الاثنين، 19 أغسطس 2013

الأرهـــــــــاب



راجع من الأجازه فرحان 
قاله خلاص هانت يا بوى 
خلصت الخدمه على خير و هرجع أجْف وياك تانى فالغيط
معلش يا بوى عارف الحمل تجيل عليك 
بس هانت كلها كام يوم و أرجع

رد أبوه قاله الحمد لله يا ولدى ترجع بالسلامه
و أنا خلاص بعت الجمح و بنيتلك البيت عشان تتجوز يا ولدى

خرج الجندى من بيته فرحان تمام يا فندم
قال القائد أجمع عالخدمه يا جندى
شاف صاحبه فى عينه الدموع
قال مالك يا جندى أتوحشت الرجوع
ولا صعبان عليك فراج المحبوب
أسترجل يا جندى ليوعالك زميلك يجول عليك فرفور

قاله لا يا جندى أصل سمعت القائد بيجول على سينا رايحين

قال يا فرج الله هنحارب اليهود

قاله لا ياريتهم يهود دول ناس مالهم مله ولا دين
ربنا يسترها يا صاحبى و نرجع من هناك سالمين

قال هانت يا جندى كلها أيام و تخلص فترة التجنيد
و ترجع لدارك يا صاحبى

قاله اللهم أمين و قبل ما يخلصها خد طلقه وقع فالارض
جرى عليه يلحقه وقع جمبه و سال دمه و دم صاحبه

قاله مش جولتلك يا صاحبى أننا مفجدين طلنا رصاص الغدر من الأرهابيين

قال متجلجش بأذن الله عالجنه رايحين
و مصر هتفضل شيللنا الجميل

مسك أيده فى أيد صاحبه و قبل ما يقول الشهاده
قال سامحنى يا بوى الحمل هيتجل عليك كتير

بقلم ‫#‏مصريه‬ . نانا محمد


الأحد، 18 أغسطس 2013

شمعة حبيبى




حب ــــ حب أيه دا كل كلام الحب شويه عليه 

عشق ــــ عشق لمين دا قلبى دايب فى كل حاجه فيه 
شوق ــــ شوق لأيه دانا صبرى فاض من كتر شوقى ليه 


حبيبى يا بسمة شفايفى يا كل نبض ساكن قلبى 
حبيبى يا فرحة حياتى يا همسى شجنى و سكاتى 
حبيبى يا نسمة دنيتى يا سعدى و فرحى و جنتى

مشتاقه لــ يوم رجوعك و لـ روحى اللى ساكنه فــــ ضلوعك 
مشتاقه لــ نظرة عيونك و صوتك و عشقك و جنونك 
مشتاقه لــ لمسه من أيداك تمسح دموعى فــ الغربه عليك

مشتاقه لهمسه تحينى و برحيق أنفاسك تحتوينى


سهرانه أعد الساعات
و عمرى اللى فـــ بعدك سكات

سكت قلمى لكن قلبى كتير مخبى

مش كسوف لا دا خوف
خوف من عين عذال الغرام لــــ تجرحنى
و حقدهم لـــ عشقى يدبحنى

دارى يا هوى حبى
وخبى يا روحى العشق خبى
خلى شمعة حبيبى دايماً منوره قلبى

بقلــم  نانا محمد