كنت بقول عمر قلبك ما يسبنى
عشت معاك أجمل حياه
كانت روحى نجمة سماك
و كان أسمى غنوة هواك
أنا اللى كنت عايش ليها
و كنت حياتك و أجمل معانيها
كنت معاك ليلك نهارك كان قلبى بيتك و دارك
و لو غبت عنك ثانيه تخصمنى ولو قولت غصب عنى تزعل منى
و لو عينى تغفل ثانيه عليك تتهمنى و تقولى مين خدك منى
و فى عز نومك تهمس و تقول يا حببتى
ارد اقولك انا جمبك بقلبى و روحى و عنيا
قولى يا حبيبى راح فين حبك ليا
ولا حبك كان مجرد تمثليه
معقول قلبك ضحك عليا
و فحياتى بقيت ضحيه
و لا قلبك غضبان عليا
يمكن عملت شئ مش بأيديا
طب عاتبنى ولا عاقبنى مش تبعد عنى و تسبنى
أنت عارف انى فبعدك وحيده
و من غيرك تنتهى حياتى فدقيقه
ليه بقيت بعيد عنى ولو كلمتك أحس انك مخنوق منى
خلاص قلبك مبقاش حببنى
خلاص يا قلبى رجعت و حيد و هتعيش الحزن من جديد
عينى عليك يا قلبى الدنيا ياما جت عليك
ولا عمر قلب حبك بصدق و خاف عليك
عينى يا قلبى الكل باع و أشترى فيك
و لا أخ و لا صديق حتى حبيبك داس عليك
عينى يا قلبى عاللى أتعمل فيك
من النهردا مفيش أمان قلبى اتعلم يخاف
أصل الكل باع و خان
من النهردا قلبى قفلته
و بأيدى كســــــرت المفتــــاح
~ًًٌْ بقلمـــى * نانا محمــــد ~ًًٌْ
ليست هناك تعليقات:
إرسال تعليق