الاثنين، 27 أكتوبر 2014

فــ حبك يا أمى



أنا مش بقول شعارات و لا بكتب أغانى
أنا قلبى موجوع على الشهيد و من وجعه بعانى
صحيح أمى ماتت لكن أمى الحقيقيه بلدى اللى علمتنى معنى الأمانى

بلدى أم العرب

بيفرحنى مجدها
و يوجعنى حزنها
و يشد عزمى عزها
و بتباها بتاريخها و فخرها
و يسحرنى جمال جوها
و تملكنى النجوم فى عز الليل و أنا على شط بحرها

مصر حافظها رب الكون
و عمر ما تربها عليا يهون
بعشق سحر حواريها وكورنيش نيلها فالسكون
و أتباها بأسمها فين ما بكون

ندر عليا يا أمى 
لأفديكى والله بدمى
و هيفضل كل همى
أعلم ولادى عشقك يا أمى

و حياة غلاوتك يا مصر
و سماكى و علم النصر
فـ حداد ليوم مــ يتعدم كل أعداء النصر
و أولهم مرسى اللى خانك و مقدرش منصبه على كرسى القصر


فــ حبك يا أمى يا أميرة فى كل عصر

#Nana Mohamed#

الأحد، 26 أكتوبر 2014

بصرخ بصمتى




قلبى من جوا بيتعصر و روحى جوايا بتدبح

و عينى تعبت مالبكى على شاب حلمه بيتقتل

بصمت بصرخ جوا منى

و بعزى نفسى رغم أنى
عمرى ما شفته ولا شئ يلزمنى
بالبكى غير انه أبن بلدى اللى منى


يا شعب ساكت عاللى دبح

و قلبك بينزف عاللى اندبح
تعالى ناخد حقنا
و نشارك بروحنا و عمرنا
دا عمر ما هيكون مننا 
اللى يسيل يوم دمنا
قاطع و بلغ عالجبان 
اللى بتاريخ بلده آستهان
اللى واقف ورا البيبان
أن كان عميل أو أخوان
أحب قولك مـ النهارده
هتشوف منا أسوء معامله
و بـ فكرك لـ دنيتك مش دينك
وعد منا هنخليك تكره سنينك

و رساله من ‫#‏مصر‬ لكل ‫#‏مصرى‬
خلى إيمانك بالبلدى حافز لــ ‫#‏نصرى‬

فى حب بلدى بصرخ بصمتى