لكن كان المفاجأه ان رد عادل بعد ما اخوتها مشيوا هو الضرب بالإهانة
ومات الحلم فقلب توتا وعاشت أصعب شهر في حياتها
ومرت بكتئاب واحباط اكتر من اللي حسيته وقت موت ابوها
وأطلقت توتا ورجعت تاني النفسيه السيئه
وبعد رجوع توتا بـ شهرين كان فرح المهندس أسلام اتخرج وكان علي أمل انه يتجوز ويعيش مع أمه لكن بعد طلاق توتا الوضع اختلف
ورغم ان عبير مرات أسلام من سن توتا إلا أنها كانت بتعامل توتا وحش جدآ وكأنها بتعاقبها علي اللي شفته فحياتها
وكأن جوزها وطلاقها بعد ٤ شهور وصمة عار
لكن سلمى مرات محمد صاحبة توتا المقربه
وكانت توتا بتستني اليوم اللي محمد ومراته يروحوا فيه عندهم
سلمي اقترحت علي توتا تحفظ قرأن وتنزل المسجد وهتتعرف علي بنات وأصحاب وهتخرج من الحاله دي
فرحت توتا وقالت لـ سلمي لو ليا اخت مكنتش هحبها ادك
سلمى كلمت جوزها وفهمته حالة توتا وأنها لازم تخرج من الحاله دي وكمان حفظها القرأن هيقربها من ربنا وبعدين لازم تخرج وتتعامل مع الناس توتا مش صغيره
وافق محمد واقنع اسلام لكن عبير قالت لأسلام دي مطلقه إزاى تخرج وتطلع وكل وحده تلسن بكلمه
لكن ام توتا كان لها الرئ الأخير وهو الموافقه
وبالفعل نزلت توتا وسلمي في يوم المسجد عشان تسأل علي مواعيد الدروس والحفظ
وقد كان
وفعلاً توتا حالتها اتحسنت وكان عندها حماس للحفظ والتجويد ورغم ان ناس كتير كانت مستصعبه الموضوع إلا انها فهمت بسرعه و بدأت تجود وتحفظ
وكانت اول وحده تحفظ وتسمع
اتعرفت علي بنات وستات ولما عرفوا أنها مطلقه
قالوا مين الحمار اللي يسيب القمر دا دا عبيط
وكل وحده فيهم جيباها عريس
اخو دي عم دي ابن اخت دي خال دي
وتوتا كانت رفضه الفكرة من الأساس
وعدي أيام وتوتا حفظت جزئين وتفوقت علي اللي جاي قبلها واخدت قرار لبس النقاب
وف يوم وهي رجعه من المسجد و قبل البيت شافت الحلم
فاح عطره نحوها فنجذبت ونظرت له خطف قلبها
معقول الإحساس دا
ليه قلبي بيدق ومين أنت يا اللي خدتني وخطفت قلبي
وأخذت تسأل نفسها من تكون يا من سحرتني دون النظر للعيون
وبدأت توتا يقل خطاها نحو المنزل وكأن قلبها وروحها تركوا جسدها و أخذهم تلك الشخص
وفجأه توتا وهي طالعه بيتها بتجرى تردد
هو دا اللي كان ناقصني حلو وكارزما و عاجبني
قلبي شافه نط فجأه من مكانه وقام بيسني
اما عن احساسي بيه احكي ايه انا ولا ايه
مش مجمله ومش بهزر فين هلاقي كلام يعبر
وغدا حلقة جديدة لنعرف من هو ملهمها
تحياتي 🌹نانا محمد
ليست هناك تعليقات:
إرسال تعليق