الثلاثاء، 14 فبراير 2017

الحلقة الرابعة من مسلسل (قلب ♥ رجل محطم)

امي دموعها علي خدها مش هتصدق
الله فيه ايه بس متقولي
الام : أية سمت أبنها حمادة
سكت وضربات قلبي بتجري مش عارف فرحان قلبي ولا حزين 😒

ياتري أيه السبب هل هو جبران خاطر ولا حب مداري
ولقيت نفسي برد حب ايه دي متجوزة و المفروض مفكرش كدا

  نزلت اشتريت هدية للبيبي عربية بيبي واغلي وحده و اشتريت ل أية سلسلة 🔗 وفيها حرف H

ورجعت البيت و دخلت لجدتي أوريها الحاجة وانا فرحان وأستأذنت جدتي ممكن ادخل ابارك ليها

جدتي : طبعا يا حبيبي هدخل اصحيها
اية اصحي حمادة جاي يباركلك

دخلت وانا مكسوف سلام عليكم ورحمة الله وبركاته

أية : وعليكم السلام ورحمة الله وبركاته

الف مبروك يا أية وربنا يباركلك فيه

أية : الله يبارك فيك

جدتي: طيب أقعد اعملك فنجان  موغات

قعدت وقدمت ليها الحاجه كانت فرحانه جدا ب السلسلة 

أية :ليه كلفت نفسك

لا تكلفة ولا حاجه كان جوايا فضول اعرف ليه سمت أبنها علي أسمي
لقتني بقولها ممكن أسألك سؤال

أية :عارفه انت عايز تقول ايه انا سميت أبني حمادة لسببين أولا لأن عرفت قيمة أنسان مكنتش اعرفه كويس رغم انه أبن عمي وعايشين في بيت 🏡 واحد
وثانيا عشان اتمنيت أن أبني يكون بأخلاقك وبأصرارك علي أنك تكون ناجح في حياتك

حمادة : دموعي خانتني وخرجت وقتها حسيت أنها حساني بدون كلام ويومها بات قلبي فرحان ولأول مره أشوفها فالمنام

كانت شيله أبنها وهي وقعه علي ركبها في الطين ومدا أيدها ✋
صحيت من نومي وانا مش فاهم معني الحلم

ومن يومها لقتني ببعد عن لؤاها أو عنيا تيجي ف عنيها
وكنت أعرف اخبرها من أمي وكل ما تزعل مع جوزها بيجرحني زعلها

وفضلت اهرب من لؤاها وانا  ساكن فقلبي هواها

ورغم إن بشوف فالجامعة بنات كتير إلا إن عمر قلبي ماعشق إلا عنيها
وبعد ٣ سنين جابت أية بنتين توأم كنت وقتها في سنة رابعة وأيام أمتحانات اخر العام
وفاضل سنه وأخلص وعشان كنت دايما انجح بتقدير جيد جداً كان منايا اجيب نفس التقدير

وكنت زي كل سنة أخلص أمتحان وأروح أشتغل مع جاري فالفندق

ولما رجعت عشان الجامعة ماخلصتش من كلام أمي و زنننننها عليا

الأم :يا أبني نفسي اشوفك عريس أنا مليش غيرك

وانا كنت ارد ريحي نفسك يا أمي مش هتجوز خالص دلوقتي

بصراحة ماكنتش عارف أحب غيرها
ولا كانت عيوني بتشوف أي بنت تانية

تفتكروا اللي أنا فيه دا صح  ولا لازم أعيش حياتي بدونها

وغدا حلقة جديدة
تحياتي. نانا محمد

الاثنين، 13 فبراير 2017

الحلقة الثالثة من مسلسل (قلب رجل محطم)

قررت أسافر قبل فرحها عشان ابعد
كلمت واحد جاري شغال في فندق بشرم الشيخ سافرت معاه وأشتغلت هناك شهرين
كان خيالها ساكن هوايا وعيونها فرشتي وغطايا
اما ضحكتها كانت هي منايا
يارب يسعدك يا بنت عمي

ومرت الايام ورجعت من سفري عشان الكلية
اجتهد واذاكر بكل جهدي لجل ما احقق الامنيه
ورغم كل اللي حصل عمر قلبي مفكر ينساكي  يا حبيبتي
وحبي ليكي كان دايما سبب هدفي
لكن كان قلبي بيتعصر لما اشوف جوزها يزعلها وتحكيلي امي عن وجعها
أية دي ورده 🌹  رقيقة محتاجه اللي يهتم بيها
كنت بهرب من لؤاها لجل ما يبان ضعفي ليها
لكن كنت استناها تطلع تود امي
عشان ألمح عيونها 👸  من ورا بابي
 
ولو قولتلكم اني كنت بحس كتمان دموعها من نبرة صوت كلمها تقولوا عني كداب

وفضلت اهرب من لؤاها لحد يوم ما ندهت جدتي علي أمي

تعالي معايا يا ام حمادة أيه بتولد
فضلت ادعلها وانا قلبي مالخوف عليها بيألمني ورجعت جدتي وأمي نزلت اجري عشان اقلبي يطمن
امي قالت الحمد لله ربنا كرمها بولد وبكرة هتيجي من المستشفى علي هنا عند  ستك
ولازم تنزل تبارك لها وتنسى اللي فات
مهما كان بنت عمك
سكت وانا عقلي حيران ياترى انزل ولا افضل بعيد والله خايف يبان شوقي ليها ولا عيوني تدمع واجرحها وفضلت افكر طول الليل 🌃

وطلع النهار وانا لسه بردو حيران

وفجأه اتملا البيت زغريت من جدتي نزلت امي تجري وهي بتزغرت
بصيت من عالسلم لقيت أية دخله عند جدتي
وقررت اني انزل بس لما جوزها يروح

لقيت امي طلعه تجري وتقولي مش هتصدق مش هتصدق؟ 
رديت قولتلها خير يا امي مالك وايه اللي مش هصدقه
وغدا حلقه جديده و شئ لا يتوقع

تحياتي. نانا محمد