الأحد، 16 مارس 2014

عيدك يا أمى




عيدك يا أمى

أمى يا حبى و حياتى 
فراقك زاد من أهاتى
سنين عايشة فى وحده خدتى معاكى فرحى و سكاتى

أمى

أمى يا أجمل غنوه فالكون
من صغرى و أنا أتحرمت من قلبك الحنون
بحلفلك برب الكون والله وحشتينى بجنون

أمى

فى بعدك ياما أتألمت
و من دمى و دمك أتعذبت 
حولت كتير أقسى زيهم لكن من طبعك أتعلمت

أمى 

كتير بسرح فى صورتك و وحشنى ياما حضنك
و كتير بسمع لصوتك و كأنى عايشه فملكوتك
و كتير بروح لقبرك و تهفهف روحك و أفتكر صبرك
أقعد جمبك أحكيلك و يريحنى هدوء قبرك
علمت ولادى يعشقوا يرحولك و يرو صبارك و زهورك

زرعت فيهم الحنيه و الوفاء و الأنسانيه 
وحظرتهم من غدر القرايب و غيرة الأخوات و المصايب 

و أهم ما علمتهم ذكر الله و الأستغفار دايماً والصلاة

يمكن يكون عمرى خلاص يبقى ربتهم عالأخلاص

ربتهم زى ما ربتينى 
مع إنى كان نفسى تكونى معايا و توعينى
و فحضنك دايماً تضمينى

لكن قضاء الله أقوى 
أختارك من سنين و أكيد أختياره رحمه

على مرضك ياما صبرتى و بالحسنى مع الناس أتعاملتى
عدى فوق 20 سنه والكل بيحلف بسيرتك

فجنة الله يا أمى
يا حبى و عشقى و دمى
و برضى ربى يجمعنى بيكى
و الله قلبى بينده عليكى

يا رب أقبل دعائى وأجمعنى بيها عن قريب
و أجعلنى معاها فى رحاب رسولك الكريم
و على صراطك المستقيم

أسألكم الفاتحه لموتنى و موتى المسلمين

بقلـــــ نانا محمد ـــــــم 

فى كل حرف و كل سطر دموع سقطت منى أسألكم الدعاء لها والفاتحة

الثلاثاء، 11 مارس 2014

حبك مفرحنى



بيقولوا المحبه شوق
 و أنا شوقى ليك بيدبحنى



و صحيح أنك بعيد عنى
 لكن نظره لصورتك تريحنى 




و كتير همسك بيوحشنى
 لكن قلبك ما يسمحلى 




و بشتاق ياما لصوتك
 لكن الأيام قسيت و ما رضيت تريحنى 




بيقولوا قسوة الحبايب بتقتل الحب
 و أنا حبى لك بيزيد و دا اللى مفرحنى


كلمات +نانا محمد