الجمعة، 15 أغسطس 2014

رسالات شهيد غـــزه



يا شهيد رايح عالجنة و حاضن بين أيداك رسالات
رسالات لجيلنا و مستقبلنا و حافظ القرأن و من السنن كرمات
بتكتب تاريخ للبلد دى بدمك يا واجع القلب بالأهات
و من صمودك تزيد غيرك بروح حب الأرض و دى العلامات
بتقول لليهودى هتقتلنى هتلاقى من الشهداء ألافات

أرض البلد دى أرتوى بدمى و دم أبويا قبلى و الجدود العظماء
ومهما تمر السنين احنا أصحاب الأرض الشرفاء

ليه غاوى تسرق تاريخى و ملكية العبدات
ليه تهدم بيوت و جوامع و تنسف تاريخ الديانات

رساله لك يا صهيونى

بينى و بينك دم ما هيحلوا أى معاهدات

هيجى يوم و هيقتلك أبنى
و يحرر الأرض من نجاسة الأعداء
و فالأخره أنا فى جنة رحمته و بين الصحابة و خير الأنبياء
و أنت مع أبليس فى أسفل درجات العذاب

و خلاص رايح عالجنة و تارك لكم الأبناء

بقلم* نانا  محمد

الاثنين، 11 أغسطس 2014

زمن عادم


مين فيهم كتب النهاية

هو ولا هى ولا الزمان ختم الحكاية
مين فيهم خد القرار 
ولا الأيام دى سينما و هى اللى بتوزع الأدوار
مين فيهم قتل الحب و بنا بينهم الأسوار
ولا الدنيا هى اللى فرقتهم و منعتهم مالأختيار
مين فيهم خان الحب
و أختار الطريق و داس عالقلب
مين ؟
اه يا دنيا غداره و الناس فيها ألوان
لون بهتان كداب من أول غسله على الحقيقه يبان
و لون أصيل فتان مهما تغلى فيه يخطف عين العشقان
اه يا زمن عادم
و الناس فيها معادن
ناس دهب و ناس تراب
و ناس تعشقها بدون أسباب
و ناس تخاف تكلمها مع أنكم أصحاب

كلمــ نانا محمد ـــاتى