الاثنين، 20 نوفمبر 2017

الحلقة العاشرة من مسلسل (صوت القلب)

َوفجأه النور قطع
قولتله انت متفق معاهم صح

رد هو احسن حاجه حصلت

كريم اوعا يغرك جسمك

وبعد الكحرته سفرنا شرم الشيخ
وعشت اجمل اسبوع فحياتي
كريم كان كل همه يسعدني

ورجعنا البيت والكل جاي عشان يبارك لنا

وكيمو كانت ابتسامته منوره وشه
يارب قدرني اسعده زي ما بيسعدني

الكل جالي حتي اصحابنا من الجامعه
الا سلوى كنت متوقعه انها تيجي
بس كريم قال مش هتيجي

كان كل يوم فحياتي معاه بيحببني فيه زيادة

وحبه ليا دا مكنش حب دا كان عباده

وعدت ايام وكل شويه حد يسألني مفيش نونو جاي
مش هتفرحونا كنت ازعل
لان رحنا لدكتور وقال مفيش سبب مانع بس ربنا لسه مأذنش

وخلصت الاجازه  وبدأت الدراسة وكريم بيروح ويرجع معايا وكان حاسس اني بكسل عن المذاكرة وكان بيشجعني

وفي يوم كانت نورا و هناء عندي عرفت منهم ان سلوى اتجوزت
استغربت دي معزمتنيش

وعدت السنه والحمدلله نجحت بس علي الحرُكرك

وعدى سنه وكام شهر من جوازي
وعمر كريم ما حسسني بنقص
وكل ما حد يجي يسأل ايه سبب التأخير
يقول ربنا رايد نتمتع بحياتنا

وفي يوم روحت انا و كريم عند بابا
قابلت سلوي وشيله نونو
سلمت عليها قالتلي بنتي كانت عسوله اوي

لقيتها بتقولي عقبال ما نفرح بعيالك ايه يا بنتي انا اتجوزت بعدك و خلفت
وانتي دخله في سنتين ولسه مفيش حاجه

عيوني رغرغت و دمعت
لقيت كريم مسك ايدي  اوي
وقال انا مش عايز عيال وبعدين
نونه بنتي و مراتي وامي و اختي و حبيبتي
ولو جابت بيبي هيشغلها عني
وانا اموت لو حد شغلها عني
حسيت انه بيطيب خاطري

فضلت زعلانه كام يوم من كلام سلوى
وبيني وبينكم نفسي يكون ليا ابن من الانسان اللي بحبه

كريم لاحظ ان بقيت اسرح ودايما حزينه كان دايما يقولي اكيد ربنا رايد خير سبيها علي الله

وفي لقيت كيمو جاي وعامل ليا مفجأه.........
مكنتش اتوقعها بس قلبي اتمناها
حبيبي يا كيمو ياللي بتقرأ افكاري

وغدا حلقه جديده

تحياتي. نانا محمد

الحلقة التاسعة من مسلسل (صوت القلب)

ولسه الناس هتقعد لقيت كريم ماسك الميك و بيغنيلي زاي الملايكه اما تشوفها وردايا تحلم تقطفها ضحكتها و عنيها

ياااااااااااه احساس روعه وفضلت ارقص واغنيها معاه
وبعدها كانت اجمل مفجأه.........

  لقيت تورته تانيه اكبر من بتاعة سلوى وعليها صورتي

وكريم ماسك ايدي و بصوت هادي بيوشوشني كل سنه وانتي حبيبتي

واجمل هدية قدمهالي سلسله عليها صورتنا

الكل وقف يسقف الا سلوى وعلاء

ولكن لم يعنيني كل هذا سوا حبيبي

كنت في قمة سعادتي

وكل يوم حبي ليه بيزيد وأهتمامه بكل تفاصيل حياتي بيسعدني

اصل الحب اهتمام مش مجرد كلمه تتقال

وفي يوم كريم كان عندنا وقال ل بابا انا جهزت الشقة وبعد أذنك يا بابا هنقدم معاد الفرح

رد بابا قاله احنا اتفقنا الفرح بعد ما تخلص
كريم معلش يا بابا هتكمل في بيتها و وعد هتكمل دراستها

وفضل يتحايل علي بابا لحد ما وافق ان الفرح يكون بعد الترم التاني عشان اكون خلصت سنه ٣ و فاضل سنه

وكان الاربع شهور بتوع الترم التاني ما بين مذاكره و مشاوير مع كريم بنشتري حاجات

وجت الامتحانات ولاول مره اكون خايفه

لكن لقيت كريم بيشجعني و يقعد معايا نراجع

والحمد لله عدت الامتحانات

وبدأ القلق بتاع يوم الفرح

الجميل بئا ان كريم عمل الحنه معايا في قاعه و كان جايب وحده ترسملي حنه و كان معاها بنات لابستني هندي
ورقصنا وتصورنا بيه
وسوداني و بدوي كان يوم روعة

وتاني يوم كان راحه بين الحنه والفرح نزلنا اشترينا فاكهة و حاجات من الماركت عشان البيت اللي هو بيتنا  هو جنه فالحقيقة كريم فرشه علي اعلى مستوى و الشقه كبيره جدا

وخلص يوم الراحه وانا قلقي بيزيد
وكريم كان ملاحظ

اه انا ماجبتش سيرة الفستان لانه كان مفجأه لكل

عملته فأكبر أتيليه
اجمل فستان زفاف شفته بس بكوم
خرجت من بيوتي سنتر فالمهندسين
وكانت القاعه في شيراتون الجزيرة

وعمر دياب غنه في الفرح وكان كريم يقوله غني زي الملايكه وهو يغنيها

وعلي اد فرحتي اليوم دا علي اد خوفي من نظرة الناس حسيت ان نظرتهم كلها حسد وحقد دعيت يارب يبعد عننا كل شر

روحنا بيتنا عشان هنسافر الفجر شرم الشيخ

المفروض اننا هنام ساعتين بس دي ليله هيتنام فيها هارحوس

كريم قلع الجاكيت والشوز وبيفك القميص

لقيتني بقوله
احياة عنيك احياة عيالك وحده وحده
امي بتسلم عليك وبتقولك بشويش عليا

ضحك  خدني فحضنه

وفجأه النور قطع
قولتله انت متفق معاهم صح

رد هو احسن حاجه حصلت

كريم اوعى يغرك جسمك

وغدا نلتقي في حلقة جديدة

تحياتي  نانا محمد