وفوسط حزني شدني نظرة الحقد اللي في عيون سلوي لانها اول مره تدخل بيتي
بيت ايه كنتوا خدو كل حاجه و سيبولي جوزي
جايه بتعزيني وانتي مستكتره عليا عيشتي
وخلص العزا وكل واحد روح بيته وانا فضلت لوحدي
بابا ساب معايا نورا لان الولاد خرجوا من المستشفى ومحتاجين رعايه وانا مش هقدر عليهم لوحدي
وعدى اول اسبوع واخدت عهد ان اروح لكريم كل اسبوع واقضي اليوم هناك واجي المغرب
واتفقت مع بابا كريم واخواته علي كدا
وجه وقت رد الجميل
عملت ل كريم صدقه جاريه في مستشفى سرطان الأطفال زي ما سبق وعملهالي
كنت بحس براحه اليوم اللي كنت اروحله
وعدي شهور وانا كنت اروح لحبيبي كل اسبوع
ودايما اشوفه فمنامي مبسوط و انه قاعد ما شيوخ و بيراتلوا ورا سيدنا محمد وبيقولي تعالي راتلي معانا
حكيت لبابا قال ان شاء الله هقدم علي عمرة رمضان ونعمله عمره ونقرأ سورة ياسين في المسجد النبوي على روحه
هديت وفهمت معنى الحلم
وبعد كام يوم شوفته في منامي جاي بيبكي ومش راضي يرد عليا
صحيت من النوم لقيت نفسي بدموعي
وبقيت مش فهمه تفسير الحلم انا قصرت فأيه عشان يخاصمني
وبعد يومين سلوى وعلاء جايين قال عشان يطمنوا عليا من امتى الحنيه
اتاري الاستاذ جاي يتقدملي وبعد اقل من ٧ شهور من وفاة جوزي في جحود بالشكل دا
انهارت وشبه تردتهم من البيت
التاني معرفش خد رقمي من مين
ولقيته بيكلمني وقال بيحبني
وانه مرضيش يخطبني زمان عشان ظروفه وحشه وكان بتمنالي حياه افضل
بيقولي دا
انا كان حبي بيان في تصرفاتي
اهتمامي وانشغالي وخوفي عليكي
رديت انت بالنسبه لي لا شئ وانا مش فكرة غير انكم جيرانا زمان
وانا مش هتجوز وابيع ذكرى جوزي واحلي ايام عمري وعشرتي ومحبيتي ليه
وحبه ليا اللي كان كل همه يسعدني
ولا هكسر ولادي بواحد غير ابوهم ياخد مكانه
ولو في يوم فكرت اتجوز مش هتكون انت
وبعد اذنك متتصلش هنا تاني عشان لو حصل تاني ساعتها مش هسكت
وفي نفس الليله لقيت كريم فمنامي وكان سعيد جدا واخدني في حضنه و اداني شنطه فيها عيش وقالي عشان ماتحتجيش عيش وانا برا
بعدها بيومين توفى بابا كريم
وكان كاتب وصيه بميراث ولادي
خوفا ان حد يهدر حق احفاده
يا حبيبي حتي شايل همنا وحاسس بينا وانت بين ايد ربنا
يومها فهمت تفسير الحلم لما كان بيبكي ومش بيرد عليا
متخفش يا حبيبي مفيش راجل يملى عيني غيرك ولا حد يسكن قلبي بعدك
وهبت روحك ليا فحياتك لأسعادي
وسأوهب روحي فداء لذكرك طوال حياتي
يا حته من قلبي وابو اولادي
وفي النهايه احب اشكركم
لمتابعة القصة
والي القاء في قصه جديدة عن قريب
تحياتي نانا محمد
ليست هناك تعليقات:
إرسال تعليق