الأربعاء، 15 فبراير 2017

الحلقة الخامسة من مسلسل (قلب رجل محطم)

وأبتدت الدراسة  وبدأت من أول السنه فأجتهاد
وزي ماأنتم عارفين عندي مشروع التخرج
تقريبا مكنتش بشوف حد فالبيت غير امي كان كل همي اخرج بتقدير

وفي يوم امي بتصحيني الساعه ٧ الصبح
وبعفويتة امي لقتها بتقولي صباح الخير يا قطة ادخلي استحمي وتعالي اضفرلك شعرك لقتني بضحك و اقولها حاضر يا اختشي

ودا كان عشان مكنتش بحلق خالص وكل همي هو المذاكرة وبس

وانا نازل قبلتني أية دخله البيت
أية : صباح الخير يا حمادة
حمادة : صباح النور لقيت ابنها بيسلم عليا مشاء الله طفل اربع سنوات زي القمر
لقيته بيقولي انا حمادة انت مين
ضحكت و قولتله هو زمان كنت حمادة بس دلوقتي بقيت حمادة تاني خالص

بصتلي أية وأبتسمت أستأذنك عشان ورايا جامعة سلام يا حمادة رد الصغنن مع السلامه

اليوم دا كان لي زميله هتشاركني المشروع و سبب التدبيسه دي الدكتور  

لكن لقتها بتلمح ان هي بتحبيني
لقتني بقول لها انا اسف انا مش هسمح ان يكون بينا اي كلام غير عن المشروع

وبعد ما روحت حسيت اني جرحتها
معرفش انا أزاي رديت كدا

أعمل أيه مقدرتش اخون حبي ليكي يا بنت عمي

ومرت الدراسه وجه وقت الامتحان
وكنت فكل سجده أدعي ربنا يمنحني الاجتهاد

وبعد شهر ونص ظهرت النتيجة وكا عدتي جيد جدآ

جريت فرحت امي و بوست أيد ابويا
ويومها جدي عملي عزومة وأتجمعت العيلة زي زمان

لكن رغم فرحتي إلا إن أسلوب جوز أية ومعملته مع عمي ضايقني وخلاني مسكت فيه
لقيت أية بتبكي

سبته ونزلت
فضلت امشي فالشوارع لحد أذان الفجر دخلت صليت ورجعت البيت

وتاني يوم الصبح أمي فتحت سيرة الجواز ولقتها جيبالي صورة عروسة فكرتني ب أفلام زمان

وري كالمعتاد ريحي نفسك يا أمي مش بفكر فالجواز خالص اللي اهم من الجواز هو الشغل
ابنك مهندس ميكانيكا 👷 سبيني ابني مستقبلي صح وبعدين لما اعوز اتجوز هقولك

دورت علي شغل كتير في مجالي وقدمت فشركات كتير و من ضمنهم  شركه كويتية بعت فاكس بالسيفي وبعد شهر تم الموافقة
ورحت عملت انتر فيوو

اتبعت لي الفيزا وتذكرة طياران  فاضل اسبوع و اسافر وامي عماله تعيط

يا امي يا حبيبتي حقك عليا وبعدين هظبط حالي هناك و ابعتلك تجيلي زيارة انتي وبابا
ابويا خلاص بئا يا وليه نكدتي علينا ربنا يوفقك يابني

ربنا يخليه بابا اداني فلوس نزلت اشتريت هدوم واحذية

وجه يوم السفر واد ايه كنت مشتاق اشوف أية لكن شكلي همشي بدون ما أشوفها
اتاري امي كانت قالتلها اني هسافر يومها

وانا نازل وفاقد الامل اني اشوفها ودخلت عند جدى 👴 اسلم عليهم واخد البركة وابوس ايد جدتي 

لقيت أية دخله تجري وتقول كويس اني لحقت اسلم عليك
وكنت اول مرة المس اديها 💕وعشقت احساسي بيها بدون ما أشعر لقتني بقولها هتوحشيني ابتسمت وعنيها مليانه بالدموع وردت بصوت هادي دفئه مش مسموع انت اكتر 

