الأحد، 12 نوفمبر 2017

الحلقة الثالثة من مسلسل (صوت القلب)


ترددت ان اقرأها ولكن مسكتها وفتحت الورقه وصدمني ما بداخلها
هي ورقه 📄 مقطوعه من اجنده
مكتوب فاول سطر صباح التفائل النهاردا اول يوم ليا فالجامعة وربنا يكتبلي الخير

و في نص الورقة مكتوب
حنان الوش اللي جماله رباني بدون اي ميكب
ايه الجمال دا انا قلبي اتخطف لما شوفتها
وكسوفها و خجلها وهي مشيه و وشها فالارض
حتي وهي بتكلم بنت زيها ابتسامتها كلها خجل 😳
خطفت قلبي ولأول مره قلبي يدق لما شفتها
يارب اكتبلي حبها دي نظرتها خطفت قلبي وعشقت وجهها

قفلت الورقه و عيوني مليانه دموع😢

لقيته قاعد جمبي بيقول انا اسف اني زعلتك
و محبش اشوف دموعك انا اسف

سبت الورقه وقومت بهدوء
منطقتش بكلمه

لقيته بيجري ورايا ويتأسف
والله انا مش بتسلي وانا اسف لو ضايقتك بس اديني فرصه اعرفك بنفسي

وانا اقول في سري انا اللي اسفه قلبي مش ملكي

وبقيت اخاف اروح الجامعه ليكلمني

و في يوم  وانا قعده لوحدي  براجع كشكول المحاضرات

لقيت علاء واقف قدامي
قلبي دق بشده وانا شايفه عيونه
نفسي اقوله وحشتني لكن سجناها ضلوعي

لقيته بيقولي ممكن اعرف زعلانه مننا ليه
هي سلوى زعلتك فحاجه

قولتله لا انا بس الجامعه وخده وقت كبير من اليوم و الوقت اللي بكون فاضيه فيه بذاكر ل هناء

علاء امممممم يعني هناء اللي وخداكي مننا ماشي
بس بردو ميمنعش انك وحشتينا

ابتسمت وقلبي ذاد دقاته 💞💞💟

ولقيته بيقول وبعدين  احنا اخوات وعشرة عمر

عقلي رد قال هو انت بعد ما كحلتها عمتها

علاء ايه سرحتي فايه انتي لسه عندك محاضرات

قولت لا
قال طب ياله عشان نروح

وفجأه حصلت كارثة ماكنتش علي بالي

وغدا حلقه جديده

تحياتي 🌟 نانا محمد

ليست هناك تعليقات:

إرسال تعليق