قولى يا مسلم دينك دينى
ولا عقيدتك تمحى سنينى
قولى يا مسلم أنت مصرى
طب ليه بتحرق علم نصرى
قولى يا مسلم .
بأى حق تقتل ؟
بأى حق تكفر ؟
بأى حق تعذب ؟
بأى حق تخرب ؟
قولى يا مسلم بأى دين أنت مؤمن .
بأى حق تقتل و بأى وش تقف بين أيد ربك تصلى و تكبر !
بأى حق تكفر دا رب الكون أعلم بالقلوب و حسابك عنده أكبر و أعظم !
بأى حق تعذب و تشيل من قلبك الرحمه
بأى حق تخرب قلبك دا حجر هان عليك تحرق وطن !
مصر دى بلدنا
مصر دى أمنا
و واجب علينا نحمى أرضنا
نبنى و نعلى مش ليك لوحدك دا لينا كلنا
و مهما تعمل فينا و مهما تعمل فى أمنا
برضو هتفضل واحد مننا
قولى ليه عايز تمحى أرضنا
نعيش ليه و لمين لو محفظناش على عرضنا
أرجع لدينك لبلدك لأخواتك لأمنا
والله هتفضل واحد مننا
بقلــــــــــ نانا محمد ـــــــم
ليست هناك تعليقات:
إرسال تعليق