وفي عز شغفي بعنيها ولسه لامس أديها فجأه لقيت أبنها بيقول  مع السلامه يا خالو ✋

و وصلت المطار كانت المفجأه

وغداً حلقة جديدة

تحياتي. نانا محمد

الثلاثاء، 14 فبراير 2017

الحلقة الرابعة من مسلسل (قلب ♥ رجل محطم)

امي دموعها علي خدها مش هتصدق
الله فيه ايه بس متقولي
الام : أية سمت أبنها حمادة
سكت وضربات قلبي بتجري مش عارف فرحان قلبي ولا حزين 😒

ياتري أيه السبب هل هو جبران خاطر ولا حب مداري
ولقيت نفسي برد حب ايه دي متجوزة و المفروض مفكرش كدا

  نزلت اشتريت هدية للبيبي عربية بيبي واغلي وحده و اشتريت ل أية سلسلة 🔗 وفيها حرف H

ورجعت البيت و دخلت لجدتي أوريها الحاجة وانا فرحان وأستأذنت جدتي ممكن ادخل ابارك ليها

جدتي : طبعا يا حبيبي هدخل اصحيها
اية اصحي حمادة جاي يباركلك

دخلت وانا مكسوف سلام عليكم ورحمة الله وبركاته

أية : وعليكم السلام ورحمة الله وبركاته

الف مبروك يا أية وربنا يباركلك فيه

أية : الله يبارك فيك

جدتي: طيب أقعد اعملك فنجان  موغات

قعدت وقدمت ليها الحاجه كانت فرحانه جدا ب السلسلة 

أية :ليه كلفت نفسك

لا تكلفة ولا حاجه كان جوايا فضول اعرف ليه سمت أبنها علي أسمي
لقتني بقولها ممكن أسألك سؤال

أية :عارفه انت عايز تقول ايه انا سميت أبني حمادة لسببين أولا لأن عرفت قيمة أنسان مكنتش اعرفه كويس رغم انه أبن عمي وعايشين في بيت 🏡 واحد
وثانيا عشان اتمنيت أن أبني يكون بأخلاقك وبأصرارك علي أنك تكون ناجح في حياتك

حمادة : دموعي خانتني وخرجت وقتها حسيت أنها حساني بدون كلام ويومها بات قلبي فرحان ولأول مره أشوفها فالمنام

كانت شيله أبنها وهي وقعه علي ركبها في الطين ومدا أيدها ✋
صحيت من نومي وانا مش فاهم معني الحلم

ومن يومها لقتني ببعد عن لؤاها أو عنيا تيجي ف عنيها
وكنت أعرف اخبرها من أمي وكل ما تزعل مع جوزها بيجرحني زعلها

وفضلت اهرب من لؤاها وانا  ساكن فقلبي هواها

ورغم إن بشوف فالجامعة بنات كتير إلا إن عمر قلبي ماعشق إلا عنيها
وبعد ٣ سنين جابت أية بنتين توأم كنت وقتها في سنة رابعة وأيام أمتحانات اخر العام
وفاضل سنه وأخلص وعشان كنت دايما انجح بتقدير جيد جداً كان منايا اجيب نفس التقدير

وكنت زي كل سنة أخلص أمتحان وأروح أشتغل مع جاري فالفندق

ولما رجعت عشان الجامعة ماخلصتش من كلام أمي و زنننننها عليا

الأم :يا أبني نفسي اشوفك عريس أنا مليش غيرك

وانا كنت ارد ريحي نفسك يا أمي مش هتجوز خالص دلوقتي

بصراحة ماكنتش عارف أحب غيرها
ولا كانت عيوني بتشوف أي بنت تانية

تفتكروا اللي أنا فيه دا صح  ولا لازم أعيش حياتي بدونها

وغدا حلقة جديدة
تحياتي. نانا محمد