الثلاثاء، 27 نوفمبر 2012

بيسألونى ليه حزين

بيسألونى ليه دايماً شكلى حزين .
ليه الضحكه بينى و بينها سنين .
أقولكم أيه مقدرش أحكى قصة حياتى .
لكن هختصر لكم همى وزكرياتى .
لما فجأه طفله متلقيش الحضن الدافى .

لما أتحرم من أمى اللى هى كل حياتى .
وتيجى وحده تانيه يقولوا انها بدل أمى لكن الفرق كبير .
بين أم تحضن وتحن . و أم تشخط وتزل .
ولما كبرت وحبيت قولت خلاص الدنيا ضحكتلى .
وعوضتنى بقلب يضم جدت أمه تقولى أبعدى أنتى أتخلقتى للهم .
أتكسر قلبى وشوفت أيام تغم .
ملقتش حد جمبى لا أب . ولا أخت . ولا طبعا أم .
فكرت وقلت مش عارفه أحقق السعاده لنفسى .
طيب أجرب أنى أسعد غيرى .
وعشان أخرج من حياه كلها زل و هم .
أخترت حياه كلها أهانه . و زل . و غم .
بس كانت متزوقه بالزهور والورد .
عشت و أستحملت وفيت و أديت حنيه وحب وأخلاص .
لكن لقيت أهانه و غدر و عدم أخلاص .
كنت زوجه و صديقه و أم .و هو سبب التعاسه و الهم .
ولسه بستحمل عشان ولادى ما يعشوش من غير أم.
ويحسوا إحساسى ويشيلو الهم .
عرفتو ليه بئا شكلى حزين .
وليه الضحكه بينى وبينها سنين .
بس أكيد ربنا له حكمه فى أنى أشوف كل دا .
عشان كدا بقول الحمد لله على كل حال .
وعسى أن تكرهوا شيئاً و هو خيراً لكم .

*********************

ليست هناك تعليقات:

إرسال تعليق