عام بلا حنين

مش باقى حاجه منك غير صورة و كلمتين

و أتارى كنت عارف إن قربك أصعب من الغربة يا نور العين

صعبه عليا الوحدة و بعدك عنى سنين

و الأصعب يا حبيبى قربك و يارتنا كدا عايشين

بيقولوا كل الأحبه أتجمعوا الليلة أتنين أتنين

و أنا و أنت يا حبيبى على طول متفرقين

طب قولى لآمتى هستناك و أنا قتلنى الحنين

فاكر أيام زمان كنا أسعد حبيبين

دلوقتى ليه يا عمرى عالحزن مكتوبين

خليكى شهده يا روحى على قسوة السنين 

و أكتب يا قلمى و أصرخ على فراق قلبين

مكتوب علينا الفراق من قبل لقئ العنين

دانا و حبيبى روح و أتقسمت لآتنين

بعشق نسيم همسته اللى فشجونها نغم و أنين

و كلامه بس و رقته يتكتب فيها دواوين

بحلم بنور طلته و عطر لمس  الحنين

ورزاز نفس همسته تترجم هوى العاشقين

يا دنيا ليه أسيه على قلوب متشوقين

بتزيدى الجرح فيها و تعذبى سنين و سنين

و فى نهاية سنه و بداية سنه جديدة بواسى قلبى الحزين

و رغم قسوة الأيام و بعده عنى لسه بقوله مشتاقين

♥ بقلــــــــ ناناــــــــــــم ♥

ولاد المحظورة

أرهاب أرهاب أرهاب

و كل مصيبه تحصل بتخلى يوم حسابكم أسود من الهباب

بتقول أنك ربعاوى

و ماشى تهتف أل سلماوى

تحرق و تقتل و تخرب و رئيس حكومه يقول يادى الشكاوى

أل و رئيس الحكومه يقول مصالحه مع كل ربعاوى

و الله بدأت أشك فيك يا ببلاوى

من يوم ما جيت جبتلنا معاك البلاوى

أما أنت يا أبن المحظوره

ياللى ماشى تشوه فى الجدران  فكرها بسلامتك سبورة

كان زمان المصالحه لكن دلوقتى بقيت مكروه يابن المعفوره

مش عجبك ملامى طيب أسمع كلامى

أه يا شوية محظورين

بينا و بينكم يوم الدين

و أنسوا أنكم تمشوا فالشارع أمنين

ما أنتم بقيتوا من ضمن المجرمين

أه يا رجاله بطرحه

أنسوا يكون فى بينا مصالحه

و حياة دم المصريين ما نخليكم تحسوا بفرحه

اه يا شوية أرهاب يومكم هيكون عذاب

يوم ما تنزلوا التراب

قول لربك أنك كنت بطبق دينك

و أنت لا تعرف دين و لا أسلام الله يخربيت سنينك

أل بيدافع عن الشرعيه

جتكم نيله هبل زى أبن سنيه

و الله مهما تعملوا مصر هتفضل عافيه

و أخركم مزبلة التاريخ يا كدابين يا ولاد المفتريه

و أخر كلامى طظ فيكم يا جماعه أرهابيه 

و قريب أوى هتنداسو بالجزم  

و تعيشى تعيشى يا بهيه

بقلم #nana

شهداء مصر

يا من تقتل النفوس رغبتاً فالمال

و تكفرون و تسفكون دماء المسلمين و تقولون هذا هو الحلال

فلعنة الله عليكم وعلى من أتبعكم و لعنة الله على كل أرهابى خاين جبان

يا من تتخابرون و تبيعون وطنكم للعدو الصهيونى الجبان 

و تقولون هذا هو الحق

فأى حق تقصدوه 

حق المال 

أم حق السلطه 

أم حق كذبك و كذب من حولك أيها الجعان

تتاجرون بسم الدين و تقولون هذا هو الأسلام فالأسلام بريئ منك أيها الجبان

