الأربعاء، 22 نوفمبر 2017

الحلقة الثانية عشر من مسلسل (صوت القلب)

من قلة النوم وعدم الراحة تعبت تعب شديد ولم استطيع التحمل

و كريم جابلي دكتور فالبيت
وكنت اعاني من برد و ارتفاع في درجة الحراره

الا ان كان تشخيص الدكتور كان مختلف..........

كريم . خير يا دكتور السخونه مخليها دايخه ومش قدره تتحرك

الدكتور خير يا سيدي هو دور برد شديد و دا طبيعي عشان الجو فالسعوديه غير هنا
اما بالنسبه للدوخه دا ارهاق وعدم الغذا لان في نونو بدأ ياخد الحديد والكالسيوم من جسمها فلازم تتغذى كويس

انا وكريم في نفس واحد ايه نونو
كريم. اسف يا دكتور وخدني في حضنه وفضلنا نبكي من الفرحه
ياااااه مش قولتلك ربنا كريم ولما يريد هيرزقنا

قومنا احنا الاتنين سجدنا امام الدكتور
الدكتور بصلنا وضحك اوي

كريم، معلش احنا متجوزين من سنتين

الدكتور. ربنا يقومها بالسلامه هديلك رقم دكتور نسا المدام تتابع معاه

كريم اكون شاكر لحضرتك

نزل الدكتور واول حاجه اتوضينا وصلينا ركعتين شكر لله
وبعدها كلمنا بابا واخواتي وكلمنا بابا كريم واخواته

وتاني يوم كريم بيقول انا هدبح عجل لله
فقولت خليها لما اولد
كريم قال لما تولدي ندبح تاني

وجري كريم دبح و وزعه كله لله

وفات اول شهور والحمد لله محستش بتعب

واول اشعه اعملها الدكتور قال
في حاجه لازم تعرفوها
المدام حامل في توأم ولد وبنت

كريم قال كرم من ربنا علينا
كدا يا نونه اتحقق الحلم الحلق للبنت
والكوتشي للولد

انا رديت وباقي الحلم ياترى ايه
كريم خير يا قلبي كل اللي يجي خير

وخرجنا من عند الدكتور اشترينا هدوم للتوأم بناتي و اولادي
فبقوله كفايا صيفي نشتري الشتوي بعدين
هيكونوا كبرو شويه لكن صمم نجبهم بمقاس اكبر نمره
ومشايات البيبي و كرسي الطعام ولعب و حتي طبق الاكل والكوب
كانت الحاجات جميله جدا

وبدأت فالشهر التاسع وبدأ التعب الشديد وعدم النوم بنام وانا قاعده
و مبعرفش اخرج لوحدي
وفي ليله كريم كان نايم جمبي

ودقة ساعة الطلق الي الصويت
كريم قام مفزوع يا قلبي
مالك يا في ايه
الحقني باين هولد

كريم كلم الدكتور و روحنا المستشفى

و كان الوجع بيضاعف من المحلول والحقنة اللي اخدتها
عذاب و وجع فظيع

وكريم ماسك ايدي وكان بيتوجع لوجعي
و بعد عذاب الحمد لله تمت الولاده
و جبت ولد قمر و بنوته قمرين

واول ما فوقت لقيت كريم شايلهم و بابا بيصوره وهو شايلهم

فبقوله حلوين قالي مش احلي منك
سجد شكر لله علي كرمه بولدنا

و روحت البيت و كان الاهل والجيران مستقبليني ب زاغريت وحسيت بفرحتهم

طلعت و بقوله هتسميهم ايه قال
هسمي تاليا يعني نور الجنه
و باسل ابن صحبي اسمه باسل بس ولد عسل
فقولت تاليا اسم جميل بس انا عايزه اسمي الولد كريم عشان نفسي يكون زيك فكل حاجه

كريم ضحك وقال ماشي كلامك بس يارب ميخدش مكاني فقلبك

قولتله انت فالقلب والروح والدم

قالي خلاص بكرة اخدهم و اروح اسجلهم بس دلوقتي وقت رد الندر

هنزل اروح للجزار عشان هدبح العجلين

نزل ورجع متأخر جدا وكان راجع مرهق وتعبان جدا

طلب ينام جمبي فقولتله مش هتعرف تنام من صوت الولاد نام فالاوضه التانيه

زعل وقالي من اولها انا مبعرفش انام الا وانا جمبك وسامع دقات قلبك
ممكن بئا تخديني فحضنك انا فعلا مرهق ومحتاج انام وهنام مؤدب والله

