السبت، 27 يوليو 2019

الحلقة الثامنة من قصة (سجين قلبها)


الحمد لله الفرح عدي علي خير بغض النظر عن الفلانه والكلسون يمكن كانت سقعانه

النهاردا الصباحيه وعادة الفلاحين بيروحوا يباركوا

امي جت خبطت وجابت فطار

ببص ورايا
لقيت واحد صحبي خارج من الحمام
الشعر اللي كان حرير قلب سلك مواعين

استغفر الله العظيم
وانا هصطبح بالمنظر دا كل يوم
ربنا يسامحك يامه

المهم الناس جت وباركت وأمها خدتها علي جمب وكلمتها وبعد ما مشيوا

لقتها قلعت الوش ولبست وش تاني
جلابيه وربطت راسها بأشرب وخرجه
بقَولها رايحه فين قالتلي
هروح اعمل الغدا اني ما بحبش اكل من ايد حد

لا تعليق
دخلت ب دون مقدمات عملت اكل علي اد فردين

دخلوا حريم اخواتي واخواتي البنات واقفين مبلمين
اختي قالتلها انتي عروسه ادخلي واحنا هنعملك الاكل قالتلها لا  احنا عندنا كل وحدة من حريم اخواتي بتعمل اكلها
وتغسل مواعينها

ردت مرات اخويا الكبير قالتلها هنا بناكل سوا والشغل بيتقسم علينا في اللي بيطبخ واللي بيغسل واللي بيروق الدار واللي بيحلب

لقيت دي صوتها عالي وقالت
لا اني ماليش صالح بيكم

شكلها هتولع فالدار

خالي جه  ومرات خالي جايين يباركوا
البيت اتقلب  لان الكل بيعزهم
مرات خالي بتقول فين العروسه بقولها اهي لقيتها مزهوله لدرجة الضحك

عايز اقولها هو الغفير دا الله يسمحك يامه

سألت عن أميرة وصحتها خالي قال الحمد لله كنا فين اميرة حكيتلي علي اللي عملته معاها كتر خيرك يابني لقتني بقوله دي اميرة ياخال قلب العيله اللي روحها فالكل

الغفير ظغرلي ليلتنا فل

امي جت من الغيط  لما عرفت انهم فالبيت الغدا اتعمل ولازم خالي يتغدي قبل ما تمشي المهم هما خرجوا و سبوني

خدوني معاكم

مراتي سألتني عن اميرة وبتسأل عليها ليه وايه اللي عملته معاها
اني عرفها كنت بشوفها عندكم دايما

قولتلها بنت خالي وكانت تعبانه وانا كنت بزورها فالمستشفي
قالتلي اي
طب جوم كل قولتلها مليش نفس دلوقتى
قالتلي جوم نام
وبعدين نشوف ست اميرة

قولتلها روحي الحقي وصلحي اللي هببتيه عشان امي مش هتفوت اللي اتقال

قالتلي يعني هتعلجلي المشنجه
اني هاكل وهنام ومش هخرج لحد

وفجأة  سمعت صوت مش معقول مفجأة
اخبي البلوه دي فين

وغدا حلقة جديدة

تحياتي نانامحمد

الجمعة، 26 يوليو 2019

الحلقة السابعة من قصة (سجين قلبها)

فجأة دخل علينا جوزها و معاه ابنهم
اخدت ابنها فحضنها وزاد بكاها
ولقيته بيقولي ايه اللي جابك هنا

قولتله جاي ازور بنت خالي وطمن عليها
قولت لأميرة تأمريني بحاجه اشوفك علي خير

خرجت وانا هاين عليا اضربه لانه كان سبب مرضها
وقفت بره مستني انه يخرج مطولش وخرج

وبعد كام يوم اميرة خرجت من المستشفي وروحت علي بيت خالي

روحت البلد
لقيتهم عاملين محزنه فكروني مت

قولتلهم كنت فمصر وحكيت لأمي كل اللي حصل
امي ردت قالتلي مينفعش اللي عملته دا
اميرة ست متجوزة كدا عيب

سمعت منها الكلام ومهتمتش بقيت اتصل علي خالي اخلي اختي ترد عشان اعرف اكلمها

وعرفت منها انه جوزها بيحاول يصالحها
وان خالي بيقول ان في ولد لسه صغير
ولازم يتربي بينهم

وبعد كدا عرفت من اختي انها رجعت بيتها

ماكدبش عليكم اكتئبت فتره
ولما خرجت من اللي كنت فيه لقيت امي وابويا خطبولي

وانا مجرد هوى لما اعترضت امي قالتلي
هتفضل كدا من غير جواز مينفعش ودي بنت كويسه واهلها ناس طيبين وعلي ادنا

