الأحد، 1 ديسمبر 2019

الحلقة السادسة من قصة (بيت الرضا)

الحلقة السادسه من قصة (بيت الرضا)

عم كامل قال ل عبده ان ابنه شاف رضا فالجامعه وانها رحبت بيه جدا
ووقفت تهزر وتفقوا  يتقابلوا هنا كل يوم بس جوا كافتيرة الجامعه

عم عبده قاله ومين قالك كل دا
عم كامل قاله ابني محمد قاله يازين ما ربيت

لكن عم كامل مفهمش الكلمه

المهم عم كامل قال لعبده ان هو زعلان منه
لأن رضا مرحبه بيه جدا

وان اللي رفض انت

رد عم عبده قاله الاول كنت مرحب جدا لكن رضا اللي رافضه الارتباط

لكن دلوقتي وبعد اللي قولته مش موافق ورافض رفض تام ولو بنتي قالت انها موفقه انا اللي رافض

طبعآ مفهمتش كلامي

رد عم كامل مش فهم تقصد ايه

عبده هات ابنك وقوله انك حكيتلي اللي قالهولك وقوله عمك عبده قال يازين ما ربيت وهو اللي هيفهمك سلام عليكم

عم عبده نده لرضا وقال لها لو محمد ابن عمك كام وقفك تاني قوليله انه مايصلحش يكون اب لأولادك

رضا ردت مش فهمه
قال لها قوليله كدا وهو هيفهم

بصي يا بنتي يمكن دي اول مره هتسمعي مني الكلام دا

يوم ما يتقدملك انسان لا ترفضي ولا توفقي الا ما تصلي صلات استخاره
و بعد 3 ايام من صلاتك هيبتدي يتكون عندك رغبة القبول او الرفض

لأنك وكلتي ربنا فأمرك و استخرتيه
يعني خدتي رأى ربنا اللي دبر أمرك واختيار ربنا هو الصالح

اكيد حتي او كان ضد رغبتك اكيد اختيار ربنا الصالح

تاني حاجه
تكتبي فورقه مميزات الشخص دا وعيوبه واكيد ربنا هينور بصيرتك

ربنا يكتبلك ابن الحلال اللي يصونك ويكون اب صالح وابن بار وزوج يعرف ربنا

رضا ردت تمام يا بابا فهمت كلامك
لكن مافهمتش السبب

ام رضا ردت بصي يا بنتي اوعي تربطي حياتك بحياة إنسان كداب
لأن حياتك هتبقي عباره عن كدبه
لا هيكون صادق فحبه ليكي ولا صادق فحياته معاكي وأولادك هيخدو منه طبعه

ربنا يوعدك بابن الحلال اللي يستاهلك

ردت رضا في حاجه مش فهماها

انتو عارفين ان رافضه الأرتباط خالص دلوقتي وعارفين طبعي فاكيد ربنا هيكرمني بزوج يستحق تربيتكم وكفايا دراما عشان انا هعيط

وعدت الايام وفي يوم وانا قاعدة مع اسماء جت بنت من سنه تانيه تقعد معانا لبسه حجاب وشكلها محترم

قالت ممكن اقعد معاكم انا في تانية ولكن مليش اصدقاء زي مانتو شايفين البنات ربنا يهديهم انا اسمي زينب اخت المعيد احمد عادل
ردت اسماء اه معيد في مجموعة (أ) عندنا

ومن وقتها بقت صديقتنا الثلاثة
وبعد امتحان الترم كلمتني  زينب عالهاتف وطلبت انها تجيلي لأنها عيزاني فموضوع هام مش هينفع فالتليفون

طبعا رحبت وقولتلها اهلا بيكي فاي وقت اهو كمان اتصل باسماء ونقعد اليوم دا سوا

زينب لا بلاش اسماء عيزاكي لوحدك

رضا مفهمتش حاجه وقالتلها حاضر هنتظرك يوم الجمعة

رضا بعد ما قفلت الهاتف

قالت ياترى عيزاني فأيه؟

وغدا حلقه جديدة

تحياتي. نانا محمد

الحلقة الخامسة من قصة (بيت الرضا)

