يا دنيا مالك معندانى
دايماً فـ الحزن فكرانى
و فى الفرح تعملى نسيانى
يا دنيا مالك بيا مـ كفايه جرح فيا
دايماً شيلالى الأسيه
دموعى جفت فعنيا
كفايا جرح وطعن فيا
يا دنيا كفايه جراح
نفسى فى يوم أرتاح
من صغرى و أنا دايبه فى حزنك
قوليلى يا دنيا
أمتى راح يجى فرحك
تعبت من ناس جرحونى
و زاد همى من ناس حبتهم لمونى
دورت كتير على بسمه تدارى حزنى مــ الناس
عمرى ما طمعت فى فرحه تسكن قلبى الحساس
أسهر ليلى أبكى على حالى
و من ظلم الناس بقيت أكتم أحزانى
حاولت كتير أسامح و أوهم قلبى انه ناسى
لكن دايماً فاكرينى بالجراح
عشقوا دموعى
و عيونى دبلت من كتر همى اللى كتماه فـ ضلوعى
خلاص يا دنيا هقفل بابك عليا
خلاص يا دنيا تعبت من كتر الأسيه
و بما أن دايماً مكتوب ليا الجراح
هكتب على قلبى
دنيـــا ممنــوع فيـها الأفـــراح
( ~ْ بقلـــ نانا محمد ـم ~ْ)

ليست هناك تعليقات:
إرسال تعليق