و مثواك النار أنت و من معك 

و سيحفظ الله مصر و أهلها

أما أنتم فمعكم خــــــــــــلاص خلص الكـــــــــــلام

فقد أصبحتم مكروهين من كل أنسان 

و إذا لم ترو عقوبه بالقانون فستروها من الشعب الذى أصبح فى قمة الغضب

و سترو العقوبه االأكثر يوم الحساب

حين يأكل جسدكم العذاب 

فلعنة الله عليكم يا من تسفكون الدماء 

و رحم الله شهداء مصر و لكم منى أيها الشهداء فى كل صلاه الدعاء

أسألكم الفاتحه لهم 

تحياتى بقلم نانا

أهلاً و مرحب بالهنا

أهلاً و مرحب بالهنا اللى راجع لعمرنا

بعد غياب طول السنه راجع ينور قلبنا

أهلاً و مرحب بالهنا

أهلاً و مرحب بالحنين فى غيابك عيونى سهرانين

أبكى و أعد فى الايام و فى كل ثانيه مشتاقين

أهلاً و مرحب بالحنين

ًأهلاً و مرحب بالأمان اللى تركنى من زمان

و سبنى لغربة الأيام أعانى من ظلم وحرمان

أهلاً و مرحب بالأمان

أهلاً و مرحب بالحنان اللى حسسنى بالأمان 

حبة حنين حبة أمل و ما تنسانيش طول الزمن

حبة حنان ويا الأمان و ضمة لحضنك جنان 

أهلاً و مرحب بالحنان

أهلاً و مرحب بالعطور يا رحيق و عبير أجمل زهور

يا عود و عنبر القصور يا روح هجرت قلبى  شهور

أهلاً و مرحب بالعطور

ًًًًٍٍٍ~ًُ بقلــ نانا محمد ــم ~ًُ

عـــارف حبـيـبـى

عـارف حبيبـى ♥

عارف أد أيه حبيتك

عارف أد أيه بتمنى أشوف نفسى فى بيتك

عارف أد أيه عشقاك

و أد أيه بتمنى أعيش وياك

دانا فى كل أذان بدعى أكمل عمرى معاك

عارف حبيبى ♥

عارف أد أيه دايبا فيك

ولا أد أيه عشقت عينيك

و أد أيه بحلم باليوم اللى أكون فيه جمبك

و أقولك شبيك لبيك

حياتى و عمرى و سعادتى كلهم بين أيديك

والله يا حبيبى حياتى دى ما تسوى إلا بيك

قبلك حياتى شرده و روحى دايما مفارقه

مفارقه حياتى و دنيتى 

جيت أنت رجعت من تانى ضحكتى

بوجودك حبيبى مليت عليا الدنيا

و فيها حبى لك بيزيد كل ثانيه

معاك حبيبى بقيت أنا وحده تانيه

عارف حبيبى ♥

دايما بفكر فيك

و روحى بقت هيمانه بيك

و قلبى دايب فى قلبك قبل حتى ما أشوف عينيك

فكرت كتير أهديك ملقتش أغلى من روحى أهديها ليك

يا ترى هديتى دى تكفيك

والله لو هديتك عمرى كله بردو مش كتير عليك

~ًَ بقلـــــمــــ نانا محمد ــــــى ~ًَ

غييبة و نميمة

كذب و نميمة

حقد و غييبة

و من مين و على مين

من مين من أقرب الناس 

و على مين على قلب حساس

و لو عليه كان من زمان داس عليهم  بمداس

لكن كان قلبه للكل يصفى

و يقول ما هما دمى و خلاص الروح ليهم صافيه

سامح دا ربك بيسامح 

أيش تكون انت لو مش مسامح

و يرجع بقلب حنون

 يود الكل و يصون

و يقول لعقله بلاش تكون مجنون

لكن حقدهم كان قاسى

جرحوا  قلبه و مش ناسى

كان حبه ليهم فى القلب أساسى

لكن بقلب بارد جرحوه

بكذب و بغش اتهموه

