دا يبقى اسمه ايه
لما الكلام يفضل مسجون بين الضلوع
لما الزعل ياكل فــ قلبك وتبات ليالى موجوع
لما تراجع كل اللى فات وتلقى نفسك بكيت اكتر مافرحت
ولما فاض بيك وجيت تصرخ صوتك مكنش مسموع
دا يبقى اسمه ايه
لما تتنفس وجع
وتنام بوجع
وتقوم بوجع
وتخونك الدموع ويختنق صدرك بالوجع
دا يبقى اسمه ايه
لما تلاقى نفسك تعتزل الأمانى
وتنسى الكلام وتوه المعانى
وتفضل روحك تعانى
دا يبقى اسمه ايه
لما القلم يترك اصابعك
وتخصمك حروفك
وتلقى الحزن اجتاح كل ما فيك
فكرك قلبك وروحك حتى كفوفك
وتسمع صوت قلمك وهو يقول
قد فاض حبرى
وحزنك اجتاح نثرى
فتبعثرت الحروف على ورقى
وتاهت المعانى و الخواطر فى نبعى
فيا رفيق عمرى
اجعلنى بين اناملك انثر راحه للقلوب فكفاك نثر لدمعك
~💔 نانا مكاوى 💔
ليست هناك تعليقات:
إرسال تعليق