الجمعة، 16 أغسطس 2019

الحلقة التاسعة من قصة (سجين قلبها)

وفجأة سمعت صوت اميرة
اخبي البلوة دي فين....
اميرة جايه ترد الواجب وتباركلي ياتري زعلانه موجوعه وجايه تعاتب بالنظرات
ولا جايه تبارك بجد
البيت بقي هيصه لفرحتهم برأية اميرة

امي خبطتت وقالتلي بنت خالك جايه تباركلك

لكن جالوص الطين قبلتها وحش

الست دخلة تبارك وتهني وجايبه هديه
تقولها متشكرين بس اني مابخدش حاچة من حد معرفوش

حسيت انها اضايقت قامت وقالتلي مبروك مرة تانيه
و ربنا يهنيك
ولو مش عايزين الهديه ادوها لحد محتاج

خرجت اميرة تقعد مع اخواتي وحريم الدار صوت ضحكت اميرة كان عالي وانا عارف طبعها مبتعملش كدا الا وهي مخنوقه وبداري اللي جواها
فتحت الشنطة لقيت هديتين
الاولى  برواز كبير فيه صورة مرسومه للعيلة كلها لكن سايبه جمبي مكان فاضي وكاتبه تحت زوجة عبدالله

نسيت اقولكم ان اميرة عندها هواية الرسم
بس الغريب ان خالي ومراته واخوات اميرة موجودين
الا هي مش فاهم
زي متكون بتقول حاجه مش فاهمها

والهدية التانيه طقم نوم  لونه اسود
بس شكله غالي جدا ومكتوب علي التكت بتاع الطقم  (كان حلم)

مراتي خدت الطقم وقالت اسود نلبسه عليها
زعلت وزعقت معاها عشان دعت عليها
خدت الطقم وخرجت ادتهولها قدام اخواتي
وقالتلها مبنلبسش اسود الا فالمياتم
خديه ينفعك
امي زعقت لمراتي وقالت لها عيب كدا بدل متقوللها تسلم ايدك
مراتي ردت مش محتاجاه وعندي كتير وبصراحه مش مرتاحلها

امي زعقت تاني
مراتي رجعت اوضتها لكن رغم كل اللي حصل اميرة مبتسمه وقالت لحريم الدار اللي عايزه يخده دا مركه من اغلي البرندات

مرات اخويه قالت هخده بتقرأ التكت لقت مكتوب كان حلم سألت اميرة قالتلها المحل بيكتب لكل موديل اسم

وانا اللي افتكرت ان الكلام ليه 😂😂😂

طلع دهن خوشي يا غوله اما نشوف شوالك لخضر اللي انتي لبساه

وعشت مستحمل غلاسة مراتي وقولت لامي زيها زي باقي حريم الدار كل مدخل الاوضه القيها مخموضه

ولا كاني متجوز

اهو الواحد يركز في فرح حبيبه اختي الصغيره
ودي بئا حبيبة البيت كله  ويوم الفرح
شوفت القمر  سرحت فجماله

لقيت الغفير زغدني
مالك مبحلق كدا  مش حلوه امال لو حلوه
وبسبب اللي حصل يوم ما جت تباركلي
سلمت عالكل الا مراتي لها حق

لكن جت مكالمه 📞 دربكة الفرح وخالي واميره مشيه مفزوعين

ياتري ايه

يابختك المنيل بعت اميرة واشتريت غفيرة

وغدا حلقه جديدة

تحياتي نانا

السبت، 27 يوليو 2019

الحلقة الثامنة من قصة (سجين قلبها)


الحمد لله الفرح عدي علي خير بغض النظر عن الفلانه والكلسون يمكن كانت سقعانه

النهاردا الصباحيه وعادة الفلاحين بيروحوا يباركوا

امي جت خبطت وجابت فطار

ببص ورايا
لقيت واحد صحبي خارج من الحمام
الشعر اللي كان حرير قلب سلك مواعين

استغفر الله العظيم
وانا هصطبح بالمنظر دا كل يوم
ربنا يسامحك يامه

المهم الناس جت وباركت وأمها خدتها علي جمب وكلمتها وبعد ما مشيوا

لقتها قلعت الوش ولبست وش تاني
جلابيه وربطت راسها بأشرب وخرجه
بقَولها رايحه فين قالتلي
هروح اعمل الغدا اني ما بحبش اكل من ايد حد

لا تعليق
دخلت ب دون مقدمات عملت اكل علي اد فردين

دخلوا حريم اخواتي واخواتي البنات واقفين مبلمين
اختي قالتلها انتي عروسه ادخلي واحنا هنعملك الاكل قالتلها لا  احنا عندنا كل وحدة من حريم اخواتي بتعمل اكلها
وتغسل مواعينها

ردت مرات اخويا الكبير قالتلها هنا بناكل سوا والشغل بيتقسم علينا في اللي بيطبخ واللي بيغسل واللي بيروق الدار واللي بيحلب

لقيت دي صوتها عالي وقالت
لا اني ماليش صالح بيكم

شكلها هتولع فالدار

خالي جه  ومرات خالي جايين يباركوا
البيت اتقلب  لان الكل بيعزهم
مرات خالي بتقول فين العروسه بقولها اهي لقيتها مزهوله لدرجة الضحك

عايز اقولها هو الغفير دا الله يسمحك يامه

سألت عن أميرة وصحتها خالي قال الحمد لله كنا فين اميرة حكيتلي علي اللي عملته معاها كتر خيرك يابني لقتني بقوله دي اميرة ياخال قلب العيله اللي روحها فالكل

الغفير ظغرلي ليلتنا فل

امي جت من الغيط  لما عرفت انهم فالبيت الغدا اتعمل ولازم خالي يتغدي قبل ما تمشي المهم هما خرجوا و سبوني

خدوني معاكم

مراتي سألتني عن اميرة وبتسأل عليها ليه وايه اللي عملته معاها
اني عرفها كنت بشوفها عندكم دايما

قولتلها بنت خالي وكانت تعبانه وانا كنت بزورها فالمستشفي
قالتلي اي
طب جوم كل قولتلها مليش نفس دلوقتى
قالتلي جوم نام
وبعدين نشوف ست اميرة

قولتلها روحي الحقي وصلحي اللي هببتيه عشان امي مش هتفوت اللي اتقال

قالتلي يعني هتعلجلي المشنجه
اني هاكل وهنام ومش هخرج لحد

وفجأة  سمعت صوت مش معقول مفجأة
اخبي البلوه دي فين

وغدا حلقة جديدة

تحياتي نانامحمد