الأحد، 1 ديسمبر 2019

الحلقة الرابعة من قصة (بيت الرضا)

الحلقة الرابعة من قصة (بيت الرضا)

يا تري ايه المكافأة

جه وقت الامتحانات ورضا ما بين دروس و مذاكرة و العباده اساس حياتها
ودعائها المفضل اللهم استرني فوق الارض وتحت الارض ويوم العرض عليك

وفي كل سجده يارب اقف جمبي
اللهم لا سهل إلا ما جعلته سهلا

وربنا عوض صبرها خير وجعل تعبها بفايده

وجه يوم النتيجه رضا من التوتر ما رضيت تروح تشوف النتيجة راح بباها  ونجحت رضا وبمجموع يشرف
ماشاء الله
راجع ابوها وهو طاير من الفرحه والدنيا مش سيعاه

دخل البيت يا رضا يا رضا يا حاجه جريوا عليه ايه النتيجه ايه

بص لرضا وباس راسها وقالها طول عمرك رفع راسي 99% يا قلب ابوكي

قال الاب  حان وقت سد الدين

ردت رضا وفين المكافأة

الاب مانتي ما قولتيش ايه هي

ردت رضا عمره نفسي اروح عمره ابتسم ابوها وامها
وقال الله يرضي عليكي
وردت امها ربنا يثبتك دايما بحس برضا ربنا فيكي

رد ابوها موافق بس بشرط تيجي معايا انا وماما

رضا. هنروح فين

الاب المكان اللي كان سبب اسعادنا زمان قبل ما تيجي الدنيا وبقي جزء من حياتنا لما ربنا كرمنا بيكي

البسي وهتعرفي لما نوصل

لبست رضا ونزلت ما ابوها وامها
ولقت نفسها امام دار ايتام

الجميل اللي شافته رضا ان  الاطفال اول ما شافوا ابوها وامها جريوا عليهم كان ابوها جايب لعب وهدايا للاطفال

رضا فرحت اوي باليوم دا
وقالت لابوها اد ايه  فرحة الاطفال بيكم فرحني

رد ابوها قال لها اليتيم بستنى ان حد يجي يلعب معاه ويحسسه انه عايش ويجبله لعبه او لبس حتي لو َكان بسيط بالنسبالك بالنسبة ليه حاجه كبيره

زمان انا وامك احنا اللي كنا محتاجين ابتسامتهم  اللي كانت بتحسسنا اننا عايشين

فرحت رضا وقالت مش هنسي اليوم دا ولازم كل ما تيجيوا اجي معاكم

وبدا عبده في اجرأت الورق للعمره
وبالفعل خلص الورق وحجز  وكلها أيام وتروح الاسره كلها لبيت النبي

نزلت امها تشتريلها لبس الإحرام
وكانت رضا قمر فالعبايه البيضاء

ووصلوا الاراضي المقدسه

وهما هناك عم عبده شاف صاحب  له من ايام الجامعه
راجل محترم ومتدين وزوجته قمه فالاحترام وابنهم  محمد طالب فالسنه الثالثة كلية طب

رد عم عبده باذن الله رضا هتدخل السنادي

ومحمد انتبه لجمال رضا وهدوئها

اما رضا ولا هي هنا رضا مع الله وروعة بيت الله

ياتري بتفكر فأية يا دكتور المستقبل؟.

وغدا حلقة جديدة

تحياتي. نانا محمد

الأربعاء، 27 نوفمبر 2019

الحلقة الثالثة من قصة بـيـت الرضا

الحلقة الثالثة من قصة (بيت الرضا)

قررت اني اكتب لرضا
ولسه ماخلص كلام  الا إن  زوجته قالت
لا هذا حد الله وكدا حرام

انت هتشيل ذنب تتحاسب عليه وتشيلهولنا معاك

قال عبده دا اللي تعرفيه عني  ولا دا طبعي
انا عمري ما غضبت ربنا

قالت زوجته امال هتكتب ايه
قال هكتب لكم حقكم الشرعي
ليكي التمن و لرضا  النصف

ولاخواتي الباقي لان هما طماعيين
وهيكلوا حقكم

قالت وتفتكر هيوفقوا
قال لها  كفايا عليهم حقي اللي اخدوه

وبالفعل عمل ل رضا واديعه بنص فلوسه والتمن لزوجته
وكتب وصيه بحقهم في شقته وشقة امه

وقال محدش يعرف حاجه الا لما اموت

وكبرت رضا وراحه المدرسه
وكانت عسل بلبس المدرسه
ولأنها لمضه كانت محبوبه من كل الناس
وتمر الأيام وتعدي والحلوه الشقيه بتكبر يوم بعد يوم

ولأنها الحيله أمها بتشيل حاجات لـ جهازها

رضا كانت كل حياة ابوها وأمها
ولأنهم مؤمنين  وراضين بقضاء الله ربنا كارمهم

ورضا بقت عروسه فأعدادي

يجي عمها سامي يقول لأبنه شاغلها خليها تحبك عشان تجوزها ويبقي كل دا ليك بدل ما كل الخير دا يروح لحد غيرنا

لكن طريقة مرات عمها وحقدها عليهم مخلي رضا وخده موقف منهم

ولما ابن عمهاحاول يقرب منها ويلمح بكلام سخيف قالت رضا لأمها وأمها قالت لابوها

ف عبده اتصل علي اخوه سامي واداله درس فالاخلاق والتربيه وان عيب ابنه يكلم بنته بالطريقة دي

سامي رد بصراحه يا عبده الواد كان عايز يخطبها

رد عبده قاله بنتي لسه صغيره ولسه بدري اوي عالكلام دا

فقال منه سامي
خلاص يقرأ فتحتها عشان نضمن انها بتاعتنا

رد عبده تقصد تقول تضَمن الفلوس

وبسبب الخلاف قعدو أكتر من ٣ سنين  ميكلموش بعض

رضا قمر ماشاء الله تخطف عين الاي يشوفها وأميرة بس في حجابها والتزامها
ودا اللي زرعته امها وابوها فيها

وفي يوم قاعدين عالغدا ابوها بيقولها

ليكي عندي مكافأة حلوه وكبيره لو جبتي مجموع يدخلك جامعة من جامعات القمه

قالت باذن الله بس هديتي انا اللي هختارها

رد الأب ماشي وعلى اد المجموع هتكون المكافأة

قالت رضا هي مكافأة قيمه بس مكلفه

قال لها وأيه  هي
قالت يوم النتيجه هقولك يا بابا

ردت أمها قالت انا تقريبا عرفت طلبها

ردت رضا قالت طلبي ما يخطرش علي بالكم

يا تري ايه المكافأة؟؟...

وغدا حلقه جديدة

نانا محمد