الثلاثاء، 11 مارس 2014

حبك مفرحنى



بيقولوا المحبه شوق
 و أنا شوقى ليك بيدبحنى



و صحيح أنك بعيد عنى
 لكن نظره لصورتك تريحنى 




و كتير همسك بيوحشنى
 لكن قلبك ما يسمحلى 




و بشتاق ياما لصوتك
 لكن الأيام قسيت و ما رضيت تريحنى 




بيقولوا قسوة الحبايب بتقتل الحب
 و أنا حبى لك بيزيد و دا اللى مفرحنى


كلمات +نانا محمد 

الأحد، 2 مارس 2014

بـنـده عليــك



لسه بحن ليك 

لسه بشتاق إليك

فاتت أيام طوال يا حبيبى و انا بنده عليك 


فاكر زمان حبيبى لما كنا احنا سوا 

كانت الساعات تفوت فلحظه أوام زى الهوى 

فاكر الحب اللى كان 

فاكر الهنا و الأمان

فاكر بيتنا يا حبيبى طب فاكر حتى الحنان


وانا لسه بحن ليك

لسه بشتاق إليك 

فاتت أيام طوال يا حبيبى و انا بنده عليك


لسه صورتك فحضنى

لسه حبك فقلبى

لسه ملهوفه روحى عليك حبيبى لسه اوووووووى


و انا لسه بحن ليك 

لسه بشتاق إليك

فاتت أيام طوال يا حبيبى و انا بنده عليك


  كلمــ نانا محمد ــات