الخميس، 5 ديسمبر 2019

الحلقة الثامنة من قصة (بيت الرضا)

الحلقة الثامنة من قصة (بيت الرضا)

رضا بدأت حياتها الزوجيه
ولأن احمد شاب هادي جدا ومتدين اصبحت حياتها  هادئه

كانت رضا سعيده ب احمد جدا وكانت تشكر ربنا في كل سجده علي كرمه ورضاه عليها

عم عبده و ام رضا كانوا في قمة السعادة لسعادة بنتهم
وكان كل يوم جمعه لازم زيارة لـ رضا بعد صلاة الجمعه ومعاهم خزين للبيت مما تشتهيه الانفس

ونفس الزياره لأم احمد
وفي يوم جه عريس ل زينب طلبت أم احمد بأن يأتي الحاج عبده ليكون مكان ابوها

رحب الحاج عبده وكان سعيد لزينب
خصوصا وان  خالد محترم و مهندس في احدى الدول العربيه
كانت أم احمد رافضه لأنه هيخدها ويسافر
لكن عم عبده حل المشكله
بأن زينب لسه قدمها سنتين دراسه وسنه امتياز ودي كلية طب

وافق خالد واهله
عم عبده قال وارجوا انكم تراعو ان الأم دي تعبت وكافحة عشان ولادها يوصلوا للهما فيه
ميجيش فأخر الزمن بنتها تسافر وتسبها
يعني مفيش مانع من انها تروح لجوزها اشهر الاجازه وترجع تقعد مع امها الوقت اللي جوزها مسافر فيه

وافقت الناس ورحبوا
وجه وقت الاتفاق ام العريس قالت احنا هنجيب شبكه دبله وخاتم ومحبس
وهيجهزوا غرفتين والمطبخ الخشب

اما غرفة الاطفال والباقي لوازم الشقه و المطبخ والاجهزه

اعترضت أم احمد بأن دي بنتها الوحيده ولازم يجلها شبكه كويسه

وليه اشيل كل دا اوضه و اجهزه ونجف وستاير وسجاد ولاوازم مطبخ ومراتب انا معنديش اقدره

اللي حيلتي المعاش
هو حد مديكوا فكره اننا اغنيا غنا فاحش

زعلوا الناس و مشيوا وعم عبده مقدرش يعمل حاجه اصل بصراحه كتير اوي

زعلت زينب واتكلمت مع رضا بأنها موافقه عالعريس دا

كلمت رضا عم عبده وشرحتله الوضع
اخد من زينب رقم تليفون البيت واتصل بـ خالد وراح لهم
وقعد مع اهل خالد وفهمهم ظروف ام احمد وعم عبده عشان يرضي الطرفين قال اوضة الاطفال عليا بكل لوزمها

بس انتوا تشيلوا اوضتين و النجف والسجاد وهي باذن الله الباقي
اما موضوع الشبكه فدي هديه من العريس يجيب قيمته
واخد خالد علي جمب و قاله انت هتجيب دهب بكام قاله ب 10 ألاف جنيه قاله ومني ٥ ألاف  بس دا بيني وبينك عشان ما نجرحش ام احمد ولا زينب

زينب بنت يتيمه وملهاش حد

وافقوا وتمت الخطوبه
والفرح فأجازة الترم  وعم عبده واقف مع احمد و والدته
اكرامأ لبنته وسعادتها

وفكل الزحمه دي ام رضا تسأل بنتها مفيش نونو جاي قريب قالتلها لا لسه ربنا ما أراد
قالتلها ربنا يكرمك بالذرية الصالحة
فسألتها عن حماتها عامله ايه معاها قالت ناقص تشلني من علي الارض ام رضا حمدت ربنا ودعتلها يحبب فيها خلقه

بدأت الدراسه وعم عبده بقى يبعت لرضا كل شهر مبلغ ٣ ألاف جنيه كل شهر عشان مصاريف الجامعه و لبسها
وطلب منها انها لا تقصر في دراستها

لكن بعد شهرين فرح زينب ورضا وزينب كل يوم ينزلوا يشتروا حاجات
و مطلوب من زينب ورضا ينجحوا و يفرشوا الشقه ويجهزوا للفرح لكن ازي

وخلصت الامتحانات وعم عبده وفا بالوعد مع زينب وامها
ويوم الفرح كل اللي يسلم علي رضا يسألها مفيش نونو فالسكه

رضت ام احمد ربنا يرزق

وخلص الفرح وزينب راحت بيتها ورضا استلمت تنضيف البيت فوق وتحت

وبعد مرور شهر زينب جت البيت لأن جوزها هيسافر
لكن في ليله تعبت زينب جدا ولكن الخبر خير
زينب حامل

ومن اليوم دا ابتدت المشاكل
ام احمد راحه جايه تلقيح

و قالت لأبنها روح بيها لدكتور شوف ايه سبب التأخير

وبالفعل راحوا لدكتور لكن كان الخبر صادم وكأن الايام بتعيد نفسها

وغدا حلقه جديدة موجعه مع رضا. 😥😥

تحياتي نانا محمد

الحلقة السابعة من قصة (بيت الرضا)

الحلقة السابعة من قصة (بيت الرضا)

جت زينب البيت بعد صلاة الجمعه
وقالت ل رضا ان اخوها معجب بيها وعايز يتقدم لها

اول رد الرضا قالته بصي انا رافضه فكرة الارتباط
الا لما اخلص وانا لسه ف أولى يعني لسه اربع سنين

