قلب تايه يا ولاد الحلال
خطفه اللى غايب بتنهيدة غرام
قلب تايه يا ولاد الحلال
يا أهل الغرام دلونى ما شوفتم قلب حيران
ولا يوم عدى عليكم قلب باكى سهران
قلب تايه يا ولاد الحلال
يا واخد قلبى منى و سارق من عيونى النوم
لو لسه باقى على حبى طب ليه عليا تلوم
ليه بتخيرنى بين جرحى و موتى
لــ تخطف قلبى و أرضى بسكوتى
يا نسمة شوق مفارقة زى اللى غاب عن عينى
روحي و قوليله إنى لسه عشقه قلبه و عشرت سنينى
و بتمناله الرضا يرضى بس يحن و يجينى
وحياة ربك يا نسمه روحيله و أحكيله عنى و قوليله
قوليله إنى لسه فاكره كل كلمه من كلامه
و لسه بترن فى ودانى سحر همسة غرامه
و بتملكنى البسمه لما أفتكر غيرته و خوفه عليا
و بتجرحنى الدمعه لما أرجع أفتكر أنه مبقاش يحس بيا
و قوليله لسه بيتنا مستنيه
و كل ركن فيه بينده عليه
و فكريه بصورجمعت بسمتين
و حلفيه بيبتنا و عشرت السنين
أحكيله إنى لسه بستناه
و إنى لسه والله عشقاه
خليه يرجع تانى لحضنى
و فى كل وقت يفضل حاسسنى
و لسه بدور عليك يا قلبى
محدش شاف قلب حيران
قلب تايه يا ولاد الحلال
~َ بقلـــــ نانا محمد ــــمى ~َ
ليست هناك تعليقات:
إرسال تعليق