وخاضوا فعرضوا و قتلوه

تفتكر فى أخ بكلامه يقتل أخوه ؟

خلاص يا دنيا راح الخير فيكى

و كبر فيهم الشر على أيديكى

و الدم بئا أرخص ما فيكى

و لغة الكذب و النم هما أغانيكى

كان زمان الجبان يتخبى لا يلمح عينيكى

دلوقتى يمشى فى عز نهارك و يقول أنا أحسن ما فيكى

خــــــــــــلاص يا دنيـــــا عليـه العــوض فيكـــى

~َ بقلمى نانا محمد ~َ  

خلص الكلام

خلص الكلام

من حزنى عليكى يا بلدى بكى قلمى من كتر الملام  

من كتر وجعى نثر حبره على ورقى و دون 

 خـــــــــــــلاص خلص الكلام

خلص صوتى و قتلنى سكوتى 

أمتى أشوفك يا بلدى تانى بهيه حتى لو بموتى

أمتى يا بلدى

أمتى شمسك تضحك لنيلك

أمتى قمرك يرجع ينور طريق سنينك

أمتى عطر فجرك يعطر نهارك و ليلك

والله يا بلدى وحشنى عطر ترابك

نفسى تعطرى دنيتى لكن للأسف عطرك فيه ريحة  دم شبابك

أمتى يا بلدى

أمتى ترجعى لصوابك

فينك يا بلدى قوليلى ردى

فين جمال فجرك على  نيلك

فين أمان حضنك فى عز ليلك

فين غمزة شمسك فى عز بردك

فين ضل سماكى فى وقت شردك 

قوليلى روحتى فين يا بلدى و راح فين جمال ارضك

قوليلى يا بلدى أمتى راح تعودى

و أمتى أخويا يحس بوجودى

قوليلى يا بلدى

أمتى و فين و لا لسه فاضل سنين

تعبت يا بلدى و تعب قلبى مالبكى عليكى

و بتعب أكتر لما أشوف الدم سايل بين أيديكى

ما أنتى أمى 

روحى و دمى

و كل همى

ما فيكى عمرى

أمتى يا بلدى أمتى تعودى

بقلـــــَ~ نانا محمد ~َـــــــم

حضنــــــــك عنــوانى

أوقات بحس بخوف

و قلبى مالخوف مخطوف

و على البعيد ملهوف

و أسهر الليالى و أنا قلبى بي شغوف

و أوقات أحس بغربه فــ مكانى

و أحس إن روحى مفرقانى

أشوف صورته أبكى و أقول لها خايفه ينسانى

و كتير أسرح فى شوقى ليه و أحس أنى شايفه عينيه تملكنى لحظه حنين أنسى فيها حرمانى

و أوقات أشوفه يلمسنى و بهمسة صوته يحسسنى بقرب طيفه لـــــ ثوانى

و كتير أسهر أدعى و أقول أمتى يرجعلى أسيه هى الدنيا فى بعدك و قلبى فيها وحدانى

أشتقت لك يا حبيبى يا كل الأمانى 

و أشتقت لأسمى من بين شفيفك و أشتقت لحضنك عنوانى

بقلــــ نانا محمد ــم

ناس تنداس

ناس نسياك

و ناس فكراك

و ناس من حقدها تمحى مـــ الدنيا ذكراك

و ناس من حبها فيــــك تتمنى رضاك

فى ناس عاشت عـــ الخيانه

و ناس تعشق تصون الأمانه

و ناس تخاف عاللى منها

و ناس أنانيه المهم تعيش سيننها

و ناس تغدر باللى منها

و ناس تقول بلاش نظلمها

فى ناس أهم حاجه فى حياتها المصالح

و ناس تتأذى و تقول معلش نتصالح

فى ناس وخداها الدنيا و كأنها عمله دماغ حشيش

و ناس تقول الحمد لله على كل حال و أهى بتعيش

فى ناس معدنها أغلى من النحاس

و ناس تانيه لو عليا تنداس بمداس

فى ناس تعيش معاها سنين و لا بيها تحس