ولا أنا عندي وقت اضيعه في خطوبه ومشاكل
ولا عندي استعداد لجواز

ردت زينب طيب ممكن ناخد رأي مامتك وتخدي وقت فالتفكير بلاش الرفض بدون تفكير 💭
رضا قالت عايزه تقولي لماما قوللها
بس دي حياتي

ندهت علي ماما وقولتلها زينب عايزه تقولك علي حاجه وسبتهم ودخلت اعمل عصير

زينب قالت لماما ان اخواها عايز يتقدملي وانه معيد بالجامعة
ماما قالتلها هتقول لبابا وهنرد عليكي

وبعد ما مشيت زينب
ماما قالت لبابا
بابا نده عليا وسألني عنه

لكن رديت من غير ما تسأل
انا كنت اتفقت معاك اني مش هفكر فالموضوع دا لا لما اخلص

قالها واتفقنا اننا مانظلمش حد لازم نستخير ربنا
صلي وبعد 3 ايام نتكلم

وبعد 3 ايام سأل رضا تاني عن رأيها قالت هو في حاجه ملغبطاني ومش عارفه ان كنت مرتاحه ولا تعبانه

انا حلمت اني وقفه علي طريق انا و دكتور احمد وهو خد بأيدي ومشينا سوا فأول الطريق كان منور وبعد كدا حل الظلام وما شفت شئ

قال لها ابوها صلي تاني وهسألك اخر الاسبوع
بس مش شرط تشوفي حلم ممكن تكون  تساهيل والدنيا تمشي علي ما يرام لو من نصيبك

العجيب ان رضا اللي كانت رافضه الجواز فجأة غيرت رأيها
وقالت انا موفقه بس شرط اكمل تعليم
رد ابوها ودا اساس طبعا
علي البركه يا حجه اتصلوا بـ زينب خليهم يشرفوفنا

قاعدة تعارف ماشي اكدي علي كلمة تعارف

وبالفعل ام رضا كلمت زينب وهيجوا بكرة قعدة تعارف

احمد شاب خلوق وهادي جدا ولايترك فرض و بار بأمه والده متوفي من سنين طويله

متفوق وهو دكتور جراحه وله عيادة خاصه و عامل يوم لكشف مجاني لغير القادرين

ودي حاجه عجبت بابا جدا
و لاحظة امي ان ولدته صاحبة القرار في كل شئ
ودا كان عادي بالنسبه لظروفها

لأنها تحملت مسؤولية اولادها بعد وفاة زوجها

ام احمد قالت انا اشتريت لأ بني شقه فالدور اللي فوق مني لأن بعد مازينب تتجوز مش هلاقي حد ياخد بحسي غير ابني ومراته

والشقه كبيره و متشطبه وعلي اخر دهانات واحنا تحت امركم في اللي تطلبوه بس فحدود المعقول

لأن الفلوس دي ورثي من ابويا ونصيبهم من ميراث ابوهم جبت شقه لأبني و هجهز ابني و جهاز زينب وكدا الحمد لله مش طلبه حاجه من الدنيا غير أشوفهم سعدا

رد عم عبده انتي ام عظيمه تستحقي التكريم ويا ستي التقيل عليا انا

ومن جة الشبكه يكفي دبله وخاتم بنتي عندها دهب كتير مالبستوش

ورضا دي الحيله يعني اللي تطلبه هجبهولها بالنيابه عن احمد
ومتشليش هم

فرحت ام العريس وقالت ربنا يجعلك عوض ليه عن أبوه وانت اعتبره ابنك اللي ربنا عوضك بيه

اتفقوا علي ميعاد الخطوبه

لكن بعد ما مشيوا قالت ام رضا امه قويه وهي الامر الناهي الواد غلبان ودا مخوفني على بنتي

رد ابي يكفي انها تحملت عاتق تربيتهم بمفردها وهما اطفال وما شاء الله احسنت التربيه  فيهم
وأصبح لديها طبيبان الدكتور احمد و زينب ستصبح هكذا

بلاش تظني سوء الناس كويسين ومحترمين

وبالفعل تمت الخطوبه فالبيت وطلب عم عبده الشرط الاساس ان رضا تكمل تعليمها ودا وعد منك لي
وانا متكفل بمصاريف تعليمها كأنها لسه فبيتي انا عارف ان مصاريف الجامعه كتير وانت كفايا عليك مصاريف البيت

فرح الدكتور احمد و سجد امام عم عبده والحاضرين

حامد الله على رزقه بعائله مثلهم

وأبتدي الترم التاني وكانوا اجمل عروسين

وبالفعل قامت ام احمد بالاتفاق علي حجرة النوم و صالون

عم عبده تكفل بباقي العفش  وتم تحديد الفرح فاجازة الصيف

ورضا بدأت تتعلق ب الدكتور احمد
هو شخصيه هاديه و علي خلق

وفاتت الايام وخلصت الامتحانات
وكان  كتب الكتاب في مشيخة الازهر وكانت رضا تمتلك الجمال الهادي بدون اي ميكب التي لم تعتاد عليه حتى يوم فرحها والكل كان مبهور بجمالها الهادي
وكانت اسماء من اكثر الناس فرحة لصديقتها
و بدأت رضا حياتها الزوجيه

وماذا سينتظرها في تلك الحياه

هل سترضي ام لا.....

غدا سنعرف في الحلقه القادمه

تحياتي. نانا محمد