ابتسمت اخدته فحضني و لقيته بيقولي انا بموت فيكي

نام عشر دقايق وقام مفزوع قالي مش عارف شوفت و سكت
سألته شوفت ايه
قالي سيبك المهم انا عملت للولاد كل واحد وديعه بأسمه و الباقي في حسابك

بقوله باقي . ايه رد اقصد زودتلك حسابك يعني

ونام تاني و  وهو ماسك ايدي جامد
بعد شويه الولاد صحيوا وبيصرخوا
قمت براحه وروحت ائكلهم 
لكن  بيصرخوا جامد مش عارفه اسكتهم
كريم الحقني الولاد مش عارفه ملهم

.....

وغدا حلقة جديدة

تحياتي  نانا محمد

الحلقة الحادية عشر من مسلسل (صوت القلب)

وفي يوم لقيت كيمو جاي وعامل ليا مفجأه.........
مكنتش اتوقعها بس قلبي اتمناها
حبيبي يا كيمو ياللي بتقرأ افكاري

كنت دايما اتمني اروح انا و كريم نعمل عمره

لقيته في يوم داخل بيقولي غمضي عينك
فبتسمت وقولتله مفيش مكان البس حاجه تاني
قالي بس غمضي
لقيته حاجز تذكر  طيران  العمره
يااااااااه لقيتني قومت اطنطت وهو اخدني فحضنه ويلف بيا

كان نفسي فيها ربنا يخليك ليا يا كيمو

ربنا يباركلي فيك
كانت مفجأه للكل زي ما كانت مفجأه ليا

و وصلنا الاراضي المقدسة
تقريبا مكناش بنروح الفندق الا قليل تعلقنا بالمكان

ريحة السجاد فالمسجد النبوي وانت ساجد الله مسك اللهم اجعلني في رحاب النبي

و رؤية الكعبة في اول نظرة والدموع تنهمر دون شعور والروح التي ترفرف داخلي

اللهم ارزقني الذرية الصالحة وباركلي فيها وكتبها من الصالحين

وباركلي فزوجي ورزقة من حيث لا يحتسب  وابعد عنا المعاصي وكتبنا من الصابرين

و دعيت لكل الناس حتي الغريب ان ربنا يكتبلهم زيارة النبي

وعملت عمره لأمي و كريم عمل عمره لأمه
وسبحانك ربي لم اشعر بجهد في اداء عمرة امي

وخلصوا ال 15 يوم بسرعه وخلاص هنرجع
اخر يوم نزلنا اشترينا هدايا كتييييييييير جدا للقريب والغريب

وغدا نعود الي مصر واترك المكان وانا قلبي متعلق به
لكن كريم وعدني اننا هنرجع قريب بس هتكون في موسم الحج

ولأول مرة انام فالطياره نوم  عميق
فرأيت نفسي في الحرم و أمي تطوف معي وهي في قمة السعادة
وكانت تركض وهي تطوف و بعد جلسنا لأداء الصلاة

فاعطتني حلق دهب و حذاء  جديد
وقالتلي دي هديتك مني حفظي عليها فرحت بالهديه
ولكن بعدها  اخدت  مني حجابي  حزنت
وقولت لها هصلي ازاي
قالت لي غطي نفسك باللي ادتهولك
استغربت من ردها وسكت

صحيت من نومي مفزوعه
لقيت كريم بيقولي احنا وصلنا القاهره اربطي الحزام  اد كدا تعبانه
حكتله الحلم قالي اهم حاجه انها عملت العمره بنفسها وهي معاكي
اما بالنسبة للباقي متحطيش فبالك خير يا حبيبتي أن شاء الله

ورجعنا البيت
وفضلنا اسبوع الناس تيجي تبارك لنا

ومن قلة النوم وعدم الراحة تعبت تعب شديد ولم استطيع التحمل

و كريم جابلي دكتور فالبيت
وكنت اعاني من برد و ارتفاع في درجة الحراره

الا ان كان تشخيص الدكتور كان مختلف..........

وغدا حلقة جديدة

تحياتي. نانا محمد