و ناس من غير لقى تعشقها بهمس

اه يا دنيا فيكى قليل البخت ما يتحس

و فيكى الرخيص غالى و برضوا ما بيحس

اااااااااااااااااااااااااااااااااااااااااااه منك يا دنيا

و ااااااااااااااااااااااااااااااااااااااااااااااااااه جوايا ماتنحس

بقلـــــــــ نانا محمد ــــم

رئـيس بيــــس

خالعوا حسنى جابوا مرسى

مرسى قام قاعد عالكرسى

قال مش قايم لو حصل أيه 

مهى فرصتوا يا سعات البيه

بقى رئيس نفسه يهيص

قتل و خان و قال دا أمان

رئيس كداب و ضميره غاب

خرج الشعب قال يا عميل يا طرطور أكيد هتغور

أنت و بديع أبو طرحه و نقاب و حجازى الكداب

والبلتاجى و الكل معاه مهو كلهم أرهاب

شعب مسالم نازل يهاجم بالكلام

نزل الجيش أنحاز لـ شعبه

و بكعبه شاط الرئيس بـ جماعته

اه يا مرسى سبت الكرسى

يا حلوتك يا مغرور 

و المحاكمه يوم الفالنتين يا طرطور 

دخل القفص الخرفان قالوا هيييييه

أتجمعنا يا سعات البيه

دخل مرسى رافع أيده 

عامل فيها زعيم بعبيده

نطق القاضى قال يا مرسى 

أنت قاتل و خنت الكرسى

رد مرسى أنا الرئيس 

أوعى ياض دانا بئا واد بيس

أنا شرعيه بــ مهلبيه

أه يا خبتك يا ابن سنيه

بقلم * نانا محمد

شخصية عنيـده

شخصية عنيده بطبعها

لكن الطيبة فى قلبها

و رغم ظلم الدنيا ليها دايمآ تتظاهر بفرحها

لكن من جواها غرقانه فحزنها

عدت فى حياتها نسمه نورت قلبها

أبتسمت و قالت الدنيا خلاص كتبتلى سعدها

و رغم شيل الهم و كتر حزنها

لكن فرحتها بالنسمه رجعتها لعزها

لكن للأسف

 أدبدلت كل الأمور

و رجعت و قلبها مكسور

و عشان ما قلبها صبور

أستحملت ظلم الدنيا ليها سنين و شهور

و رغم حزنها الكل بجمال روحها مبهور

تشوفها تقول دى وردة فى بستان زهور

و لما تعرفها كويس تقول دى عاشت حزن كل العصور 

بقلم " نانا محمد

موجوعــــه يا أمــــــــى

موجوعه من بعدك عنى 

موجوعه من كتر همى

موجوعه و من دمى

ااااااااااااااااااااااااااااااااااااااااه

موجوعه من يوم موتك يا أمى

ولا حد حاسس بيا

ولا فى حياتى متهنيا

و رغم شقاوة ضحكتى الدموع دايماً فعنيا

ولا شوفت من الدنيا غير قسوتها عليا

جرحونى و قالوا دى هى كانت فـ حياة أمها متهنيا

محوا من قلبى حبهم و سقطوا خلاص من عنيا 

مش عارفه ليه بيكرهونى

ولا فهمه ليه بيخنونى

وليه دايماً يوجعونى

مع إنهم من دمى لكن دايماً يظلمونى

محتاجه حضنك يا أمى 

محتاجه أشكيلك همى

وحشنى ضمت أيديكى 

و الحنان اللى فـ نظرة عنيكى 

سنين كتير يا أمى و أنا ببكى فيها عليكى

من بعدك عايشه فى وحده

و قلوب الناس بقت جاحده

يارب عجل بأمر و أجمعنى بيها فالأخره

بقلــــم * نانا محمد

عـطر الحيــــــــاة

يتنفس حبيبى كى أحى بعشقه

و تنغمس أنفاسى بعبير رزاز عطره

فيملكنى و تحتال زفراته على صدرى 

