فضلت توتا وقفه ورا الشباك تبص عليه
ولأول مرة توتا تاخد بالها من حد
وتسأل نفسها ياترى انت مين بتزور حد ولا ساكن
وبدأ التفكير وبدأت الحياة يحلو لونها فعنيها
وكانت فرحتها لما اتأكدت انه جارها
كانت كل متشوفه من بعيد وقلبها تزيد دقاته
ونفسها يعلي بتنهيداته
وتسأل نفسها ياترى اسمك ايه
وزادت رغبتها فأنها تعرفه
وكل يوم الإحساس يزيد
وفضلت توتا تراقبه أيام من ورا شباكها
عرفت مواعيد خروجه لشغل ورجوعه
رسمت توتا أحلامها وغزلت من الحب فستانها
ولأول مرة توتا تعرف يعني إيه حب
لكن علي اد فرحتها بالإحساس بيه
علي اد ما كان قلبها موجوع لأنه كان متجوز وأولاده كبار
الغريب أنها مفكرتش أنه شكله كبير و إن أولاده كبار
كل اللي خدها هو الإحساس اللي حساه واللي بتحسه لما تلمحه
وفضلت توتا كدا شهور
تستني معاده وهو خارج وهو داخل
كان معاد رجوعه من شغله هو معاد رجوعها من المسجد
كانت تطير لو عدت من جمبه تحس ان في انجذاب غريب وروح بتخدها
ولأنها منقبه مكنش بيرفع عينه نحيتها
فضل تلك الشخص هو امنيتها الوحيده و بطل أشعارها
وفكل سجده تدعي تقول يارب قربه مني
وجعلي نصيب فيه عارفه انه مستحيل لكن عليك هين يارب قادر تقول كن فيكون
يارب فرح قلبي بقربه
وفضلت توتا عايشه علي امل ان ربنا يستجيب دعاها
وفي يوم وهي راجعه من المسجد صادفها الحظ
كان شاب ماشي وراها يعاكس فيها رغم أنها منقبه ومحتشمه لكن عنيها منوره بالون العسلي كانت تجذب اللي يبصلها حتي وهي منقبه
انتبه فارس أحلامها للشاب وأنها ماشيه محترمه ومش بترد وبدأ الشاب يتطاول بألفاظ وشدها من النقاب
لكن تدخل تلك الفارس وتشاجر معه ووقفه عند حده
بكت توتا لأنها اول مرة تتعرض للموقف دا
وبكت اكتر لفرحتها انه كلمها وقال لها اهدي بلاش بكي
واداها منديل تمسح دموعها
ولأن النقاب اتفك لما الشاب شدها
فتح لها باب العربيه وقال لها اركبي البسي النقاب وبعدين انزلي متخافيش انا هقف بعيد اطمني
ابتسمت توتا لأعجبها بحترام وأخلاقه
وبالفعل ركبت ولبست النقاب وقالت له
متشكرة جدا علي اللي عملته ياريت كان في كلمه تقدير اكبر من كلمة شكرا تقديرا للي عملته
رد قال دا واجب انتى زى اختي سبحان الله لو مكنتش لبسه النقاب كنتي هتشوفي أفظع من اللي حصل
انتى ماشاء الله جميله جدا كويس انك غضه بصر الناس عنك
توتا اتكسفت ونزلت عنيها الأرض وقلتله ربنا يخليك
سألها انتي سكنه بعيد لو حبه اوصلك
توتا ردت قالت انا سكنه فالبيت اللي هنا دا
رد قال لها احنا جيران بئا معلش اصل انا ساكن هنا من كام شهر فمعرفش حد اوى انا محمد ساكن هنا
قالتله اهلا وسهلا بيك اتشرفت بمعرفتك
ضحك وقال لها الشرف ليا يا... اسمك ايه ردت قالت
انا اخت الدكتور محمد
ابتسم وفهم انها مش عايزة تقول اسمها وقال ماشي يا اخت الدكتور محمد
ابتسمت توتا
فقال لها بلاش تبتسمي وانتي فالشارع تاني لان عنيكي بضحك وبتلمع ودا بيشد اللي يشوفك
اتكسفت وقالت استأذنك وبشكرك جدا علي موقفك
رد محمد شكر أيه بئا داحنا جيران
توتا قالت سلام عليكم
محمد رد السلام وفضل واقف لحد ما دخلت البيت
دخلت توتا بيتها وهي فى قمة السعادة
واول حاجه عملتها لما دخلت البيت دخلت اتوضت وصلت لله شكر ان ربنا فرح قلبها
وفضلت تدعي ربنا يجعلها نصيب فيه
وعمر ما فكرت انه راجل كبير ومتجوز
كل تفكيرها فإن ربنا يحقق حلمها ويكتبها نصيب فيه
وفي يوم الساعه ٨ صباحا حصلت المفجأه....
وبكرة حلقه جديده
تحياتي 🌹 نانا محمد
ليست هناك تعليقات:
إرسال تعليق