الخميس، 5 ديسمبر 2019

الحلقة التاسعة من قصة (بيت الرضا)

الحلقه التاسعة من قصة (بيت الرضا)

رضا عندها عقم ومش هتخلف
طب في علاج في بس نسبة الاستجابه 10%
ممكن يجيب نتيجه وممكن لا

احمد خارج من عند الدكتور ساكت وكل همه هيقول لأمه ايه

مفكرش يواسي رضا وهي عماله تعيط ومنهاره اصل الإحساس صعب

رضا قالتله عايزه اروح عند بابا محتاجه حضنهم رد قال ماما منتظرنا كلمتني مرتين
انا اصلا مش عارف هقولها ايه

وكانت اول مره رضا تكلم جوزها بالطريقة دي صرخت رضا وقالت لو مش هتوصلني هروح لوحدي

وصلها احمد قالتله مش هتطلع قال لها لا انا هروح واسيبك يومين ترتاحي

وهبئا اقبلك فالجامعه اجبلك كشكول المحاضرات رضا ولا قالتله حاجه سبته  وطلعت

اول ما فتح باباها الباب اترمت فحضنه وفضلت تبكي بهستريا

عم عبده مالك في ايه مالك يأم رضا لحقي اتخضت علي رضا وجريت عليها مالك يا قلب امك
وهي بتبكي بحرقه

ظنوا انها متخانقه مع احمد

بعد ما هديت حكتلهم  اللي حصل وموقف احمد

عم عبده اتصل بأحمد علي الفور وطلب منه يجي

لكن احمد اتحجج بأن زينب تعبانه وهيوديها للدكتور قاله ماشي هستناك اي وقت

بعد ساعه جه احمد وكان مشحون قال لبابا بنتك زعقت معايا وغضبت وقالت وديني عند بابا

خرجت رضا من اوضها بمصحف وقالت احلف ان صوتي طلع بدون سبب
وانت وصلتني وقولتلك مش هتطلع قولت لا خليكي يومين وهقابلك بكره فالجامعه احلف لو كنت بكدب وانت صادق

احمد اتحرج قدام ابوها وتنرفز وقال لها عمري ما كنت اتخيل ان اخلقك كدا

رد عم عبده قاله كتر خيرك

خلاص يا رضا سبينا لوحدنا

عم عبده قاله بص يا ابني ربنا يعلم غلاوتك فقلبي بس عايز اقولك كلمتين
الست لما بتعرف  انها مش هتبقي ام كأنك ضربتها بسكينه فقلبها
كانت محتاجلك تواسيها وتسندها وطمنها وتقول لها نروح لدكتور تاني وتالت ونسمع من كذا واحد ولو العلاج الحل حتي لو بعد سنين انا معاكي
مش تقولها هقول لماما ايه هي ارتكبت جريمه دي حاجه بتاعة ربنا لا بيدك ولا بأيدها

وعايز اقولك حاجه ممكن تكون رضا حكتلك عليها
انا وام رضا قعدنا ١٣ سنه لحد ما ربنا كرمنا برضا
وبعدين فين الموده والحب

اقطنع احمد وتأسف لـ عم عبده
عم عبدع قاله لا الاعتذار دا لرضا ادخل رضيها ووسيها وانا وحماتك هنحضر عشا حلوا

دخل احمد وتاسف لـ رضا وبقلبها الطيب هديت ولأن نيتها دايما صافيه
متخيلتش اللي حماتها قالته واللي ناويه تعمله معاها

و نلتقي فالحلقه العاشره بعد نص ساعةمن الان

تحياتي نانا محمد

الحلقة الثامنة من قصة (بيت الرضا)

الحلقة الثامنة من قصة (بيت الرضا)

رضا بدأت حياتها الزوجيه
ولأن احمد شاب هادي جدا ومتدين اصبحت حياتها  هادئه

كانت رضا سعيده ب احمد جدا وكانت تشكر ربنا في كل سجده علي كرمه ورضاه عليها

عم عبده و ام رضا كانوا في قمة السعادة لسعادة بنتهم
وكان كل يوم جمعه لازم زيارة لـ رضا بعد صلاة الجمعه ومعاهم خزين للبيت مما تشتهيه الانفس

ونفس الزياره لأم احمد
وفي يوم جه عريس ل زينب طلبت أم احمد بأن يأتي الحاج عبده ليكون مكان ابوها

