الخميس، 5 ديسمبر 2019

الحلقة العاشرة من قصة (بيت الرضا)

الحلقة العاشرة من قصة (بيت الرضا)

احمد و رضا اتعشوا و روحوا البيت
لكن حماتها كانت مستنياها

وبتلومها وبتقول لها بدل ما ترجعي مع جوزك وتفكروا هتعملوا ايه تغضبي وتروحي لأبوكي

بكت رضا وقالتلها انا ما غضبتش انا كنت محتاجه حضن امي وابويا واديني جيت

وهو يا ماما حد ليه فـ نفسه حاجه دا بتاع ربنا

ترد حماتها يعني مش هشوف ولاد لأبني لا تروحوا لدكتور وعشره

طلعت رضا مجروحه اكتر ومفتحتش اي كلام مع احمد

دخلت اتوضت وصلت ودعت ربنا ان يهدي جوزها وحماتها
ودعت نفس دعاء أمها زمان

رَبِّيِ لا تَذَرْنِي فَرْدًا وَأَنتَ خَيْرُ الْوَارِثِينَ

وبدأت رضا حياه موجعه ما بين دكاتره و معاملة حماتها
والجفا اللي بئا في معاملة احمد

لجأت رضا لأبوها وحكت ليه فقال لها عندك استعداد تطلقي منه

رضا اتفزعت وقالت لا طبعا
قال لها يبقي مادام هو عايز يخلف
من حقه يتجوز دا حقه

بكت رضا وقالت لأبوها انت بتخيرني بين الاعدام والموت

رد ابوها على عيني يا بنتي بس لما تيجي منك يكون افضل لو عنده النيه هتعرفي
لو بيحبك وخايف علي شعورك هيرفض

ردت رضا قالتله انا مكملتش سنه فعلاج لكن حسه كنهم 10 سنين
كل شهر استني نتيجة التحليل وفكل مره اتوجع حتي دراستي مش مركزه فيها

عم عبده قالها جربي تقوليله ولو رد فعله انه رافض يبقي ملكيش دعوه بكلام حماتك وكأنك مش سمعاه
ردت رضا  صعب عليا اقوله كدا
قوله انت عشان هتوجع انا حاسه هتوجع

عم عبده قال لها اقعدي مع ماما وانا هتصل باحمد ونتقابل بره

وبالفعل اتصل بيه وقاله عايزه اتكلم معاك ضروري عم عبده استغرب انه ما سألش عن رضا

احمد قاله حاضر هاجي لحضرتك عالقهوه
عم عبده قاله يابني العلاج فالحالات دي بياخد سنين لو ربنا ارد يكون لك ولاد من رضا هيرزق

بص يابني انا اتكلمت مع رضا ولو عايز تتجوز تاني دا حقك وهي مش ممانعة مادام هتعدل بينهم

رد احمد قاله يعني هي موافقه
اصل بصراحه ماما كلمتني اتجوز وانا مش عارف اجبهالها ازاي

رغم وجع عم عبده علي بنته قالو دا شرع الله محدش يقدر يتكلم فيه طمن ولدتك وقول لها ان رضا هي اللي قالتلك اتجوز

عم عبده حس بأن أحمد مش فارق معاه رضا صعب عليه قلب بنته

قال لأحمد سيب رضا عندي يومين
لحسن حماتك تعبانه حبتين

احمد وافق وقاله الف سلامه خليها مفيش مشكله وكأن رضا حمل وخلص منه

رجع عم عبده البيت ورضا سألته قالك ايه
قالها كان رافض المبدأ بس انا زنيت عليه يفكر عشان نكون مخلصين ضميرنا قدام ربنا

دخلت رضا اوضتها وهي بتبكي وتقول ياترى ايه أللي جاي

دخل عم عبده وام رضا أوضتهم
قال لمراته واجعني قلبي علي رضا
ام رضا سألته عن رد احمد

قال لها متردتش قال امه كلمته فالموضوع ومش عارف يقول لرضا
وجعني ان مشفارق معاه وجع رضا