وافقت وروحت شفتها بنت كويسه و خجوله وتجوزت في اوضه فبيت العيله

ويوم فرحي كان يوم ملوش ملامح

العروسه وقعت علي وشها واحنا دخلين الاستوديو والفستان اترفع بس الحمد لله لبسه كلسون
واول ما دخلنا الزفه النور قطع
والدنيا مطرت رغم اننا فالصيف
و اول مره اسمعها بتتكلم بالصوت والطريقه دي

لقيت دكر بيقول ايه الجرف دي يا ولااه
النور  يجتع و النطره تنطر اهي
شورا سودا لا ألاجي الميه جطعه

دا غضب من ربنا من اميرة الليدي الرقه والجمال
لـ دي  منك لله يامه

ودي هعيش معاها ازاي
ربنا يستر
دخلنا الاوضه ولقيتها خلعت الفستان ولبسه من تحت فلانه تقريبا بتاعة ابوها و كلسون
بقولها في حد يلبس كدا تحت فستان فرح

قالتلي اهي امل البس عالسح  اكده لازمن يكون فيه بطانه

احمدك يارب اتجوزت لحاف اهو ينفع فالشتا

وغدا حلقة جديدة

تحياتي نانا محمد

الخميس، 25 يوليو 2019

الحلقة السادسة من قصة ( سجين قلبها)

عرفت ان اميرة قلبها رجع يدق واتحطت عالاجهزه تاني وان اللي حصل دا معجزه من عند الله

امي جت وخالي وجوزها وناس كتير اداريت منهم عشان محدش يمنعني من اني افضل جمبها لحد مالطمن عليها

لما مشيوا دخلت اطمن عليها مسكت ايدها وانا بكلمها وبحكي موقف زمان واني غلط لما ضيعتها من ايدي

حصلت مفجاة اسعدتني حركت ايدها و حضنت ايدي اكتر كنت سعيد جدا
ببصلها لقيت دموع نزله من عنيها وهي مغمضه

مستحت دموعها وندهت التمريض عشان اقولها انها حركت ايدها و كانت بتبكي
بسرعة ندهت الدكتور جه وقال ان دا كويس وان شاءالله تتحسن كفايا اجهاد بنستأذنك تخرج

خرجت قعدت امام المستشفى لحد ما نمت وانا قاعد واول النهار ما طلع دخلت اتصل بالعنايه عشان اطمن
والحمد لله عرفت انها فتحت عنيها

كنت سعيد جدا

وجه وقت الزياره خرجت لحد ما هما يمشوا عشان ادخلها دخلت لقيت الممرضه بتقولي كنت فين انا بقول لبابها ان كان في حد هنا بيقعد جمها هو مابلغكوش انها فاقت وحركت ايده وفتحت عنيها سألني اسمه ايه قولتله معرفش وسألتني انت مين

قولتلها انا اللي اتولد فقلبي حبها قبل متولد
انا اللي حزني لمرضها مرضني وقتلني
ولقيت دموعي خانتني ونزلت

روحت لاميرتي لقتها فاقت بوست ايدها وسجدت لله شكر
قعدت جمبها وقولتلها مامتكلميش مش عايز اجهاد

لكن بصوت بطيء قالت عايزه اخرج اللي جوايا

سألتها ايه اللي حصلك مش عارف

قالتي انها اكتشفت خيانة جوزها فبيتها وعلي سريرها
وقعت من صدمتها ومش فكره اي حاجه

انا اللي وجعني ابني نفسي اشوفه
مش عارفه  لساني تقيل ليه بتكلم بالعافيه
ورجلي وايدي اليمين تقال

هدتها وقولتلها انتي احسن بكتير
ممكن تحمدي ربنا
ومش عايز كلام تاني
وانا جمبك ومش همشي من هنا الا وانتي خارجه

ابتسمت ودموعها علي خدها

فنفس اللحظة دخل علينا.........