رحب الحاج عبده وكان سعيد لزينب
خصوصا وان  خالد محترم و مهندس في احدى الدول العربيه
كانت أم احمد رافضه لأنه هيخدها ويسافر
لكن عم عبده حل المشكله
بأن زينب لسه قدمها سنتين دراسه وسنه امتياز ودي كلية طب

وافق خالد واهله
عم عبده قال وارجوا انكم تراعو ان الأم دي تعبت وكافحة عشان ولادها يوصلوا للهما فيه
ميجيش فأخر الزمن بنتها تسافر وتسبها
يعني مفيش مانع من انها تروح لجوزها اشهر الاجازه وترجع تقعد مع امها الوقت اللي جوزها مسافر فيه

وافقت الناس ورحبوا
وجه وقت الاتفاق ام العريس قالت احنا هنجيب شبكه دبله وخاتم ومحبس
وهيجهزوا غرفتين والمطبخ الخشب

اما غرفة الاطفال والباقي لوازم الشقه و المطبخ والاجهزه

اعترضت أم احمد بأن دي بنتها الوحيده ولازم يجلها شبكه كويسه

وليه اشيل كل دا اوضه و اجهزه ونجف وستاير وسجاد ولاوازم مطبخ ومراتب انا معنديش اقدره

اللي حيلتي المعاش
هو حد مديكوا فكره اننا اغنيا غنا فاحش

زعلوا الناس و مشيوا وعم عبده مقدرش يعمل حاجه اصل بصراحه كتير اوي

زعلت زينب واتكلمت مع رضا بأنها موافقه عالعريس دا

كلمت رضا عم عبده وشرحتله الوضع
اخد من زينب رقم تليفون البيت واتصل بـ خالد وراح لهم
وقعد مع اهل خالد وفهمهم ظروف ام احمد وعم عبده عشان يرضي الطرفين قال اوضة الاطفال عليا بكل لوزمها

بس انتوا تشيلوا اوضتين و النجف والسجاد وهي باذن الله الباقي
اما موضوع الشبكه فدي هديه من العريس يجيب قيمته
واخد خالد علي جمب و قاله انت هتجيب دهب بكام قاله ب 10 ألاف جنيه قاله ومني ٥ ألاف  بس دا بيني وبينك عشان ما نجرحش ام احمد ولا زينب

زينب بنت يتيمه وملهاش حد

وافقوا وتمت الخطوبه
والفرح فأجازة الترم  وعم عبده واقف مع احمد و والدته
اكرامأ لبنته وسعادتها

وفكل الزحمه دي ام رضا تسأل بنتها مفيش نونو جاي قريب قالتلها لا لسه ربنا ما أراد
قالتلها ربنا يكرمك بالذرية الصالحة
فسألتها عن حماتها عامله ايه معاها قالت ناقص تشلني من علي الارض ام رضا حمدت ربنا ودعتلها يحبب فيها خلقه

بدأت الدراسه وعم عبده بقى يبعت لرضا كل شهر مبلغ ٣ ألاف جنيه كل شهر عشان مصاريف الجامعه و لبسها
وطلب منها انها لا تقصر في دراستها

لكن بعد شهرين فرح زينب ورضا وزينب كل يوم ينزلوا يشتروا حاجات
و مطلوب من زينب ورضا ينجحوا و يفرشوا الشقه ويجهزوا للفرح لكن ازي

وخلصت الامتحانات وعم عبده وفا بالوعد مع زينب وامها
ويوم الفرح كل اللي يسلم علي رضا يسألها مفيش نونو فالسكه

رضت ام احمد ربنا يرزق

وخلص الفرح وزينب راحت بيتها ورضا استلمت تنضيف البيت فوق وتحت

وبعد مرور شهر زينب جت البيت لأن جوزها هيسافر
لكن في ليله تعبت زينب جدا ولكن الخبر خير
زينب حامل

ومن اليوم دا ابتدت المشاكل
ام احمد راحه جايه تلقيح

و قالت لأبنها روح بيها لدكتور شوف ايه سبب التأخير

وبالفعل راحوا لدكتور لكن كان الخبر صادم وكأن الايام بتعيد نفسها

وغدا حلقه جديدة موجعه مع رضا. 😥😥

تحياتي نانا محمد