الأحد، 23 فبراير 2014

سطــور النهاية



خلاص بتتكتب سطور النهاية
و هتخلص معاها قصتى و الحكاية
لكن فى ناس غيرى هتكون لها البداية
رواية جميله منكرش كانت أجمل رواية
حاجه و لا فالخيال لكن هتقتلها النهاية

و كل ما يقرب الميعاد أحس بريحة الموت
قلبى بينبض و نفسى موجود لكنى حاسه إنى فتبوت

أيام عليا بتعدى و تفوت الساعات
أقرأ كل سطر وكل حرف من الذكريات
و لا بحس بوقت عدى ولا مين سأل عليا ولا مين مجاش أهى أيام بتعدى حتى يوم الممات

خلاص أنا هبقى ذكرى ليكم ممكن فى يوم تفتكرونى أو تحنوا للى فات
و لا هتموت معايا سيرتى و هتقفلوا صفحتى فى حياتكم من سكات
و لو نستونى عادى مالدنيا هتنسانى و تمحى أسمى و الذكريات


بقلم * نانا محمد

الجمعة، 21 فبراير 2014

أيـــه غيــركــ



قولى يا حبيبى أيه غيرك
قولى و أحكيلى عاللى مسهرك
قول و أشركنى فاللى محيرك

و بلاش تقولى أصل الظروف
أو تتهمنى أنى مش بشوف
زمان ياما كان فى مشاكل بس كلامها كان معروف
أحكى و بلاش تقول أصل الظروف

عارف أد أيه أنت منى 
و عارف أد أيه بعدت عنى

لو ناسى يا حبيبى أفتكر كل اللى كان
أو بص لكل ركن فى بيتنا و أنت تشعر بالأمان
و لا ألمح صوره جمعتنا ترجمت معنى الحنان
أو غنوه سمعناها سوى نزعت من قلوبنا العنان

قولى يا حبيبى

ماوحشكش فضفضة كلامى
و لا مشغبة ملامى
طب وحشك لمسك غرامى

نفسى أشيل الحزن منك
نفسى أبعد الهم عنك
كل همى أحس أنك
عايش حياتك فى هنا مش غصب عنك


كلمــــ نانا محمد ـــــات