الثلاثاء، 16 أبريل 2013

لـحـن الأحبــــــــه




غنيت للحن الأحبه قصايد من أروع كلام

رد عليا الهوى باصعب موال
سألت الهوى موالك ليه حزين
قالى من كتر جراح الأحبة 
غنيت أنا مواويل

سالت دمعتى على خدى 
و أفتكرت جرحى قلبى اللى نزف كتير
داريت دمعى بيدى و كأنى ما بكيت
رد الهوى و قالى بدارى دمعك ليه
مأنا عشانك بغنى و بكتب مواويل

رفعت يدى لربى 
و دعيت يداوى جرح قلبى الحزين
رد الهوى و قالى ربك عنده الكتير

النهاردا أنتى أتجرحتى 
بكرة الفرح يمحى جرحك

سبيها عالله دا ربك والله كريم


~بقلـــ نانا محمد ـــــم~

عشـرت سنــــه




راحت خلاص عشرت سنه 
راحت و بعت حبنا

راحت خلاص عشرت ليالى 
راحت و بعدت انت يا غالى

شيفه خلاص انك نستنى
وعيونك قدرت تفارقنى

لو اختيارك تنسانى 
هبعد بعيد وعمرك ما هتعرف عنوانى

خلاص يا قلبى راحت اجمل ايامى

اه عينى بتبكى بحرقه
و قلبى بينزف على روحى اللى مفارقه

لكن خلاص انت بايعنى 
امشى الطريق يمكن تلقى لك رفيق

لكن بقول انك خسرت كل حاجه من بعدى
و مهما دورت و مهما لفيت 
عمرك مهتلقى زى قلبى لك بيت

خلاص ابعد بعيد
لكن بقولك انك هترجع يوم مالدنيا تضيق بيك
ساعتها هقولك كان اختيارك والقرار دا كان قرارك

و دلوقتى قلبى نسيك 
ابعد خلاص عمر قلبى ما هيشتريك

بقلـــ نانا محمد ـــم