السبت، 8 أكتوبر 2016

الحلقة الخامسة عشر والاخيرة من مسلسل(حياة بنت مصرية

اليوم اتصلت والدة امل وقالت
امل ام هاني تعبانه جدا وطلبه تشوف احمد
امل : تشوف احمد خير.!

قالت امل لزوجها ان جدة 👵 حبيبه تعبانه جدا و طلبه تشوفك
احمد : اروح زيارة المريض  واجب

وتاني يوم راح احمد و امل و حبيبة

جدة حبيبة : كويس انك جيت
احمد : خير ياست الكل انا اول ما عرفت انك عيزاني متأخرتش تحت امرك

ام هاني : الامر لله انا عايزه اوصيك علي حبيبة

احمد : توصيني علي حبيبة
حبيبة دي عيني اللي بشوف بيها
بنتي اللي ربنا رضاني بيها
بكي احمد بشده
انا اتحرمت من اني اكون اب لكن ربنا كرمني ب حبيبة

وعهد عليا و يمين اتحاسب عليه ادام ربنا
ان عمري ما هزعلها و هحافظ عليها و اعلمها احسن علام و هجهزها احسن جهاز دي نور عنيا

ام هاني : طمنت قلبي ربنا يابني يراضيك زي ما رضيت بنت ابني و يسعدك زي ما بتسعد اليتيم

ام هاني : انا كتبت ل حبيبة كل ما املك

احمد : حبيبة تملك حساب في البنك اضعاف ما تملكي
انا كل شهر اروح احطلها 2000 جنيه من يوم ما اتولدت
دا غير ان يوم ما فتحت الحساب حطيتلها 100 الف دا غير اللي مامتها عملاه

اللي هتسبية لحبيبة احب اقولك هعمل ايه فيه

امل عملت لهاني حجرة في مستشفي الاطفال صدقه جاريه

وان بأذن الله هعمل زيها

ام هاني بكت انا مش عارفه اكفأك ازي
احمد باس ايد ام هاني وقال لها مكفأتي دعوه حلوه ليا

اطمنت ام هاني ورفعت ايدها للسماء وهي علي فراش الموت وقالت
يارب يعوضك خير ويرضيك بأبن من صلبك

انهارت امل في البكاء هي و احمد

ماتت ام هاني واحمد عمل لها عزاء والكل قال لو ابنها مكنش عمل كل دا

وبالفعل نفذ وعده و قام بدفع المبلغ المطلوب لكي يكون في حجرة بأسمها في مستشفي الاطفال

وبعد مرور شهر
عيد ميلاد حبيبة
احمد جهز الفيلا لاكبر احتفال لعيد ميلاد حبيبة

حبيبة متعلقة جدا بأبوها احمد ولا تعرف اب غيره

ولكن مفجأه

شعرت امل بأنها حامل و بالفعل راحت لأقرب دكتور وأكد لها فقالت امل وهي في حالة تعجب ازاي وانا زوجي عقيم

الدكتور : الله علي كل شئ قدير

اتصلت امل ب زوجها تعالى دلوقتي انا تعبانه و عند الدكتور

احمد  بسرعه راح لأمل و هو مخضوض عليها
احمد : خير يا دكتور
  الدكتور : المدام بتعتك حامل
احمد :  حامل ازاي انا عقيم
قال الدكتور ربنا اراد
عمل احمد تحاليل و دفع مبالغ مهوله عشان يعرف النتيجه فالحال

وكانت المفجأه احمد سجد لله شكر و وبكي وقال يارب احمدك انا احسنت معاملة اليتيمه وانت تعلم اني احبها جدا وهي بنتي اللي ربتها وعهد عليا يا ربي اني احسن معاملتها ليوم الدين

امل علي اد ما كانت فرحانه الا انها خافت

وقالت : احمد انت هتفضل تعامل حبيبة زي ما بتعملها ولا هتفرق بينها و بين ابنك او بنتك

احمد : حبيبة بنتي الكبيرة كل حياتي وبكرة هتعرفي واللي جاي دا انا مشفتوش لسه
مش يمكن اموت قبل ما اشوفه

امل : بعد الشر عليك
احمد : اطمني حبيبة قلبي حبها قبل عيني
امل : يارب يخليك ليا يا احن قلب فالدنيا
احمد : لا مش ليكي بس ليكم كلكم

  وهذه قدرة الله عز وجل
فإذا ارد شئ ان يقول له كن فيكون

وإلي القاء في روايه اخرى

تحياتي لكم.  نانا محمد

الجمعة، 7 أكتوبر 2016

الحلقة الرابعة عشر من مسلسل حياة بنت مصرية

وصلوا  لمكان فيلا في التجمع الخامس مساحه اكبر ولكن هذه الفيلا ملك احمد

فقالت امل وانت طالب كام
احمد  :طالب ايدك
سناء : ابتسمت وقالت هو جيبنا هنا عشان يفرجك علي البيت

امل : انا مش بفكر فالجواز تاني انا جربت نصيبي

احمد : الله يخليكي بلاش الرفض فكري وبعدين ردي

و روحت امل و سناء

سناء : ليه رديتي علي احمد بالطريقه دي
امل : انا مش عايزه حد يجي يعامل ابني وحش
سناء : ونسيتي وصية هاني
امل : انا خايفه اتجوز حد يعامل ابني بقسوه
سناء : طيب صلي صلاة استخاره و بعد ٣ ايام ردي
امل : ماشي

و كل يوم احمد يتصل ب أمل ويفضلوا يتكلموا ساعات

و وفقت امل علي الزواج

امل:
ولكن بشرط انك تعامل الطفل اللي جاي كويس
وكمان  اني أدفع تمن نصف الفيلا عشان المشروع
واهم حاجه ان سناء هتسكن معانا يعني اخر دور مخصص لينا و الاول للحضانه
والتاني هينقسم لاتنين شقه لسناء و ادارة الحضانه

وافق احمد و دفعت امل نص تمن الفيلا و اتسجل حصتها بالشهر العقاري

وتمت الخطوبه بعد اربع شهور من موت هاني
وبدأت امل تجهز الفيلا للمشروع
و للبيت

وتعبت امل وهي في الفيلا و اتنقلت المستشفي ولدت امل
وجابت بنت سناء افتكرت الحلم
وقالت الله يرحمك يا هاني كأنه كان عارف
امل بعد ما فاقت من البنج بنتي فين
سناء : عرفتي منين
امل : هاني قالي اسمها حبيبة
وكانت حبيبة قطعه من هاني

وبعد ولادتها بشهر تزوجت امل من احمد
وكانت حبيبة عشق احمد وبنته التي هداه الله بها

احلي لبس لحبيبة و احلى لعب

كانت امل تحكي لسناء كأنها بنته فعلا
بيخاف عليها جدا

سناء احمدي ربنا انه حنين عليها ويارب يفضل كدا علي طول

نسي احمد ان حبيبة بنت رجل تاني
وكل احساسه انها بنته اللي كل يوم بتكبر ادامه  

احمد كان يحمد ربنا في كل صلاة ان عوضه بحبيبة وحس بأنه اب

وغدا في حلقة جديده و مفجأه لم يتوقعها احمد ولا امل