني مكنتش برتاح له يارب يشفيه و يبارك في عمره عشان خاطر أولادي

وبعد ما كلمت امي فتحت النت و أرسلت رساله
ل نسرين
حمادة : صاحيه ولا نمتي
نسرين لا هنا اهو رجعت من عند صاحبك
حمادة : لا مانزلت كنت بكلم أمي وقالتلي خبر ضايقني حسيت اني مخنوق لقيت نفسي بدور عليك
نسرين : انا سعيده اني اهل لثقتك
وإني قريبة منك عشان تفضفض معايا

حمادة : بصراحه لما غبتي امبارح كنت حاسس ان ناقصني حاجة

وبدأنا نتكلم اكتر وكانت نسرين تصحيني بالهاتف في ميعاد شغلي
ولما اوصل الشغل اكلمها أطمنها وانا اكلمها فالبريك تكون هي فالبريك نرغي ساعة وكانت بتعدي الساعة وكأنها ٥ دقايق
واكلمها اول ما أوصل البيت وأنفضل نتكلم لحد ما انام وهي بتكلمني
الغريب بئا اني ماكنتش بعرف أنام  إلا وانا سامع نفسها فالهاتف
واشهد لها انها ناستني الدنيا ولأول مرة قلبي يتعلق بغير أية
ومرت سنة علي غربتي و قولت ل نسرين انا هنزل مصر اول الشهر و اقضي اخر أسبوع في رمضان مع امي و أبويا أيه رأيك تنزلي معايا ونتقابل هناك فالعيد
نسرين تمام 👌 جدآ من الصبح هعمل ورق 📄 الاجازة و احجز تذكرة 🎫  الطيران
وبالفعل رجعنا علي نفس الطيارة وثاني  مرة أشعر بالدفئ لما مسكت أيديها لكن أحساسي بأية مختلف غير أحساسي ب نسرين
وصلنا مطار القاهرة وكل واحد فينا خد طريق غير التاني
وصلت البيت وكانت مفجأه لأني لا اخبر أحد بميعاد وصولي
ولكن صدمت عندما وجدت أمي بحالة صحية لا يرسى لها
انهارت و لأول مرة صوتي يعلوا علي أبي أزاي لم أحد يخبرني بحالة أمي وليه هي لم تخبرني وأنا كنت أحكي معاها دوماً ولم تخبرني

من الصبح هنروح لأحسن دكاترة بعد الشر عليكي يا أمي  دا أنا كنت جاي أسعدك بحالتي

وفضلت بجوارها طول الليل 🌃 و احكلها عن نسرين مش دا اللي كان نفسك فيه خفي ياله أوام عشان نروح نخطبها فالعيد

أبتسمت أمي والدموع في عنيها ربنا يسعد قلبك ويريح بالك ويهدي حالك ويغنيك ويديك يا أبن عمري يا كل همي
بكيت 😢😢😢😢😒  بشدة وبوست أيدها و رجليها

وطلع النهار ودخلت اغير هدومي علشان نروح بأمي أكبر مستشفى 

وسمعت صوت الباب وصوت حد داخل وكانت الصدمه.

وغداً  نلتقي في حلقة جديدة

نانا محمد

الحلقة السادسة من مسلسل (قلب رجل محطم)

وكانت المفجأه

قابلت نسرين زميلتي بالجامعة واللي شاركتني المشروع
سلمت عليها لكن المفجأه الاكبر انها مسافره الكويت فسألتها وياتري قدمتي فأي شركة
قالتلي انا عمي مهندس👷 بشركة بترول
وهو اللي طلب مني اروح زياره و اعمل انتر فيو هناك
اما الأغرب انها كانت قعدة جمبي فالطياره
سبحان الله كأن حد مرتبها فضلنا نتكلم و نفتكر الدكاتره واصحبنا ونضحك طول الطريق
وبقيت اقول فبالي الحمد لله انها نسيت كلمها زمان ولسه ما خلصت الكلام فبالي ولقيتها بتقول
أنا عايزه أقولك حاجه بس ياريت ما تجرحني
انا معجبه بيك من زمان و حبيتك اكتر لما اشتغلت معاك فالمشروع شد انتبهي ادبك
لكن حيرني ردك زمان ممكن اعرف السبب

حماده : بصي انا حبيت زمان و ربنا مش قسمهالي دي تبقى بنت عمي و دا سبب أني مقدرتش انساها ولا عرفت احب غيرها

نسرين :لكن اكيد الحياه مش هتقف ولازم تدي نفسك فرصه تانية
بصيت لها و أبتسمت وقلت يارتني اقدر انساها بوحده تانية

وأتفقنا نتقابل هناك وكنت اول مره اسمح لنفسي اتكلم مع اي بنت
وكمان اقبلها و أخد رقمها
وبدئنا نحكي كل يوم عالنت وحسيت من طرقتها انها بتحاول تشغل تفكيري عنها
وتفضل تكلمني من أول ما ارجع من شغلي لحد ما اجي انام
وفي يوم لقيت نفسي بفتح النت و أدور عليها واتصل علي رقمها مقفول

عاتبت نفسي انا ليه بعمل كدا وياتري ليه ماتكلمتش تقصد تختبرني وتشوفني هسأل عليها ولا هكون عادي بصراحه خدت عليها ومعاها اليوم مش عادي  وفضلت اتصل بيها وبيني وبين نفسي قلقت عليها
بعت رسايل 💌 كتير يا تري هي فين