وغدا حلقة جديدة

نانا محمد

الحلقة الخامسة من قصة ( سجين قلبها)

الكارثه
ان سمعنا ان اميرة تعبانه وفي المستشفي
امي كلمت خالي تطمن عليها
لقيت امي بكت وهي بتكلم خالي وقالته هجلها الصبح

سألت امي في ايه قالتلي ان خالي بيقول  ادعيلها اميرة بتموت عندها ساكته دماغيه وبنتي ضعيفه ومش مستحملاها

امي قالت هروح اطمن عليها فالفرنساوي

بكيت وحسيت ان قلبي هيقف من وجعي عليها ماستنتش للصبح وروحت المستشفي لكن للاسف محدش ردي يدخلني العنايه طلبت من الامن اطمن عليها بس اتصلوا بالعنايه وقولت اسمها قالوا الحاله مستقره

فضلت علي باب المستشفي لحد ما النهار طلع ودخلت تاني عشان يتصلوا اطمن عليها لكن قالوا تعبانه جدا و اتحطت علي التنفس الصناعي والزياره ممنوعه اليوم

فضلت ابكي واترجاهم  ادخل دقيقه وحده وخرج
وبعد ترجي دخلت

ويارتني ما دخلت اتوجعت حبيبتي وروحي في غيبوبه لا سمعاني ولا شيفاني ولا حساني
قعدت عالارض جمبها ومسكت ايدها وقولتلها انها لسه فقلبي ولا قبلها ولا بعدها هفضل على امل اني ربنا يجمعنا

اتمسكي بالدنيا عشاني وعشان عبدالله الصغير

وفجأة لقيت اجهزه بتعمل صوت جامد الدنيا اتقلبت والدكاتره والتمريض وطلعوني بره وانا خارج من الباب
سمعت واحد بيقول القلب وقف
حسيت ان انا اللي قلبي وقف وقعت من طولي ولما فوقت عرفت ان.....

وغدا حلقه جديدة

تحياتي نانا محمد

الثلاثاء، 23 يوليو 2019

الحلقة الرابعة من قصة (سجين قلبها)

ام العريس تعبت جدا ودخلت المستشفي وخالي اجل الفرح لاجل غير مسمي

مش قادر اوصفلكم اد ايه فرحت ان الفرح اتاجل و كان جوايا رغبه ان الجوازه تتلغي

كل حاجه وقفت فرش الشقه و الحاجات الاي مجتش و مراسم الفرح

وبعد اسبوع عرفت من ستي ان ام العريس حالتها بتسوء وستي بتقول ان ممكن الفرح يتأجل سنه لو جرلها حاجه

وفجأة لقيت خالي جه خد جدي وستي وسافر كان فعتقالدي ان الست ماتت

لكن بعد يومين ستي جت وقالت ان اميرة اتجوزت

أمي بتقول ازاي حصل
جدي رد ام العريس اول ما فاقت طلبت من جوزها انه يكتب الكتاب وان امنيتها انها تشوف ابنها وعروسته وتطمن عليه لان هو الولد الوحيد
وحصل بالفعل

وبعد ايام عرفنا ان الست ماتت

وبقت اميرة حلم ضايع لا أنا عارف انساها ولا عارف اعيش حياتي

كنت دايما بعرف اخبارها من ستي
انها عايشه برنسيسه ودي فعلا العيشه اللي تليق بيها

وبعد سنه جدي توفي مكنش فبالي اني اشفها

مع اني هي شريكة احلامي و اوقاتي وقت ما بكون لوحدي

لكن لمحتها وقت العزا لبسه اسود لكنها تلفت نظر اللي ماشي لانها جميله لكن اللي لفت نظري انها شايله بيبي ولكم الا تصدقوا ما اسمه
عبد الله مش على اسمي علي اسم ابو زوجها

ولاول مره اشوف جوزها شخص محترم وكويس

سلمت عليا وهي مشيه
ومن تاني وجعي وجرحي زاد وحشاني ومش قادر ابوصلها
ضيعتها و غصب عني ومقادر احكلها

وبعد كام يوم سمعت امي بتتكلم مع خالي فالتليفون عن حد وبتتدعيله

معلقتش لكن بعد اسبوع  عرفت الكارثه

وغدا حلقه جديدة

تحياتي نانا محمد

الاثنين، 22 يوليو 2019

الحلقة الثالثة من قصة ( سجين قلبها)

فكرت ان اقول لأمي واخطبها محنا يا فلاحين بنخطب ونتجوز بدري

وبالفعل قولت لأمي لكن كان رد امي
يوجع

امي. هو ان احنا فين وهي فين دي متربيه فالمدينه طبعها غيرنا احنا ناس فلاحين هترضي تعيش فقاعه في دارنا
لا خالك ولا مراته هيرضوا
ولا هي الكلام غير الطبيعه
وانا مش هفتح الموضوع مع ابوك
عشان لاخسر اخويا ولا وده
انسي الموضوع دا

