الخميس، 27 أغسطس 2020

الحلقة الثانية من قصة ‏🌿🌹 ‎حيـاة تـوتــا ‏🌹🌿

مات ابو توتا وسابها وحيده  وضاعت كل أحلمها
ولأنه كان ابوها وصاحبها أثر فيها بعد موته

 ومرت توتا بأزمه نفسيه وسأت حالتها
لما بدأت تحس بتحكمات أخواتها

اتحبست توتا فالبيت أيام والليالي ممنوع الخروج ممنوع الشغل ممنوع النزول
 الا مع حد فيهم ولأن امها بتخاف عليها كانت بتوافق أخواتها فالرأي

و جه وقت كل سنه تسافر وقت الصيف لعيلتها في الاسماعيليه

لكن الزيارة المرة دي غير كل مرة

المرة دي جالها عريس قريبها من بعيد كانت أول مرة تشوفه

 عادل شاب وسيم واكبر منها بسنتين وشغال مع ابوه في التجارة

بس الغريب أنهم كانوا مستعجلين علي إتمام الجواز

توتا ملحقتش تعرف عادل  كويس وفي خلال أربع شهور كان الفرح
وفي  الاربع شهور كانت ملخومه في شراء مستلزمات الجواز
حتي لما كان بكلمها عالهاتف بيتكلم برومنسيه بس توتا مش حساه
قالت توتا لولدتها لكن كان ردها ان دا طبيعي عشان لسه مقربتش منه وأن هتحبه بعد الجواز

 فرحت توتا من قلبها وقالت اخيرا هعيش الحلم اللي حلمتة وهحب واتحب

وجه يوم الفرح وقربت  من جوزها وحكت له على كل حاجه وقالتله
 انت اول واحد يكلمني و يلمسني ويمسك ايدي
 نفسي افرح وأخرج واعوض إحساس الحب والحنان اللي كنت مفتقداه

رد عادل من اليوم مفيش غير حب ودلع لأحلي توتا
توتا كانت سعيده أنها هتعيش قصة حب مع حبيبها زى اللي كتبت عنه في أشعارها

لكن كان في شئ غريب توتا مش فهماه
 عادل دايما بيكلم نفسه وهو لوحده ولو دخل الحمام
تسمعه بيتكلم وكأنه بيرد علي حد

وبعد ما كان قريب منها بدأ يبعد وكأنه خايف يلمسها

وبعد شهرين جواز بدأ عادل يدخل أصحابه البيت
 يسهرو ويشربوا وتوتا كانت مضايقه جدا من الموضوع دا

 كلمته مرة واتنين لكن كان رده
 دي حياتي ومش هغيرها

توتا دموعها تسبقها وتقول مش معقول دا الحب والأمان اللي وعدني بيه

 وعدي شهر والتاني والحال مش بيتغير لحد ما قررت تاخد موقف

 مشيت من البيت ورجعت بيت ابوها وحكت لأمها عن كل شئ

 أسلام ومحمد قرروا يتدخلوا ويصلحوا الموقف

 عادل سمع الكلام وكان في أتم هدوء

 استغربت توتا انه مستسلم كدا ياترى في ايه
يمكن ربنا هداه

لكن كانت المفاجأه ان عادل........

وبكرة حلقه جديده

تحياتي 🌿نانا محمد 🌿

الأربعاء، 26 أغسطس 2020

الحلقة الاولي من قصة ‏🌿حياة ‏تـوتا🌿



توتا دا كان اسم فاطمة اللي بيندها بيه ابوها
فاطمة بنت علي ولادين إسلام ومحمد ولدتها مدرسة لغه عربيه والدها مدرس آول رياضيه

اتربت توتا في منطقه شعبيه ولأن ابوها كان بيخاف عليها جدا مكنش بخليها تخرج لوحدها

 الدلع والحب والطالبات المجابه كلها عشان توتا

توتا مكنش لها أصحاب دراسه غير بنت الجيران وطبعا لولا انها مؤدبه مكنش ابو توتا وافق علي أنها تقعد مع بنته

ومرت الأيام وكبرت توتا وبقت في ثانوى كانت جميله بروحها وجمالها وادبها

 ولأنها الدلوعه كانت حبيبة اخوها محمد اقصد الدكتور محمد طالب بكلية طب عين شمس

واسلام دا المشاغب المتمرد اللي يتحكم ويتأمر طالب كلية الهندسة 

توتا من صغرها وكان العرسان رايحين جاين عليها لكن كان أبوها ديما يقول بنتي لسه صغيرة

لكن كان السبب الرئيسي لرفضه أن لسه مجاش اللي يستاهل ست البنات

وتعدي الايام وتوتا بقت احلى بنت يتمناها اى شاب  وكل اللي يشوف جمالها يتبهر بيها ويوم ما تتكلم كأن كلامها غنوه تدوب فمعانيها

ولكن ابوها لسه عند إصراره لسه مجاش اللي يستاهل طيبة قلب توتا

 البنت اللي كل معرفتها بالعالم الخارجي من خلال ابوها وامها
ورغم ان مقفول عليها وبزياده كانت تهواى كتابة الشعر النثر ولما كانت تسفر مع أهلها ليلتها كانوا بيموتوا فخفة دمها

مرت أيام ودخلت توتا الجامعه و ابو توتا زي ما هو مش هيتغير يوديها ويجيبها
 ودايما كان يوصيها لعدم الاخطلات
 الأول توتا كانت بتسمع الكلام لأنها مبتحبش تزعل ابوها
وبعد فترة لقت ان تفكير وطريقة كلام اللي حواليها مختلف فبقت تخاف تختلط بيهم

اتخرج محمد من كلية طب وتجوز وكل اللي شاف توتا يوم الفرح كان بجملها يتجنن

توتا كانت تشوف البنات فالجامعة تحب وتتحب
تقول لنفسها نفسي احب نفسي اتحب

وترسم من خيالها حبيب تكتبله اشعارها 

وعدت الأيام وتوتا خلصت الجامعه
واتفقت مع باباها أنها تشتغل
 وبعد إلحاح من توتا رضي بس بشرط

 قالها هفضل اجيبك واوديكي عشان انتي بنتي حبيبتي اللي بخاف عليها بس بعد ما نرجع

ردت توتا نرجع منين
قال  ابوها من العمره

بكرة هروح انا وانتي وماما نخلص ورق عشان السفر
فرحت توتا
 لأن كان حلم من أحلامها تزور بيت الله الحرام  

توتا ردت بكل حب تسلملي يا بابا يا أحن اب فالدنيا

وبالفعل خلصت توتا الورق وسفرت مع ابوها وامها للأراضى المقدسة

وعدى اول اسبوع في مكه ومنها إلي المدينه وهناك اتغيرت حياة توتا واتبدل الحال..... 

 لكن يافرحة ما تمت 😥

وبكرة حلقة جديده تحياتي

🌿 نانا محمد 🌿