فيصبح قلبى يعانق قلبه

و تصبح روحى أسيره عنده

يمر يومى و أنا أنتظر حتى يعود ليعانقنى عبيره

و يأخذنى بين ذراعيه فتندفع زفراته بين شفاتى

فأراها تترجم أشواقنا لحناً حتى قدمى

فتتوالى الهمسات بنبرة صوت حنونه

و تتوالى معاها الأشواق بلوعته المجنونه

فيأخذ من خصلات شعرى وسادةً له حتى الصباح

و يأخذ يدى كى يضعها على صدره حتى ينعس و يشعر بالأرتياح

فله أتجمل كى ترانى عيناه

و به أحى بـ بسمه من شفتاه

و بهمسه منه يمنحنى عطر الحياة

بقلــمى * نانا محمد

مصريـة و أفتخـر

مصرية أنا و أفتخر

و اللى مش عجبه ينتحر

مصرية أنا و ليا الشرف 

بجيش بلادى و أرض الكرم

مصرية أنا حتى النخاع

بعيد النصر اللى محى الاوجاع

مصرية أنا و أفتخر

واللى مش عجبه ينتحر

أيه مالك يا فصيل فـ حب الوطن ليه بخيل

أيه مالك يا جماعه كرهه ليه رمز الشجاعه

ايه مالك يا أبن بلدى ليه عايز تمحى أرضى

خرجين تقوله سلميه اه يا خبتكم القويه

بتقوله بنحمى الشرعيه و أنتوا فيكم بلطجيه

أقولك على حاجه أسترجل و أشرب بيريل

يمكن تفهم ولا قلبك يعرف معنى كلمة أم

بلدى دى أمى و أمك و جشنا فيه خالى و عمك

جيش بيحمى عرضنا و بنصره رجع أرضنا

و بدمه روى رملنا و بين الشعوب عالى مصرنا

جيش قلبه من حديد والنهارده كان له عيد

جيش العزه و الكرامه جيش عمره ماعرف خيانه

جيش أترعب منه جيوش 

أنا مصرية و أفتخر

واللى مش عجبه ينتحر

اه يا جماعة حلق حوش

رافعه علامة أردغان المهبوش

تمشى المسيره و تشوف فى كل وش واحد وشوش

وش يخاف مايختشيش

و وش يترعب من شويش

و وش تقول ضارب حشيش

و وش يقول أمشى لا ممشيش

بس بصراحه أنا بقول معاك نفسى مرسى يرجع عشان حاجتين

أول حاجه أقوله يا تيت

تانى حاجه أقوله كان يوم أسود يوم ما جيت

حصلت عاركه فقلب البيت

بينى و بين بابا و الضرب أشتغل و الصويت

خربتها و تقول أنا التوت فرط يا تيت

و كفايه بئا عشان انا مليت

#بقـلـــــــــ #مصــــ نانا محمد #ــرية #ــــــــــم

لوعة العشـــاق

اه منكى يا لوعة العشاق

تعذبينى معكى من كثرت الأشواق 

و تشعلين بجسدى نار الفراق

و يزداد قلبى لوعه من شدة الأشتياق

اه ثم اه من لوعة العشاق

اه لك يا قلبى من كثرت عشقه

و اه لك يا جسدى من شدة حبه

و اه لكى يا روحى من نار صهده

و اه لكى يا عينى من لمحة صورته

و اه لكى يا نفسى من زفرت عطره

فعشقته و عشقت لوعة حبه فسحرنى

و ملكتنى زفرات أنفاسه و كأنه عطر عود و عنبر فبها أسرنى

فمتلك قلبى و روحى و بين ضلوعه سجننى

و أغمضت جفونى فى حضرت وجوده فلمس يدى فملكنى

و أخذ يهمس لى و فى دنيا الاحلام خطفنى

فأخذت أتنفس شهيق رزاز عطره و أكاد أن لا أزفره حتى لو قتلنى

اه ثم اه من لوعة عشقك يا من ملكتنى

بقلــــ نانا محمد ـــــــم