وفجأه حصلت كارثة مكنتش علي بالي
لقيت زميلي صاحب الورقه اياها جاي علينا قولت ربنا يستر
وفجأه لقيته بيسلم علي علاء وبيبوسه
واخبارك ايه ومش بتيجي ليه علاء بقالك فتره
تنحت ومبقتش فهمه حاجة
فلقيته بيقول ل علاء انت تعرف الانسه حنان
قاله اه حنان جارتي واختي ومتربين سوا
خد بالك منها يا كريم
ايوه كريم
كنت اول مره اعرف اسمه
وانا وقفه بتفرج زي الهبله
علاء. كدا انا اطمنت عليكي كريم اخو صاحب عمري واد رجوله
وانا عماله اسمع وهز راسي
روحت مع علاء وانا مش عارفه افرح اني مشيه جمبه قاعد جمبي حسه دفئ قلبه
ولا احزن علي حالي وان حبي هيفضل متداري وانه عمره ما حس بيا ولا شاف شوقي ليه فعنيه
دخلت البيت وانا حالي مش مفهموم
لقتني بقول لروحي ياتري ظلمتك معايا يا قلبي ولا اللي حبتهم ظلاموك
وتاني يوم روحت الجامعه ولقيت كريم واقف
.
كريم. اتأخرتي ليه يا هانم فاتك اول محاضره
انا. بصيتله بستغراب وقولت نعم قولت حاجه
قالي ما خلاص طلعنا معرفه ومطلوب مني احافظ عليكي
قولتله عن اذنك ودخلت المحاضرة التانيه
وبكل برود جه قعد جمبي وانا بقول في بالي ايه البرود دا
والدكتور بيشرح لقيته شد القلم من ايدي وبيكتب علي الكشكول عندي
زي الملايكه اما تشوفها وردايا ?
تحلم تقطفا 🌹
اخدت القلم و قلبت الكشكول
اليوم خلص
وانا برغم كل شئ لسه شيلاك فقلبي
قررت اقعد فالبيت كام يوم يمكن كريم يفهم ويبعد عني
وبالفعل قعدت فالبيت يومين
الا اني لقيت سلوى جايه تسأل عليا
اتاري كريم جه ل علاء
وكانت مفجأه كلام سلوى ليا
وغدا حلقه جديده
تحياتي. نانا محمد
ليست هناك تعليقات:
إرسال تعليق