و ليه الدنيا زمان جرحتنى
و ليه دلوقتى ضحكتلى
زمان كان البال خالى
و دلوقتى مبقتش أنا لحالى
كانت زمان روحى مكسوره بظلم الناس اللى حبيتهم
و دلوقتى بقيت مشغوله بحب ناس أنا خبيتهم
كنت أتمنى لو كان البال خالى
و أعيش أجمل و أحلى الليالى
لكن دايما زمانى قتلنى بعتلى حب فى وقت غالى
صحيح مقدرش فيه مفكرشى
و أوقات أوهم قلبى اللى كشفنى
إنى نسياه و لو لحظه ألقى فى نفس اللحظه
بقول وحشنى حبيبى اللى ملكنى
و أفكر فيه بدل اللحظه ليالى
ياربى ليه تعذبنى و ليه فى قلبه خلتنى
كنت سميت حالى معذبه بظلم الليالى
دلوقتى معذبه بحبه الغالى
يارب عنه أبعدنى لأن حبه عذبنى
بخاف عليه من النسمه و من حب يسكن قلبه بالقسمه
بغير عليه من كلمه او لو حتى نطق باسم حد تانى
مش من حقى أحب و أعشق و لا حتى أحبه فخيالى
لكن لقيت فيه الحنان و الحب و الأمان
اللى أتحرمت منه طول الزمان
ياربى من يوم ما سكن قلبى
لا تغفو عينى الا و هو بين جفونى
ولا يبداء يومى الا أن يحادثنى حبيبى و أسمع صوت أنفاسه
يـــــا ربــــى
أنا مشتته بين حياتى و حبى
محتاره بين يومى و أمسى
يارب عنه أبعدنى او حتى يارب تخدنى
لأن خلاص قلبى تعبنى
ليست هناك تعليقات:
إرسال تعليق