وجعني كلام امي رغم انها علي حق
وعدت فتره وجت من تاني اميرة
ورغم انها وحشاني لكن بهرب من عنيها
لكن لقتها جايه بيتنا 🏡 ولان لسانها حلو مع الناس وبودها الكل بيحبها
اخواتي ومراتات اخواتي بيحبوها
ولما لقتني بهرب من الكلام معاها فهمت
لقتهل بتقول لأختي عايزه اتعلم اخبز
واعمل زيك وتدخل تقف معاهم وهما بيحلبو
وتقول عايزه اتعلم

حسيت انها بتحاول توصلي انها حبه عيشتنا
كل مره اشوفها قلبي يزداد حبه ليها
وحزن علي عدم قدرتي لقربي ليها

وعرفت من ستي انها بترفض ناس كتير  مع انهم ناس علي مستوي وهتعيش عيشه مرتاحه

فقريه مستنياني متعرفش اني متايد

وفي يوم جت وقالتلي اتقدم وانا هوافق وهخلي بابا يوافق

قولتلها مامعيش حاجه ولا حتي شغل ثابت
وهنقعد فبيت العيله اوضه زي باقي اخواتي
وخالي مش هيوافق

ردت تعرف منين رد بابا اتقدم علي الاقل تكون عملت اللي عليك بلاش السلبيه دي

سكت سبتني ومشيت وهس بتبكي

كان ردها عاللي حصل انها وفقت بعدها علي اول عريس جلها
لما عرفت انها اتخطبت
اتقهرت وعذابي مكان له مثيل
لكن ليه الووم عليها و هي جت تترجاني وانا اللي بعت حب عمري عشان خوفي من احراجي

بعد ايام قليله الفرح ورغم غني عريسها وطالبتها المجابه إلا انها مكسوره ومش فرحانه

يا وجعي ويا وحدتي
قتلت قلبي وبرغبتي
يا تري هقدر انسها وهي هتقدر تنساني
ولا هنعيش عمرنا نعاني

خالي نزل البلد  دعي الناس
وخد ستي وأمي عشان فرش الشقه والفرح
واحنا هنروح عافرح

يا ترى اروح ولا بلاش
مانا مش عارف هشوفها تاني امتي
عنيا اتملت دموع والحزن سكن قلبي
كان منايا تكوني ليا
لكن ما باليد حيله

وفجأه حصلت كارثه..........

وغدا حلقه جديدة.

تحياتي نانا محمد

الأحد، 21 يوليو 2019

الحلقة الثانية من قصة ( سجين قلبها)

فات كام شهر وانا فــ شوق وحيره
امتي هتيجي ولساني ينطق يا اميرة

وفي يوم قابلت خالي قلبي رقص مالفرحه وقولت مكتوبالي

وقفت اسلم واسأل علي اللي فقلبي وفي بالي
لقيته بيقولي محدش جه غيري وانا هسلم علي ستك وراجع تاني

يا وجع قلبي ياني

وبعد طول انتظار ايام وشهور طوال
اخيرا فرح اخويا واكيد هيجوا يهنوا امي و ابويا

ولتاني خالي ومراته جايين لوحدهم امي سألت فين اميرة
خالي رد قعده مع اخوتها عشان رجعين اليله

ياتري مبقتش تيجي ليه وامتي هشوفها وبدل السنه عدى اتنين
وانا قلبي عمره محس الحب اكتر من اليومين دول

العيد قرب وانا كلي امل مش عادي اني فــ يوم هلقيها قصادي

ويوم الوقفه لقيت خالي جاي من بعيد واميرة اتغيرت وجملها وطلتها عندي اجمل عيد

شكلها اتغير ولبسه حجاب ويصادف نقعد فبيتنا و وانا شارد فعيونها

امي قالت روح ودي اميرة البيت  عشان خالك راح لجدك عالغيط

وخرجت انا وحبيبتي  وانا فقلبي كلام كتير
لاول مره احس بالغيره لما لقيت الشباب بتعاكس اميرة  من جملها بفستانها  الطويل والكعب عالي وطرحه منوره وشها تقول بدر 🌕

بس غيرتي  جننتني وزعقت وقولتلها مدي
بصتلي وهي مبتسمه مالك مضايق ليه
لقتني ابتسمت وقربت من ايديها
حسيت برعشه وخوف فعنيها
بعدت تاني
و بعد ما وصلنا بيت خالي
دخلنا البيت ومرات خالي بتروق واميرة غيرت وبتعمل معاها