الحلقة الخامسة من قصة ( بيت الرضا)

رضا كانت طايره وقلبها بيرقص
بس مش عشان الدكتور
لا دا عشان حققت امنيتها وعملت العمره

وبعد رجوعهم مصر
قام صديق عمره عم كامل ابو الدكتور بزيارة مفاجأة هو والمدام ومحمد

وطلبوا ايد رضا
طبعآ عم عبده رحب من نحيته لكن لازم يسأل صاحبة الشأن

وبعد ما مشيوا دخلت امها تقولها

رفضت رضا المبدأ وقالت انا لسه قدامي مشوار كبير ومش هسمح لإنسان يعطل حياتي

فرح ابوها بردها رغم انه شايف ان الناس محترمين وابنهم متدين ومحترم

إلا ان قال رأيك اهم دي حياتك وانتي اللي لازم تختاريها

اتصل ابو رضا علي عم كامل وقال له كل شئ نصيب

زعل عم كامل وقال هو ابني مش عاجبها
قال ابو رضا لا والله

بس رضا رافضه الارتباط الا لما تخلص تعليم

وارجوا ان اللي حصل ميزعلكش مني الجواز قسمه و نصيب

رد عم كامل لا ابدا ومين يعلم النصيب فين

وعدت الاجازه ودخلت رضا كلية طب
و اول يوم دراسه

تفاجأت رضا بأنفتاح البنات الزائد
ولبسهم وشكلهم و طريقة كلامهم
وبين كل دا كانت بتدور علي الصديقة التي لها نفس الهدوء وعدم اخطلاتها

ووجدت رضا بنت متدينه لابسه الجلباب والحجاب وجالسه بمفردها

علي الفور جلست بجانبها وتعرفت عليها
السلام عليكم انا رضا عبده

وعليكم السلام ورحمة الله وبركاته
وانا أسماء محمد
اهلا بيكي ومن وقتها اصبحوا أصدقاء

وفـ اخر محاضره الدكتور محمد كان بيدور عليها

أتفاجأت رضا انه محمد وقفها وبيسلم عليها
اضايقت وقالتله اسفه مش بسلم
بالايد
ومينفعش حضرتك توقفني كدا انا انسانه محترمه ودا امر يخلي اصحابي يخدو فكره وحشه عني
بعد ازنك

ومشيت رضا بعد ما كسفت محمد

روحت رضا البيت وحكت لابوها وامها

علي شكل البنات كأنهم رايحين حنة بنت الجيران

ولا الشباب مفكرين الجامعه سوق الجواري

ضحك ابوها وقال لها المهم تخلي بالك من نفسك ومن تعليمك وملناش دعوه بالناس دي

رضا قالت اكيد
اه نسيت اقولكم محمد ابن عم كامل وقفني النهارده فالجامعه

ابوها قال وبعدين
رضا قالتله متخفش اديته درس
مش هينساه ضحك ابوها واخدها فحضنه وقال لها ربنا يحفظك
رضا ردت يااااارب متخفش يا حج عبده بنتك راجل

لكن امها رأيها غير كدا
قالتلها كسفتيه يا بنتي هو قاصد خير

ردت رضا يا امي خير ازاي وقفته دي غلط

المهم يا حجه انا جعانه هتأكليني ايه

اه نسيت اهم حاجه اتعرفت علي بنت عسوله ومأدبه اسمها اسماء
محترمه جدا يا ماما بس يا قلبي ابوها ميت وامها بتشتغل عشان تصرف عليهم لها اختين كمان

اه يا ماما لو هتشتري اي هدوم بيتي او اطقم سرير اكلمها نشتري منهم

وبعد ما دخلت رضا أوضتها
رن هاتف المنزل رد ابو رضا سلام عليكم

وعليكم السلام ورحمة الله وبركاته معاك كامل يا عبده

اهلا يا حج كامل

ولكن عم كامل قال كلام زعله

غدآ نعرف ايه اللي قاله

& نانا محمد &