الأحد، 7 سبتمبر 2014

قلب كاره الحياه



يا قلب كاره الحياه
و كاتم جواه ألف اه
لو لسه فاكر ذكرياتك
 نصيحه أدفنها فالتراب و أكتب عليها قلب مات


يا قلب من جرحه أنكوى
 بنزيفه الكره أرتوى
ولا لاقى طبيب ولا دوى
يكفيه جرحه فالهوى


يا قلب صابر على ظلمهم
تفرح و تبكى بأمرهم
ولا مره قدرت على جرحهم
كان كل همك سعدهم
لكن دلوقتى يا بختهم
قتلوك وعاشوا بفرحهم

يا قلب ساكن فالظلام
راحو ولا قالوا لك سلام
صدقنى ميستهلوش كلام
ولا حتى تفكر  فالملام

يا قلب محسش بالأمان
بلاش تحن لحبك زمان
خلاص خلص الحب و أنعدم  مالدنيا الحنان

كلماتى *نانا محمد

الخميس، 4 سبتمبر 2014

مين هى ؟



كتير بيقوله عليها قلبها مليان أسيا
لو لمحوا عنيها يوم كانوا عرفوا معنى الحنيا
بيحكوا عنها و يقوله دى ست الكل هيا

و لو كتبوا ألف قصيده ما يعرفوا يعبرو عنها
لو كتبوا كتير اشعار ماهيقدروا يوصفوا  جمالها
دى هى ست الحسن بصبرها
وهتفضل تتباها بعزها
بنورها و سحر رسمها
حفظها الله وجمع شملها 

حد عرف مين هى ؟

كلماتى * نانا محمد