الأربعاء، 27 فبراير 2013

أيـــه خـلانى أحــب



أنا أيه خلانى أحب أنا مالى و مال الحب 
من أمتى كان الحب حقيقه
دا كل كلمه بتتقال فيه بتجرح كل دقيقه
غلطتى إنى صدقته و تهت و مشيت معاه
و غرقت فى بحر كدبه
كانت النتيجه إنى بنداس
كان كل همه ازاى يداوى جرحه
أهم حاجه إنى أشغل وقته

أنا أيه خلانى أحب أنا مالى و مال الحب

مشكلتى إنى صدقت الكدبه و ملك قلبى فثانيه
سبته يتحكم فيا و كتير داس عليا
خد كل حاجه منى عقلى و روحى و قلبى
برضايه مش غصب عنى
و هى دى غلطتى
أمنت له و حبيته و كان هو كل دنيتى
خلاص خلصت الحكايه و أبتدت دلوقتى النهايه
حب يشوف حياته و يختار مشواره و يكمل طريقه
بس ازاى يبعدنى فكر أنه يبعنى
او يتجاهل سؤالى عنه

لكن لسه متخلقش اللى يبيع و يشترى فيا
أصل أنا دمى حر و بنت عافيه
محدش يقدر يكسرنى
مهما كان حبه فقلبى
لكن ربى دايماً ناصرنى
بعرف اقرأ أحساس الناس
و عندى قدره إنى أحس بغدرهم
بس مش هما اللى هيبعدو و يكسروا قلبى
لأنى هبعد قبلهم و مش هدوس على قلبهم
لأنى عمرى ما كنت زيهم

♥ بقلـ نانا محمــد ــــم ♥

ليست هناك تعليقات:

إرسال تعليق