لقتني بساعد معاهم وانا كان كل همي اكون جمبها  ومن تاني لمحت شعرها

وبعد ما خلصنا رجعنا لبيت ستي
ودي ليلة العيد والكل قاعد سهران
وفجأه يجي ناس قريبنا و ابنهم
دخلين وفعنيهم فرحه

خرجت قعدت بره جت اميرة قعدت معايا وقالتلي اصل مش بلعه ابنهم

وبعد ما مشيوا خالي نده لأميرة وقالها  جالك عريس ابن طنط حياة

أميرة بكل عفويه يا سنه سوخه
انا لسه صغيرة و مخلصتش دراسه
ولا عشان مالبست طرحه شيفيني كبيره
اقلعها مالصبح

كل اللي كان قاعد ضحك من طريقة كلمها

لكن قلبي اتقهر خايف حد يخدها مني
بعد شويه جت اميرة قعدت تاني معايا
وفالوقت دا عيوني فيها الدموع
ولاول مره احس حبها

ولقتها بتقولي  هتفضل ساكت لحد ما حد يجي تاني
لمست ايدي وقالتلي ياريت ماتسكتش كتير لو كان ينفع كنت اتكلمت

وعلي اد فرحتي بحبها كان حزني اقرب من خوفي لبعدها

حبست نفسي في بيتنا ايام العيد وبعد ما كنت مستنيها لقتني مش قادر اواجه عنيها

خطرت فبالي فكرة مش عارف النتيجه ايه
ياتري تفكيري صح ولا تهور
الفكره هي ان.........

وغدا باقي الحكايه

تحياتي نانا محمد

الحلقة الأولى من قصة (سجين قلبها)

              الحكايه من البدايه

انا عبد الله  عندي ١٥  سنه
فلاح ابن فلاح واهلي ناس بسطاء
و ليا ٧ اخوات مابين بنين و بنات
بحب بنت خالي  اميرة
اللي عايشه في المدينه
لكن هي فين وانا فين
مع اني حاسس انها بتحبني

بستني كل اخر شهر  عشان المح عنيها
واقعد معاها قلبها طاهر وطيب
وابتسامتها ليا جنه
و جمالها بنظره منها اتهني
يمكن فعيون الناس مش جميله بقدر كافي
لكن فعيني اجمل ما شافت
ياتري حساني طب سمعه روحي وقلبي
مش قادر لساني يقولها

فضلت الليل افكر ازاي اقولها
وبعد تفكر كتسر لقتها
اول ما النهار طلع جريت عشان اقولها
لكن للاسف القدر سبقني ورحلها
البيت مقفول حبيبتي سافرت
ولسه هستني شهر علي ما تيجي تاني

اه لو بس القدر يخدني عندها
وبكل ما فيا اقولها
اني والله بحبها وفقلبي لا قبلها ولا بعدها

يا مهون الايام هون
خليني اشوف عنيها
ويزيد يوم فعمري بحكاويها
ياتري بتحبني او ممكن يجي يوم وتحبني
ياتري حسه وعمله مش حساني

يارب قدرلي حبها ولا غيري يكون في قلبها

وعدت ايام واهي جايه تجري علي بيت ستها لمحتني ضحك سنها
واهي جايه عليا بحسنها
يارب يا لساني تنطق بحبها

اميرة 👸 عبدالله عامل ايه مالك متنح ليه انت يا ابني ماله دا

عبدالله 👨انا كويس وفرحان اني شوفتك كنت مستنيكي عايز اقولك حاجه

اميرة 👸 ايه هي الحاجه ياعم قول ايه بلعت لسانك

عبدالله 👨 انا انا اصل مش عارف

اميره 👸 يادي النيله مش عارف تتكلم طب طلع لسانك كدا ودخله زغرط بئا مهو شغال اهو

عبدالله 👨 ابتسمت ولسه هقولها لقيت  القدر بيمسك لساني خالي جاي هياخد احلامي

اميرة ايه سكت ليه اهو بابا جه خليك مبلم كمل صمت

سبتني ومشيت وكانها عارفه
وعدي اليوم واحنا مع العيله ولا عارف ايه الحيله

وبكرة من بدري هتمشي وخالي بيقول هيغيب علي ما يجي في شغل كتير فأيده

ياتري هشوفها امتي وقلبي هيتحمل بعدها

وغدا حلقه جديده

السبت، 6 يوليو 2019

مفهوم خطأ

‏أكبر خطأ ارتكبته في حياتي ، هو اعتقادي أن الاشخاص سيمنحون لي نفس الحُب الذي منحتهم إياه
(هبله انا صح)
#nana