هيقول لمامته ويرد علينا
حسيت ان امه ممكن تجرح بنتي فقولتله يسبها يومين عشان انتي تعبانه

ردت ام رضا ربنا يهديلك حالك يا بنتي
قولتلك زمان الكلمه كلمة امه
عم عبده هنشوف هيرد يقول ايه

لكن كان رد ام احمد قاسي

غدا سنعرف رد ام أحمد

تحياتي. نانا محمد

الحلقة التاسعة من قصة (بيت الرضا)

الحلقه التاسعة من قصة (بيت الرضا)

رضا عندها عقم ومش هتخلف
طب في علاج في بس نسبة الاستجابه 10%
ممكن يجيب نتيجه وممكن لا

احمد خارج من عند الدكتور ساكت وكل همه هيقول لأمه ايه

مفكرش يواسي رضا وهي عماله تعيط ومنهاره اصل الإحساس صعب

رضا قالتله عايزه اروح عند بابا محتاجه حضنهم رد قال ماما منتظرنا كلمتني مرتين
انا اصلا مش عارف هقولها ايه

وكانت اول مره رضا تكلم جوزها بالطريقة دي صرخت رضا وقالت لو مش هتوصلني هروح لوحدي

وصلها احمد قالتله مش هتطلع قال لها لا انا هروح واسيبك يومين ترتاحي

وهبئا اقبلك فالجامعه اجبلك كشكول المحاضرات رضا ولا قالتله حاجه سبته  وطلعت

اول ما فتح باباها الباب اترمت فحضنه وفضلت تبكي بهستريا

عم عبده مالك في ايه مالك يأم رضا لحقي اتخضت علي رضا وجريت عليها مالك يا قلب امك
وهي بتبكي بحرقه

ظنوا انها متخانقه مع احمد

بعد ما هديت حكتلهم  اللي حصل وموقف احمد

عم عبده اتصل بأحمد علي الفور وطلب منه يجي

لكن احمد اتحجج بأن زينب تعبانه وهيوديها للدكتور قاله ماشي هستناك اي وقت

بعد ساعه جه احمد وكان مشحون قال لبابا بنتك زعقت معايا وغضبت وقالت وديني عند بابا

خرجت رضا من اوضها بمصحف وقالت احلف ان صوتي طلع بدون سبب
وانت وصلتني وقولتلك مش هتطلع قولت لا خليكي يومين وهقابلك بكره فالجامعه احلف لو كنت بكدب وانت صادق

احمد اتحرج قدام ابوها وتنرفز وقال لها عمري ما كنت اتخيل ان اخلقك كدا

رد عم عبده قاله كتر خيرك

خلاص يا رضا سبينا لوحدنا

عم عبده قاله بص يا ابني ربنا يعلم غلاوتك فقلبي بس عايز اقولك كلمتين
الست لما بتعرف  انها مش هتبقي ام كأنك ضربتها بسكينه فقلبها
كانت محتاجلك تواسيها وتسندها وطمنها وتقول لها نروح لدكتور تاني وتالت ونسمع من كذا واحد ولو العلاج الحل حتي لو بعد سنين انا معاكي
مش تقولها هقول لماما ايه هي ارتكبت جريمه دي حاجه بتاعة ربنا لا بيدك ولا بأيدها

وعايز اقولك حاجه ممكن تكون رضا حكتلك عليها
انا وام رضا قعدنا ١٣ سنه لحد ما ربنا كرمنا برضا
وبعدين فين الموده والحب

اقطنع احمد وتأسف لـ عم عبده
عم عبدع قاله لا الاعتذار دا لرضا ادخل رضيها ووسيها وانا وحماتك هنحضر عشا حلوا

دخل احمد وتاسف لـ رضا وبقلبها الطيب هديت ولأن نيتها دايما صافيه
متخيلتش اللي حماتها قالته واللي ناويه تعمله معاها

و نلتقي فالحلقه العاشره بعد نص ساعةمن الان

تحياتي نانا محمد