هانت الحياة على قلبى
و قفلت عليا بابى
و قررت أعيش لوحدى
لحد يوم حسابى
هانت عليا روحى
و كَويت بأيدى جروحى
ما هو أهون عليا من إن تشوف الناس دموعى
و هتهون عليا العشره
زى ما هانت عليهم
ما باعونى و قالوا عليا
مريضه اه يا عينى
شَمتوا فيا الأعادى
و كلابهم نهشت أعراضى
أه منك يا دنيا
و من غدر الناس فيكى
كرهت قربهم ليا
و حبيت الوحده بيكى
من كتر ما قالوا عليا
سبتهم والله ليكى
بتمنى أشوف فــ عنيهم
كسرتهم و شماتت الناس فيهم
ما هو ربك أصله يا دنيا ما هيضيع حقى فيكى
كله سلف و دين
حتى نظرة العنين
وداين تدان
ولك يوم يا جبان
وحياة ربك يا دنيا
ليجيلى حقى منهم
#ربى
هو المنتقم الجبار
لو حتى فات ألف نهار
كلماتى * نانا محمد
ليست هناك تعليقات:
إرسال تعليق