فاكره يا بلدى فاكره ولادك
مينا و محمد و عماد و خالد وزيهم كتير
فاكره يا بلدى فاكره ولادك ماتوا بأيدين حكامك
.........
يوم 25 خرجنا نقول تعبنا خرجنا نقول كفايه
كفايا علينا ذول و مهانه
من خنقتنا ثورنا و قولنا عيش حريه و عداله أجتماعيه
صرخت بعلو صوتى و قتلت جوايا سكوتى
حضنا ميدانك و فى عز البرد دفانا
خرجوا علينا حكامك بالميه و الرصاص بيقولوا على أبنك خاين
قالوا دا أجنده و قالوا دا عميل و قالوا دا أرهابى من رابع المستحيل يكون إنسان شريف !!
شهده يا بلدى شاهد يا ميدان شاهد يا كوبرى ثورة العظماء
و أحنا بنصلى غرقونا و بسيارتهم و مضرعتهم دهسونا
و أخويا فاتح صدره و بيقول أنا أعزل و مش جاى أئذيك
أنا بس جاى أقولك عايز حقى دنيا و دين
خد رصاصه فقلبه وجعتنى قبل ما تجرح قلبه
فاكره يا بلدى فاكره فالليل حدفوا علينا نار
و فى نهارك بعتوا خيول و جمال يموتونا و نسيو أن أحنا ولادك
و رغم ألمى و جرح قلبى على أخواتى فرحت يوم تنحى فرعونك
و قولت حق أخواتى هيجى
جه العسكر زود شهدائك سحلو بناتك و قتلوا شبابك
اه يا بلدى أبنك رخيص مات و سحلو العسكر جمب الرصيف
اه يا بلدى قتلوا شبابك و محو تاريخك
قتلوا أطفالك و شبابك و قتلوا كمان شيوخك
و أخفو الأدله عشان حقهم ميجيش
شوفتى يا بلدى قتلوا ولادك
أيه ذنبهم و أيه سبب قتلهم كانوا بيشجعوا فريقهم ودا كان همهم
قوليلى يا بلدى أيه كان ذنبهم
و جه رائيسك قولت دا شاف الذول هياخد حق ولادك
من كل إنسان ظلم و زل
أتارى رائيسك طلع فرعون و دكتاتور قتل و زل من جديد
اه يا بلدى اللى يوم ما نجح قولت دا يوم عيد
أتارى كان يوم أتولد فيه فرعون جديد
قال دستور و أستفتاء
أنزل أقول لا ولا أقعد و أسكت عالظلم
و لو أنى واثقه أن التزوير هيتم
و هيتقلب صوتى بقدرة قادر من لا لنعم
أشتروا ضعف الغلابه و فقرهم و أحتياجهم لكل حاجه
و أيه كان التمن كيس سكر و حبة زيت
اه يا بلدى يارتنى مت ياريت
اه يا بلدى و اه يا أمى ما أنتى أمى و كل همى
مفيش كلام تانى يتقال غير
فوضت امرى لله
ليست هناك تعليقات:
إرسال تعليق