أمتى الفجر راح يطلع
قولى يا بلدى أمتى شمسك راح تشقشق
3 سنين عتمه و ضلمه
حرب قامت فـ الشوارع
عتمه ملكت كل شارع
قتل و ضرب . نار و خرطوش
كل شوية تصريح من وزارة الصحه و حصيــلة الأسبوع
قول يا سيدى كام واحد أتقتل و كام مصاب أصبح مشلول
كـــــفــايــه
كفايه حرب كفايه معارضه
كفايه يا جماعة حكم ظالمه
كله خاين كله بايع كله داس عل ام والده
أم ربت أم شالت أم حربت فـ المشارق
أم بكت على دم سال من كل مصرى
مين أحنا و فين عايشين
عايشين فى غابه ولا فى بلد مجانين
و رئيس دوله يطلع يدين ؟
و رئيس حكومه متعرف هو بيعمل أيه ؟
دى بلدنا . دى أمنا . دى مصر اللى عاشت فدمنا .
مين بيحكم رئيس ولا جماعه ؟
ولا قطر من أذاعه ؟
مين أحنا و بقينا فين
على فين ريحه يا بلدى
و أمتى ليلك راح يمضى
أمتى شمسك راح تنور
و تملى الدنيا بنسيمك الوردى
فينك يا بلدى
فين أمانك و فين جمالك
دى شوارعنا دى الميادين
دى بلادى اللى عشقها الملايين
فين الأمان
مفيش أمان كله ماشى خايف مـ الجبان
قتل _خطف _ سرقه _ و أغتصاب
فين أمانك يا بلدى و أيه اللى بيكى صاب
أمتى شمسك راح تنور
و أمتى شعبك من الفرحة يخرج فكل ميدان فيكى يتصور
قولى يا بلدى أمتى فجرك راح ينور
بقولها وانا راسى فوق عمر التهديد ما هيقتلى صوت
بقلـــــــــ نانا محمد ـــم
ليست هناك تعليقات:
إرسال تعليق