ونمت وانا بفكر فيها وأقول قدرت تعمل المستحيل شغلتني بيها وغيابها يوم شتتني كتير

ورغم اني بفكر فيها
ألا ان فمنامي شوفت أية وهي بتقع في بير وفضلت تصرخ وتقول ألحقني وحاولت امسك أديها وأرفعها بكل قوتي
وأول ما طلعتها قالتلي أسمحلي أقدملك دنيتي أدخل برجلك اليمين ماتخفش دا باب جنتي
ودخلت معاها لقيت شجرة 🌲 تحتها أربع قطط  فرحوا أوي بدخلتي
صحيت من منامي ناسي الدنيا بأية ياتري دا كان حلم ولا رأيا

بعد الشغل رجعت البيت وما فتحت النت لقيت نسرين بترن عليا وقالتلي اسفه كنت تعبانه وما قدرت اكلمك أمبارح من شدت تعبي نمت لقتني برد بهدوء لا ألف سلامه عليكي

ولقتني بهرب من كلامها ولأول مرة كدبت
معلش لازم أنزل أزور زميل ليا تعبان نتكلم بكرة
حستها اضايقت وقالت ماشي اللي يريحك مع السلامه

ولقيت نفسي مخنوق اتصلت بأمي احكي معاها وأول ما قولت ألو قالتي مالك صوتك مخنوق حكتلها الحلم قالتلي حسيت بيها رغم كل الظروف
تقصدي أيه يا أمي مش فاهم قصدك اتكلمي بوضوح

وغداً  حلقة جديدة مع قلبه المجروح 💔

نانا محمد

الحلقة الخامسة من مسلسل (قلب رجل محطم)

وأبتدت الدراسة  وبدأت من أول السنه فأجتهاد
وزي ماأنتم عارفين عندي مشروع التخرج
تقريبا مكنتش بشوف حد فالبيت غير امي كان كل همي اخرج بتقدير

وفي يوم امي بتصحيني الساعه ٧ الصبح
وبعفويتة امي لقتها بتقولي صباح الخير يا قطة ادخلي استحمي وتعالي اضفرلك شعرك لقتني بضحك و اقولها حاضر يا اختشي

ودا كان عشان مكنتش بحلق خالص وكل همي هو المذاكرة وبس

وانا نازل قبلتني أية دخله البيت
أية : صباح الخير يا حمادة
حمادة : صباح النور لقيت ابنها بيسلم عليا مشاء الله طفل اربع سنوات زي القمر
لقيته بيقولي انا حمادة انت مين
ضحكت و قولتله هو زمان كنت حمادة بس دلوقتي بقيت حمادة تاني خالص

بصتلي أية وأبتسمت أستأذنك عشان ورايا جامعة سلام يا حمادة رد الصغنن مع السلامه

اليوم دا كان لي زميله هتشاركني المشروع و سبب التدبيسه دي الدكتور  

لكن لقتها بتلمح ان هي بتحبيني
لقتني بقول لها انا اسف انا مش هسمح ان يكون بينا اي كلام غير عن المشروع

وبعد ما روحت حسيت اني جرحتها
معرفش انا أزاي رديت كدا

أعمل أيه مقدرتش اخون حبي ليكي يا بنت عمي

ومرت الدراسه وجه وقت الامتحان
وكنت فكل سجده أدعي ربنا يمنحني الاجتهاد

وبعد شهر ونص ظهرت النتيجة وكا عدتي جيد جدآ

جريت فرحت امي و بوست أيد ابويا
ويومها جدي عملي عزومة وأتجمعت العيلة زي زمان

لكن رغم فرحتي إلا إن أسلوب جوز أية ومعملته مع عمي ضايقني وخلاني مسكت فيه
لقيت أية بتبكي

سبته ونزلت
فضلت امشي فالشوارع لحد أذان الفجر دخلت صليت ورجعت البيت

وتاني يوم الصبح أمي فتحت سيرة الجواز ولقتها جيبالي صورة عروسة فكرتني ب أفلام زمان

وري كالمعتاد ريحي نفسك يا أمي مش بفكر فالجواز خالص اللي اهم من الجواز هو الشغل
ابنك مهندس ميكانيكا 👷 سبيني ابني مستقبلي صح وبعدين لما اعوز اتجوز هقولك

دورت علي شغل كتير في مجالي وقدمت فشركات كتير و من ضمنهم  شركه كويتية بعت فاكس بالسيفي وبعد شهر تم الموافقة
ورحت عملت انتر فيوو

اتبعت لي الفيزا وتذكرة طياران  فاضل اسبوع و اسافر وامي عماله تعيط

يا امي يا حبيبتي حقك عليا وبعدين هظبط حالي هناك و ابعتلك تجيلي زيارة انتي وبابا
ابويا خلاص بئا يا وليه نكدتي علينا ربنا يوفقك يابني

ربنا يخليه بابا اداني فلوس نزلت اشتريت هدوم واحذية

وجه يوم السفر واد ايه كنت مشتاق اشوف أية لكن شكلي همشي بدون ما أشوفها
اتاري امي كانت قالتلها اني هسافر يومها

وانا نازل وفاقد الامل اني اشوفها ودخلت عند جدى 👴 اسلم عليهم واخد البركة وابوس ايد جدتي 

لقيت أية دخله تجري وتقول كويس اني لحقت اسلم عليك
وكنت اول مرة المس اديها 💕وعشقت احساسي بيها بدون ما أشعر لقتني بقولها هتوحشيني ابتسمت وعنيها مليانه بالدموع وردت بصوت هادي دفئه مش مسموع انت اكتر 

وفي عز شغفي بعنيها ولسه لامس أديها فجأه لقيت أبنها بيقول  مع السلامه يا خالو ✋

و وصلت المطار كانت المفجأه

وغداً حلقة جديدة

تحياتي. نانا محمد