الأحد، 1 ديسمبر 2019

الحلقة الخامسة من قصة (بيت الرضا)

الحلقة الخامسة من قصة ( بيت الرضا)

رضا كانت طايره وقلبها بيرقص
بس مش عشان الدكتور
لا دا عشان حققت امنيتها وعملت العمره

وبعد رجوعهم مصر
قام صديق عمره عم كامل ابو الدكتور بزيارة مفاجأة هو والمدام ومحمد

وطلبوا ايد رضا
طبعآ عم عبده رحب من نحيته لكن لازم يسأل صاحبة الشأن

وبعد ما مشيوا دخلت امها تقولها

رفضت رضا المبدأ وقالت انا لسه قدامي مشوار كبير ومش هسمح لإنسان يعطل حياتي

فرح ابوها بردها رغم انه شايف ان الناس محترمين وابنهم متدين ومحترم

إلا ان قال رأيك اهم دي حياتك وانتي اللي لازم تختاريها

اتصل ابو رضا علي عم كامل وقال له كل شئ نصيب

زعل عم كامل وقال هو ابني مش عاجبها
قال ابو رضا لا والله

بس رضا رافضه الارتباط الا لما تخلص تعليم

وارجوا ان اللي حصل ميزعلكش مني الجواز قسمه و نصيب

رد عم كامل لا ابدا ومين يعلم النصيب فين

وعدت الاجازه ودخلت رضا كلية طب
و اول يوم دراسه

تفاجأت رضا بأنفتاح البنات الزائد
ولبسهم وشكلهم و طريقة كلامهم
وبين كل دا كانت بتدور علي الصديقة التي لها نفس الهدوء وعدم اخطلاتها

ووجدت رضا بنت متدينه لابسه الجلباب والحجاب وجالسه بمفردها

علي الفور جلست بجانبها وتعرفت عليها
السلام عليكم انا رضا عبده

وعليكم السلام ورحمة الله وبركاته
وانا أسماء محمد
اهلا بيكي ومن وقتها اصبحوا أصدقاء

وفـ اخر محاضره الدكتور محمد كان بيدور عليها

أتفاجأت رضا انه محمد وقفها وبيسلم عليها
اضايقت وقالتله اسفه مش بسلم
بالايد
ومينفعش حضرتك توقفني كدا انا انسانه محترمه ودا امر يخلي اصحابي يخدو فكره وحشه عني
بعد ازنك

ومشيت رضا بعد ما كسفت محمد

روحت رضا البيت وحكت لابوها وامها

علي شكل البنات كأنهم رايحين حنة بنت الجيران

ولا الشباب مفكرين الجامعه سوق الجواري

ضحك ابوها وقال لها المهم تخلي بالك من نفسك ومن تعليمك وملناش دعوه بالناس دي

رضا قالت اكيد
اه نسيت اقولكم محمد ابن عم كامل وقفني النهارده فالجامعه

ابوها قال وبعدين
رضا قالتله متخفش اديته درس
مش هينساه ضحك ابوها واخدها فحضنه وقال لها ربنا يحفظك
رضا ردت يااااارب متخفش يا حج عبده بنتك راجل

لكن امها رأيها غير كدا
قالتلها كسفتيه يا بنتي هو قاصد خير

ردت رضا يا امي خير ازاي وقفته دي غلط

المهم يا حجه انا جعانه هتأكليني ايه

اه نسيت اهم حاجه اتعرفت علي بنت عسوله ومأدبه اسمها اسماء
محترمه جدا يا ماما بس يا قلبي ابوها ميت وامها بتشتغل عشان تصرف عليهم لها اختين كمان

اه يا ماما لو هتشتري اي هدوم بيتي او اطقم سرير اكلمها نشتري منهم

وبعد ما دخلت رضا أوضتها
رن هاتف المنزل رد ابو رضا سلام عليكم

وعليكم السلام ورحمة الله وبركاته معاك كامل يا عبده

اهلا يا حج كامل

ولكن عم كامل قال كلام زعله

غدآ نعرف ايه اللي قاله

& نانا محمد &

الحلقة الرابعة من قصة (بيت الرضا)

الحلقة الرابعة من قصة (بيت الرضا)

يا تري ايه المكافأة

جه وقت الامتحانات ورضا ما بين دروس و مذاكرة و العباده اساس حياتها
ودعائها المفضل اللهم استرني فوق الارض وتحت الارض ويوم العرض عليك

وفي كل سجده يارب اقف جمبي
اللهم لا سهل إلا ما جعلته سهلا

وربنا عوض صبرها خير وجعل تعبها بفايده

وجه يوم النتيجه رضا من التوتر ما رضيت تروح تشوف النتيجة راح بباها  ونجحت رضا وبمجموع يشرف
ماشاء الله
راجع ابوها وهو طاير من الفرحه والدنيا مش سيعاه

دخل البيت يا رضا يا رضا يا حاجه جريوا عليه ايه النتيجه ايه

بص لرضا وباس راسها وقالها طول عمرك رفع راسي 99% يا قلب ابوكي

قال الاب  حان وقت سد الدين

ردت رضا وفين المكافأة

الاب مانتي ما قولتيش ايه هي

ردت رضا عمره نفسي اروح عمره ابتسم ابوها وامها
وقال الله يرضي عليكي
وردت امها ربنا يثبتك دايما بحس برضا ربنا فيكي

رد ابوها موافق بس بشرط تيجي معايا انا وماما

رضا. هنروح فين

الاب المكان اللي كان سبب اسعادنا زمان قبل ما تيجي الدنيا وبقي جزء من حياتنا لما ربنا كرمنا بيكي

البسي وهتعرفي لما نوصل

لبست رضا ونزلت ما ابوها وامها
ولقت نفسها امام دار ايتام

الجميل اللي شافته رضا ان  الاطفال اول ما شافوا ابوها وامها جريوا عليهم كان ابوها جايب لعب وهدايا للاطفال

رضا فرحت اوي باليوم دا
وقالت لابوها اد ايه  فرحة الاطفال بيكم فرحني

رد ابوها قال لها اليتيم بستنى ان حد يجي يلعب معاه ويحسسه انه عايش ويجبله لعبه او لبس حتي لو َكان بسيط بالنسبالك بالنسبة ليه حاجه كبيره

زمان انا وامك احنا اللي كنا محتاجين ابتسامتهم  اللي كانت بتحسسنا اننا عايشين

فرحت رضا وقالت مش هنسي اليوم دا ولازم كل ما تيجيوا اجي معاكم

وبدا عبده في اجرأت الورق للعمره
وبالفعل خلص الورق وحجز  وكلها أيام وتروح الاسره كلها لبيت النبي

نزلت امها تشتريلها لبس الإحرام
وكانت رضا قمر فالعبايه البيضاء

ووصلوا الاراضي المقدسه

وهما هناك عم عبده شاف صاحب  له من ايام الجامعه
راجل محترم ومتدين وزوجته قمه فالاحترام وابنهم  محمد طالب فالسنه الثالثة كلية طب

رد عم عبده باذن الله رضا هتدخل السنادي

ومحمد انتبه لجمال رضا وهدوئها

اما رضا ولا هي هنا رضا مع الله وروعة بيت الله

ياتري بتفكر فأية يا دكتور المستقبل؟.

وغدا حلقة جديدة

تحياتي. نانا محمد