الاثنين، 13 فبراير 2017

الحلقة الثالثة من مسلسل (قلب رجل محطم)

قررت أسافر قبل فرحها عشان ابعد
كلمت واحد جاري شغال في فندق بشرم الشيخ سافرت معاه وأشتغلت هناك شهرين
كان خيالها ساكن هوايا وعيونها فرشتي وغطايا
اما ضحكتها كانت هي منايا
يارب يسعدك يا بنت عمي

ومرت الايام ورجعت من سفري عشان الكلية
اجتهد واذاكر بكل جهدي لجل ما احقق الامنيه
ورغم كل اللي حصل عمر قلبي مفكر ينساكي  يا حبيبتي
وحبي ليكي كان دايما سبب هدفي
لكن كان قلبي بيتعصر لما اشوف جوزها يزعلها وتحكيلي امي عن وجعها
أية دي ورده 🌹  رقيقة محتاجه اللي يهتم بيها
كنت بهرب من لؤاها لجل ما يبان ضعفي ليها
لكن كنت استناها تطلع تود امي
عشان ألمح عيونها 👸  من ورا بابي
 
ولو قولتلكم اني كنت بحس كتمان دموعها من نبرة صوت كلمها تقولوا عني كداب

وفضلت اهرب من لؤاها لحد يوم ما ندهت جدتي علي أمي

تعالي معايا يا ام حمادة أيه بتولد
فضلت ادعلها وانا قلبي مالخوف عليها بيألمني ورجعت جدتي وأمي نزلت اجري عشان اقلبي يطمن
امي قالت الحمد لله ربنا كرمها بولد وبكرة هتيجي من المستشفى علي هنا عند  ستك
ولازم تنزل تبارك لها وتنسى اللي فات
مهما كان بنت عمك
سكت وانا عقلي حيران ياترى انزل ولا افضل بعيد والله خايف يبان شوقي ليها ولا عيوني تدمع واجرحها وفضلت افكر طول الليل 🌃

وطلع النهار وانا لسه بردو حيران

وفجأه اتملا البيت زغريت من جدتي نزلت امي تجري وهي بتزغرت
بصيت من عالسلم لقيت أية دخله عند جدتي
وقررت اني انزل بس لما جوزها يروح

لقيت امي طلعه تجري وتقولي مش هتصدق مش هتصدق؟ 
رديت قولتلها خير يا امي مالك وايه اللي مش هصدقه
وغدا حلقه جديده و شئ لا يتوقع

تحياتي. نانا محمد

الحلقة الثانية من مسلسل ( قلب رجل محطم)

اعتذر عن تأخير الحلقة الثانية لظروف خاصه تحياتي

وفقت اية وفضلت سنه مخطوبه وبسبب كلام عمي ل جدي و ابويا واني لسه عيل وفاشل قررت اجتهد عشان اكون راجل الكل يفتخر بيا
ونجحت فالثانوية وجبت 98% وهدخل كلية الهندسة  أما أيه فرحها كمان شهر ودا يوم هيكون صعب عليا
غصب عني معرفتش اشيلها من قلبي دا حب العمر كله مش وحده كدا وتعدي
و بسرعه مرت الايام وجابت اية الفستان
وصممت جدتي تشوفه عليها قبل يوم الفرح
نازل عند جدي عشان اخد البركه لقتها خرجه من حجرة جدتي وهي لابسه فستانها
أية  بدر بدون مكياج 💄
وشعرها واقع من نص الكحكه اسود وطويل وكأنها احدث قصة شعر
عنيا مالتها الدموع وطلعت على شقتنا اجري وانا كاتم الأاااااااه فالضلوع وكأنها طعنات في صدري
شافت دموعي امي وحست قهر قلبي طبطبت عليا وقالت علي عيني دموعك يابني لكن ما باليد حيله
خرجت امي  وبعد بكا وصرخ مكتوم اتنهدت بعمق وانا موجوع ولقتني بدعي وبقول ربنا يسعدك يا بنت عمي
وفجأه سمعت صوت أية وامي بتقولها  ربنا يفرحك يا بنتي ويتمملك بخير يا حبيبتي
اية : ربنا يخليكي يا أمي هو حمادة فين كنت عيزاه اقوله يجبلي حاجه
أمي : حمادة نايم يا بنتي
حمادة : الحمد لله كتر خيرك يا امي حسيتي والله بهمي

ومع حلقة جديدة الساعة 10 مساء

تحياتي : نانا محمد