الأربعاء، 10 أبريل 2013

أفـتـكـــرنــــى




أبعد مهما تبعد و تنسانى
قلبى دايماً شيلك و عينى تحلف بغرامى
صحيح أنك بعيد و قلبك فارق مكانى 
و يمكن تكون روحك نسيت كمان عنونى
لكنى عمرى ما نسيتك و لو ثوانى
و هيفضل حبك مالك كيانى

يمكن تكون غلطتى إنى قولتلك عيش حياتك و حب تانى
لكنى قولت كدا عشان قلبى عمره ماكان أنانى

و بأعلى صوت أنا قولتها 

مش همنعك
مش همنعك تعيش حياتك
و مش همنعك تحس بذاتك

لكن كمان قولت همنعك

همنعك
 لو فى يوم قولت أنى كنت أمبارح و هى بكرة
و إن حبى بقى مجرد ذكرى

ياريتنى مــ حسيتك ولا صادفنى بيك زمانى
و ياريتنى حبيتك أكتر و سجنتك فى قلبى و عنوانى

عشانك كتبت أجمل كلام فــ الحب 
و ليك بكى قلمى على كل دمعه بكاها القلب

ياريتك يا حبيبى سمعت فى يوم و فهمت
إن وجودك هو حياتى
و بعدك عنى لحظة مماتى

مش هترجاك ترجعلى 
ولا هسمح إن عيونك تلمح دمعى

عيش يا حبيبى و أتهنى 
و يارب يجعل حياتك جنه

بس بحلفك برب الكون 
لو لسه فى قلبك ليا زرة شجون

 تفتكرنى

أفتكرنى لحظه فى يومك
و أفتكر إنى فى يوم كنت سكونك
و أوعى تنسى إن حبى كان بيمحى همومك
أفتكرنى

و لو فى يوم صدفك زمانك و لقيت نفسك فى مكان جمعنا
أفتكرنى يا حبيبى و أفتكر إنها كانت دقايق فالجنه

غمض دقيقه و يمكن تكون حقيقه 
و تلاقينى بقولك لسه فاكر مكانا

أفتكرنى يا حبيبى 
و بدعيلك يارب تتهنى

~ًٍَِْ بقلــــــ نانا محمد ــــــــــم ~ًٍَِْ

الثلاثاء، 9 أبريل 2013

هـــاتـى هـمــومــك يــا دنيــا





كترت الهموم و الدموع سالت على خدى

تعبت عيونى من بكاها و قالت 
أمتى أشوف الدنيا بلون وردى

رديت قولتلها أبكى بحرقه يا عيونى 
دا الدنيا ماتت عندى

تفرحى أزاى يا عيونى و أنا قلبى قتلته بيدى

هاتى همومك يا دنيا و شيلينى كمان وعبى

ما أنا أنكتبلى الحزن و كتر الدمع على خدى

الفرح أنا معرفهوش فالدنيا مشفتهموش 
بينى و بينه سور بناه الحزن عندى

و الحب فين الحب  من قلب صادق و يوفى 
هحس أزاى بالحب و أنا الكل داس على قلبى 

هاتى همومك يا دنيا شيلينى كمان و عبى

بقلــــــ نانا محمد ـــــم